တောင်ကိုရီးယားကို မြန်မာလုပ်သား ၁၅၀ ကျော်စေလွှတ်
ဇူလိုင် ၁၈ ရက်၊ Migrant Times
- တောင်ကိုရီးယားနိုင်ငံကို EPS မြန်မာလုပ်သား ၁၅၁ဦး ဒီကနေ့ ထပ်မံစေလွှတ်ခဲ့တယ်လို့ သိရပါတယ်။တောင်ကိုရီးယားနိုင်ငံမှာ အလုပ်လုပ်ဖို့ အစိုးရပြည်ပအလုပ်အကိုင်အေဂျင်စီ EPS စနစ်နဲ့ ကုန်ထုတ်လုပ်သားသစ် (၆၃)ဦး၊ စိုက်မွေးလုပ်သားသစ် (၇၉) ဦး၊ ဆောက်လုပ်ရေးလုပ်သားသစ် (၉) ဦး၊ စုစုပေါင်း (၁၅၁) ဦးဟာ ဒီကနေ့အင်ချွန်းအပြည်ပြည်ဆိုင်ရာလေဆိပ်ကို ရောက်ရှိလာတယ်လို့ မြန်မာသံရုံး၊ ဆိုးလ်မြို့က သတင်းထုတ်ပြန်ထားပါတယ်။အခုနှစ်မေလက မြန်မာလုပ်သား ၂၉၉ ဦးကို တောင်ကိုရီးယားကို စေလွှတ်ခဲ့ပါတယ်။ ပြီးခဲ့တဲ့ ဇွန်လအတွင်း မြန်မာလုပ်သား ၉၁၉ ဦး စေလွှတ်ခဲ့ပါတယ်။
ဓာတ်ပုံ- မြန်မာသံရုံး၊ ဆိုးလ်မြို့
