မလေးရှားရောက် မြန်မာလုပ်သားတစ်ဦး ကျပ်သိန်း ၁,၀၀၀ခန့် တန်ဖိုးရှိ ထီဆုဆွတ်ခူး
မလေးရှားရောက် မြန်မာလုပ်သားတစ်ဦး ကျပ်သိန်း ၁,၀၀၀ခန့် တန်ဖိုးရှိ ထီဆုဆွတ်ခူး
ဒီဇင်ဘာ ၂၁ရက်၊ Migrant Times
မလေးရှားနိုင်ငံရောက် မြန်မာလုပ်သားတစ်ဦးဟာ Lotto 6D တစ်ရင်းဂစ်ဖိုး ကံစမ်းခဲ့ရာက ရင်းဂစ်တစ်သိန်းခွဲ (ကျပ်သိန်း ၉၅၀ခန့်) ဆုခူးရရှိခဲ့တယ်လို့ နှလုံးလှပရဟိတလူငယ်များသွေးလှူရှင်အဖွဲ့(ကွာလာလမ်ပူ-မလေးရှား)ထံက သိရပါတယ်။
မလေးရှားနိုင်ငံ မဲတူးမြို့ မှာအလုပ်လုပ်ကိုင်နေတဲ့ ရခိုင်လူမျိုးဟာ Lotto ၆လုံးထီကို အပြင်ဒိုင်က ပေါက်ပြီး ထုပ်ယူဖို့အကူအညီတောင်းခံမှုကြောင့် နှလုံးလှပရဟိတလူငယ်များသွေးလှူရှင်အဖွဲ့က သွားရောက်ကူညီပေးခဲ့ရတယ်လို့ ဆိုပါတယ်။
အဲဒီဆုငွေရင်းဂစ်တစ်သိန်းခွဲကို အဆင်ပြေစွာထုပ်ယူပေးခဲ့ပြီး ကံထူးသူမှ နှလုံးလှအဖွဲ့အား ပရဟိတလုပ်ဆောင်ရန် ရင်းဂစ် ၅,၀၀၀ကိုလည်း လှူဒါန်းခဲ့တယ်လို့ အဲဒီအဖွဲ့က ထုတ်ပြန်ပါတယ်။
ထီကံထူးရှင်ဟာ မလေးရှားရောက်တာ ၄လသာရှိသေးပြီး အိမ်မက်ဂဏန်းကို ထိုးလိုက်ရာကနေ ဆုကြီးဆွတ်ခူးသွားတာလို့လည်း သိရပါတယ်။
ဓာတ်ပုံ – နှလုံးလှပရဟိတလူငယ်များသွေးလှူရှင်အဖွဲ့
