တာချီလိတ်ကတစ်ဆင့် တရုတ်နယ်စပ် ပန်ဆန်းသို့ ထိုင်းအမျိုးသမီး လူကုန်ကူးခံရ
မေ ၃၁ ရက်
ခွန်သောမတ်၊ Migrant Times
- ထိုင်းနိုင်ငံ၊ နာခွန်ရတ်ခ်ျစီမာပြည်နယ်၊ နာခွန်ရတ်ခ်ျစီမာမြို့နေ၊ အသက် ၂၅ နှစ်အရွယ် မစ္စ ဝါစာနာဟာ ထိုင်း-မြန်မာနယ်စပ် တာချီလိတ်ကတစ်ဆင့် တရုတ်နယ်စပ် ပန်ဆန်းသို့ လူကုန်ကူးခံရတာကြောင့် ထိုင်း-မြန်မာ အစိုးရပူးပေါင်း ကယ်ထုတ်ခဲ့တယ်လို့ သိရပါတယ်။မြန်မာ TikTok အပလီကေးရှင်းကတစ်ဆင့် အမည်မသိလူတစ်စုက တာချီလိတ်ခရိုင် KTV ဖျော်ဖြေရေးမှာ အလုပ်လုပ်ကိုင်ဖို့ ဆွဲဆောင်ခဲ့ပြီး တရုတ်နယ်စပ်၊ ပန်ဆန်းမြို့၊ တရုတ်ရင်းနှီးမြှုပ်နှံသူအုပ်စုထံ ရောင်းချခံတာဖြစ်ပါတယ်။
- လူကုန်ကူးမှု တိုက်ဖျက်ရေး ကာကွယ်ရေးစင်တာသို့ လူကုန်ကူးခံရကြောင်း အကူအညီ တောင်းခံခဲ့တာကြောင့် ထိုင်းနဲ့ မြန်မာတာဝန်ရှိသူတွေ ပူးပေါင်းကယ်ထုတ်ခဲ့တာလို့ ညွှန်ကြားရေးမှူး ရဲမှူးချုပ် ဆူရာချက် ဟက်ပါလ်က ပြောပါတယ်။လူကုန်ကူးခံရတဲ့ ထိုင်းအမျိုးသမီးကို အမှတ်(၂) ချစ်ကြည်ရေးတံတားကေနထိုင်းနိုင်ငံသို့ ပြန်လည်ပို့ဆောင်ပေးခဲ့ပြီးဖြစ်တယ်လို့ သိရပါတယ်။ထိုင်းနိုင်ငံမှာ လူကုန်ကူးခံရပါက လူကုန်ကူးမှုတိုက်ဖျက်ရေး နှင့် ကာကွယ်စောင့်ရှောက်ရေးဗဟိုဌာန၊ ထိုင်းဘုရင့်ရဲတပ်ဖွဲ့ထံ တိုက်ရိုက် hotline 1599 ကေန အကူအညီတောင်း ဆက်သွယ်နိုင်ကြောင်း သိရပါတယ်။
ကိုးကား၊ ဓာတ်ပုံ- MAESAIPRESS
