ထိုင်းမှာ အမြန်ချောပို့လုပ်ငန်း Call Center ဝန်ထမ်း ဟန်ဆောင်လိမ်လည်သူ ၉ ဦး ဖမ်းဆီးခံရ
ဩဂုတ် ၁၆ ရက်
Migrant Times
- ထိုင်းနိုင်ငံမှာ အမြန်ချောပို့လုပ်ငန်း Call Center ဝန်ထမ်းအဖြစ် ဟန်ဆောင်ကာ ငွေကြေးလိမ်လည်သူ ၉ ဦးကိုထိုင်းဆိုက်ဘာ ရဲတပ်ဖွဲ့က ဖမ်းဆီးခဲ့ပါတယ်။ထိုင်းနိုင်ငံ၊ ချင်းရိုင်ခရိုင်၊ မယ်ဆိုင်မြို့၊ မှုခင်းနည်းပညာ နှင့် ရာဇဝတ်မှုစုံစမ်းစစ်ဆေးရေးဌာန အရာရှိတွေက ဖမ်းဆီးခဲ့တာဖြစ်ပြီး ဘတ်သန်း ၃၀၀ ကျော်တန်ဖိုး သက်သေခံပစ္စည်းတွေကိုပါ သိမ်းဆည်းရမိခဲ့တယ်လို့ သိရပါတယ်။လိမ်လည်သူတွေဟာ ပုဂ္ဂလိက အမြန်ချောပို့ ၀န်ထမ်းတွေအဖြစ် ဟန်ဆောင်ကာ စုစုပေါင်း ဘတ်ငွေ ၂,၈၃၉,၂၉၈.၄၅ ကျော်ကို လိမ်လည်လှည့်ဖြားခဲ့တယ်လို့ သိရပါတယ်။မည်သူမည်ဝါဖြစ်ကြောင်း လိမ်လည်မှု၊ ကွန်ပျူတာအခြေခံ ပြစ်မှု၊ ငွေကြေးခဝါချမှုတို့နဲ့ ဥပဒေအရ အရေးယူမယ်လို့ သိရပါတယ်။
