“ လူ့အဖွဲ့အစည်း ရှင်သန်ရင် – ငါတို့ သားသမီးတွေလည်း ရှင်သန်မယ်”
ထူးချစ် – ခွန်သောမတ်စ် ထိုင်းအစိုးရ၏ ပညာရေးမူဝါဒအရ နိုင်ငံခြားသား (ရွှေ့ပြောင်း)ကလေးများ ပညာသင်ယူခွင့်သည် ထိုင်းကလေးများကို မထိခိုက်စေဘဲ ရေရှည်လူမှုပြဿနာများ ဖြေရှင်းနိုင်မည်ဖြစ်သည်။ ထိုင်းနိုင်ငံ ဘန်ကောက်မြို့တွင် ထိုင်းကလေးငယ်အားလုံးအတွက် ပညာသင်ယူရန် နေရာအလုံအလောက်ရှိပြီး နိုင်ငံခြားသား ရွှေ့ပြောင်းကျောင်းသူကျောင်းသားများအား လက်ခံခြင်းသည် တရားမဝင် အလုပ်သမား ပြဿနာကို ဖြေရှင်းရန်နှင့် ရာဇဝတ်မှုလျှော့ချရန် ကူညီအထောက်ကူပြုနိုင်ကြောင်း ဘန်ကောက်မြို့တော် ဒုတိယ မြိုတော်ဝန် ခွန်စနွန် ဝမ်စံဘွန် (Sanont Wangsangboon) က ၎င်း၏လူမူကွန်ယက် (Facebook) စာမျက်နှာ “Wangsangmuang” တွင် ရေးသားဖော်ပြခဲ့သည်။ အသက် (၁၃) နှစ်အရွယ် ကမ္ဘောဒီးယား ကျောင်းသားတစ်ဦး ကို ထိုင်းရဲများက ဖမ်းဆီးပြီးနေရပ်ပြန်ပို့ရန် ပြင်ဆင်နေသည်ဆိုသည့် သတင်းနှင့်အတူ အွန်လိုင်းပေါ်တွင် ဘန်ကောက်မြို့တော်၏ ပညာရေးဆိုင်ရာ အခွင့်အလမ်းနှင့်မူဝါဒများနှင့် ပတ်သက်သည့်
