တောင်ကိုရီးယားမှာ မြန်မာလုပ်သားတစ်ဦး ရုတ်တရက် နှလုံးရပ်သေဆုံး
တောင်ကိုရီးယားမှာ မြန်မာလုပ်သားတစ်ဦး ရုတ်တရက် နှလုံးရပ်သေဆုံး
ဧပြီ၂၆ရက်၊ Migrant Times
- တောင်ကိုရီးယားနိုင်ငံ ချောင်နန်မြို့ရှိ စက်ရုံမှာ မြန်မာလုပ်သားတစ်ဦး ဒီကနေ့(ဧပြီ ၂၆)မနက် ၆နာရီခန့်က လုပ်ငန်းခွင်အတွင်း ရုတ်တရက်နှလုံးရပ်သေဆုံးသွားတယ်လို့ အဲဒီနိုင်ငံက မြန်မာအသိုင်းအဝိုင်းထံက သိရပါတယ်။အသက်(၃၉)နှစ်အရွယ် ကိုမျိုးနိုင်အေးဟာ စက်ရုံမှာ ပစ္စည်းတွေကို ကွန်တိန်နာပေါ်က ချနေစဥ် ရုတ်တရက် နှလုံးအောင့်ပြီး မောလာကာ မူးလဲသွားတာဖြစ်ပြီး ချွန်နမ်ပြည်နယ် ချောင်နန်မြို့ ဒန်ဂု့တက္ကသိုလ် ဆေးရုံကြီးမှာ ဆေးကုသမူခံယူနေစဥ် နှလုံးရပ် ကွယ်လွန်သွားခဲ့တာလို့ ဆိုပါတယ်။ကိုမျိုးနိုင်အေးဟာ မြင်းခြံမြို့ကနေ တောင်ကိုရီးယားနိုင်ငံမှာ သွားရောက်လုပ်ကိုင်နေသူဖြစ်ပြီး ကြွင်းကျန်ရစ်သော ရုပ်ကလာပ်ကို သဂြိုဟ်ရန်အတွက် ကျန်ရစ်သူ မိသားစုနဲ့တိုင်ပင်ပြီး ပြန်လည် ကြေညာပေးမယ်လို့ တောင်ကိုရီးယားရောက်မြန်မာလုပ်သားအရေးကူညီပေးနေတဲ့ ကိုဇော်မိုးက သူ့ရဲ့လူမူကွန်ရက်ကနေ အသိပေးထားပါတယ်။
- ကိုမျိုးနိုင်အေးဟာ တောင်ကိုရီးယားကို ဒုတိယအကြီမ်ရောက်ရှိ အလုပ်လုပ်ကိုင်နေသူဖြစ်ပြီး ကွယ်လွန်ချိန်မှာ ဇနီးနဲ့ (၅နှစ်အရွယ်နဲ့ (၈)လသား အရွယ် ကလေးနှစ်ယောက် ကျန်ရစ်ခဲ့ပါတယ်လို့ဆိုပါတယ်။သူ့အနေနဲ့ နောက်ထပ် တစ်နှစ်ကျော် အလုပ်လုပ် ကိုင်ပြီးပါက အမိမြေကို ပြန်ရတော့မှာဖြစ်တယ် လို့လည်း သိရပါတယ်။တောင်ကိုရီးယားနိုင်ငံမှာ မကြာခင်ကလည်း ကျန်းမာရေးမကောင်းလို့ နေရပ်ပြန်အနားယူဖို့ပြင်ဆင်နေတဲ့ မြန်မာလုပ်သားတစ်ဦးမပြန်ခင်ရုတ်တရက်ကွယ်လွန်သွားတဲ့ဖြစ်ရပ်လည်း ရှိခဲ့ပါသေးတယ်။အဲဒီနိုင်ငံမှာ မြန်မာလုပ်သားဦးရေ ၅၀,၀၀၀ နီးပါးလုပ်ကိုင်နေကာ အလုပ်ပင်ပန်းမူ၊စိတ်ဖိစီးမူစတဲ့ ပြသနာတွေကြုံတွေ့ကြရလေ့ရှိတယ်လို့ အလုပ်သမားတွေက ဆိုပါတယ်။
