တောင်ကိုရီးယားနိုင်ငံတွင် မိုးသည်းထန်စွာရွာသွန်းမှု နှင့် ရေကြီးမြေပြိုမှုကြောင့် ထိုင်းအလုပ်သမားများအတွက် စိုးရိမ်ကြောင်း အလုပ်သမားဝန်ကြီး ပြော
ဇူလိုင် ၁၈ ရက်
ခွန်သောမတ်၊ Migrant Times
- တောင်ကိုရီးယားနိုင်ငံမှာ မိုးသည်းထန်စွာရွာသွန်းမှုကြောင့် နေရာအများအပြားတွင် ရေကြီးမြေပြိုမှု ဖြစ်ပွားခဲ့ပြီး ထိုင်းနိုင်ငံသူ ၁ ဦးအပါအ၀င် အနည်းဆုံး လူ ၄၉ ဦး သေဆုံးကာ ထောင်နှင့်ချီသော လူများကို ဘေးလွတ်ရာသို့ ရွှေ့ပြောင်းနေရကြောင်း သိရပါတယ်။ဆိုးလ်မြို့ရှိ ရေကြီးမြေပြိုမှု ဖြစ်ပွားခဲ့သည့် နေရာတွင် သေဆုံးသွားသည့် ထိုင်းနိုင်ငံသူ Ms. Patcharamon Ratkratoke အသက် ၃၃ နှစ်သည် Nakhon Ratchasima ပြည်နယ် နေထိုင်သူ ဖြစ်ပြီး ခင်ပွန်းဖြစ်သူနှင့်အတူ ခရီးသွားဗီဇာဖြင့် တောင်ကိုရီးယားသို့ ၃ နှစ်နီးပါး သွားရောက် အလုပ်လုပ်ကိုင်နေသူဖြစ်ကြောင်း ဆိုးလ်မြို့ရှိ ထိုင်းသံရုံးမှ မစ္စတာ Nithipat Watanasuwakul သတင်းဌာနကို ပြောပါတယ်။
- “တောင်ကိုရီးယားနိုင်ငံမှာ မိုးသည်းထန်စွာရွာသွန်းပြီး သဘာဝဘေးအန္တရာယ် ရေကြီး ရေလျှံမှုများ ဖြစ်နေချိန် ဆိုးလ်မြို့ရှိ ထိုင်းတော်ဝင် သံရုံးမှတဆင့် သတင်း အချက် အလက်များကို အနီးကပ် စောင့်ကြည့်ရန် ထိုင်းအလုပ်သမားများအတွက် စိုးရိမ်ကြောင်း ထိုင်း အလုပ်သမား၀န်ကြီး မစ္စတာ ဆူချက် ချွမ်ကလင် က ပြောပါတယ်။ရေကြီး မြေပြိုမှုကြောင့် သေဆုံးသွားသည့် ထိုင်းနိုင်ငံသူ၏ နေအိမ်တွင် လူသားချင်း စာနားထောက်ထားမှု အကူအညီပေးပြီး မစ္စ Phacharamon ၏ ဈာပနအခမ်းအနား ကူညီဆောင်ရွက်ပေးသည့် ဆွေမျိုးများအား အကြောင်းကြားပြီး ပုဒ်မ ၃၃ အရ ကွယ်လွန်သူ အာမခံစုဆောင်းငွေအချို့ နှင့် အစိုးရမှပေးအပ်သည့် အကျိုးခံစားခွင့်များ တရားဝင် ပေးအပ်သွားမည်ဖြစ်ကြောင့် အလုပ်သမားဝန်ကြီးဌာန အမြဲတမ်းအတွင်းဝန် Mr. Bunchob Suttamanatwong က ပြောကြားကြောင်း သိရပါတယ်။
- ကိုရီးယားသမ္မတနိုင်ငံ ဆိုးလ်မြို့ရှိ ထိုင်းတော်ဝင်သံရုံး၏ သတိပေးချက် ထုတ်ပြန် ထားပြီး နောက် ၁ – ၂ ပတ်အတွင်း နေရာတော်တော်များများမှာ ရေကြီး ရေလျှံမှုတွေ ဖြစ်ပေါ်နေပြီး အကူအညီ တောင်းခံလိုပါက ထိုင်းသံရုံး၏ အရေးပေါ် ဖုန်းနံပါတ် +8210-6747-0095 နှင့် +8210-3099-2955 သို့ ဆက်သွယ်နိုင်ကြောင်း သိရပါတယ်။
