ထိုင်းနိုင်ငံတောင်ပိုင်း ဒူးရင်းခြံထဲမှာ မြန်မာလုပ်သား နှစ်ဦး အသတ်ခံရ
ထိုင်းနိုင်ငံတောင်ပိုင်း ဒူးရင်းခြံထဲမှာ မြန်မာလုပ်သား နှစ်ဦး အသတ်ခံရ
ဖေဖော်ဝါရီ ၁၅ရက်၊Migrant Times
- ထိုင်းနိုင်ငံတောင်ပိုင်း ချွန်ဖော်ခရိုင်ထဲက ဒူးရင်းစိုက်ပျိုးရေးခြံ မှာ မြန်မာရွှေ့ပြောင်းလုပ်သား နှစ်ဦးမနေ့က သတ်ဖြတ်ခံလိုက်ရတယ်လို့ ထိုင်းသတင်းတွေဖော်ပြပါတယ်။ဖေဖော်ဝါရီ ၁၄ ရက် ညပိုင်း ၈ နာရီလောက်မှာ လူသတ်မှုဖြစ်ပွားခဲ့တာပါ။ထိုင်းရဲက သွားရောက်စစ်ဆေးရာမှာ စိုက်ပျိုးရေးခြံထဲက တဲမှာ မြန်မာရွှေ့ပြောင်းလုပ်သား နှစ်ဦးဟာ ဓားဒဏ်ရာတွေနဲ့ သွေးအိုင်ထဲ လဲကျသေဆုံးနေတာကိုတွေ့ခဲ့ရပါတယ်။မြန်မာနှစ်ဦးဟာ အသက် ၄၈ နှစ်အရွယ်နဲ့ အသက် ၅၈ နှစ်အရွယ်ဖြစ်ပါတယ်။ပြီးခဲ့တဲ့တနင်္ဂနွေနေ့ကလည်း ထိုင်းနိုင်ငံ၊ စမွတ်ပကန်ခရိုင် ထဲမှာ အသက် ၂၃ နှစ်အရွယ် မြန်မာအမျိုးသားဟာ နေထိုင်ရာ အခန်းထဲမှာ သတ်ဖြတ်ခံခဲ့ရပါသေးတယ်။
