Cambodia

ဩဂုတ် ၁ ၊ Migrant Times ။‌ထိုင်းနိုင်ငံတွင် ကမ္ဘောဒီးယားတပ်ဖွဲ့များ၏ တိုက်ခိုက်မှုကြောင့် ထိုင်းအရပ်သား ၈ ဦးသေဆုံးခဲ့သည့် နယ်စပ်ဒေသရှိနေရာကို သံအမတ်များ၊ စစ်သံမှူးများ၊ ပြည်တွင်းပြည်ပ သတင်းမီဒီယာများက ယနေ့ (ဩဂုတ်လ ၁ ရက်) တွင် သွားရောက်လေ့လာခဲ့ကြသည်။ ပြီးခဲ့သည့် ဇူလိုင်လ ၂၄ ရက်နေ့တွင် ကမ္ဘောဒီးယားတပ်ဖွဲ့ဝင်များ၏ တိုက်ခိုက်မှုကြောင့် ထိုင်း၊စီစကစ်ခရိုင်၊ ကန်ထရလတ်မြို့နယ်၊ နောင်ယလတ်ရပ်ကွက်၊ ဘန့်ဖိုရွာရှိ PTT ဓာတ်ဆီဆိုင်နှင့် 7/11 ဆိုင်တို့ ထိခိုက်ပျက်စီးခဲ့ရာ အရပ်သား ၈ ဦး သေဆုံးပြီး ၁၅ ဦး ထိခိုက်ဒဏ်ရာရရှိခဲ့သည်။ သေဆုံးသူများထဲတွင် သားအမိနှစ်ဦး (အသက် ၈ နှစ်အရွယ် ကလေးငယ်တစ်ဦးနှင့် ၎င်း၏မိခင်) ပါဝင်ခဲ့သည်။ ထိုင်း-ကမ္ဘောဒီးယားနယ်စပ်တွင် ဇူလိုင်လ ၂၄

ဩဂုတ် ၁ ၊ Migrant Times ။ထိုင်း-ကမ္ဘောဒီးယားနယ်စပ်ရှိ ဒုက္ခသည် ၅၃,၃၁၂ ဦး အတွက် အရေးပေါ်လိုအပ်သည့် ပစ္စည်းများပါဝင်လှူဒါန်းနိုင်ကြောင်း ပညာရေးနှင့်ဖွံ့ဖြိုးရေးဖောင်ဒေးရှင်း (FED)မှထုတ်ပြန်သည်။ထိုင်းတောင်ပိုင်း ဖန်ငါပြည်နယ်ရှိ မြန်မာရွှေ့ပြောင်းအလုပ်သမားများ၊ဒေသခံအသိုင်းအဝိုင်းတို့နှင့်အတူ လက်ရှိအကျပ်အတည်းဒဏ်ခံစားနေရသူများအား စိတ်ရင်းစေတနာဖြင့် ကူညီပံ့ပိုးရန် ဖိတ်ခေါ်ခြင်းဖြစ်ကြောင်း FED ကထုတ်ပြန်သည်။ ၂၀၂၅ ခုနှစ် ဩဂုတ်လ (၁)ရက်နေ့မှ (၅)ရက်နေ့အထိလာရောက် လှူဒါန်းနိုင်ပြီး လှူဒါန်းပစ္စည်းအားလုံးကို ဩဂုတ်လ (၆) ရက်နေ့တွင် ဆူရင်ပြည်နယ်သို့ ကားဖြင့် တိုက်ရိုက်ပို့ဆောင်ပေးသွားမည်ဖြစ်ကြောင်းသိရသည်။ ထိုင်းနိုင်ငံ၊ ဆူရင်ပြည်နယ်တွင် ဒုက္ခသည်စခန်း ၁၂၂ ခုနှင့် ဒုက္ခသည် ၅၃,၃၁၂ ဦး ရှိပြီး ကြာရှည်ခံ အစားအစာများ(ခေါက်ဆွဲခြောက်၊ ငါးသေတ္တာ စသဖြင့်)၊ အခြေခံဆေးဝါးနှင့် ကျန်းမာရေးထောက်ပံ့ပစ္စည်းများ(OTC ဆေးဝါးများ၊ ခြင်ဆေး စသဖြင့်) ၊တစ်ကိုယ်ရေသန့်ရှင်းရေး ပစ္စည်းများ(သွားတိုက်တံ၊

ဇူလိူင် ၃၁ ၊ Migrant Times ထိုင်းနိုင်ငံ၊ ချန်ထပူရီပြည်နယ်၊ ဘန်လမ်နယ်စပ်ဂိတ်မှ ကမ္ဘောဒီးယားအလုပ်သမားများ ထိုင်းနိုင်ငံမှဆက်လက်ထွက်ခွာနေကြောင်း ထိုင်းသတင်းတွင်ဖော်ပြသည်။ ကမ္ဘောဒီးယားအလုပ်သမား ၁၅ဝဝ ကျော်သည် ယနေ့ ဇူလိူင်လ ၃၁ ရက်တွင် နံနက်ပိုင်းတွင် ဘန်လမ်နယ်စပ်ဂိတ်မှထွက်ခွာနေကြကြောင်း ထိုင်းနယ်စပ်ဂိတ်တာဝန်ရှိသူများက ထိုင်းသတင်းထောက်များကိုပြောသည်။ ထိုင်း-ကမ္ဘောဒီးယားနယ်စပ်တွင် ဇူလိုင်လ ၂၄ ရက်၌ တိုက်ပွဲများ ဖြစ်ပွားခဲ့သည့်နေ့ကစပြီး ကမ္ဘောဒီးယားအလုပ်သမားများ ထိုင်းနိုင်ငံမှစတင်ထွက်ခွာနေခြင်းဖြစ်သည်။ဇူလိုင် ၂၄ ရက်မှ ၂၇ ရက်အတွင်း ကမ္ဘောဒီးယားနိုင်ငံသား ၂ဝဝ,ဝဝဝကျော် ပြန်လည်ဝင်ရောက်ခဲ့သည်ဟု ကမ္ဘောဒီးယားအလုပ်သမားနှင့် အသက်မွေးဝမ်းကျောင်းဆိုင်ရာ လေ့ကျင့်ရေးဝန်ကြီးဌာနက ထုတ်ပြန်ကြောင်း CamNess သတင်းက ဖော်ပြခဲ့သည်။ ကမ္ဘောဒီးယား အမျိုးသားကာကွယ်ရေးဝန်ကြီးဌာနမှ ပြောရေးဆိုခွင့်ရှိသူ ဒုတိယဗိုလ်ချုပ်ကြီး မာလီဆိုချီတာက နောက်ထပ် ၁၅ဝ,ဝဝဝ ကျော် ပြန်လာမည်ဟု အာဏာပိုင်များက မျှော်လင့်ထားကြောင်း

ဇူလိူင် ၂၉ ၊ Migrant Times ကမ္ဘောဒီးယားစစ်တပ်သည် ယနေ့(ဇူလိုင်၂၉ ရက်)နံနက်ကစပြီး အပစ်အခတ်ရပ်စဲရေးသဘောတူညီချက်ကိုချိုးဖောက်ကာ ပစ်ခတ်ခဲ့ကြောင်း ထိုင်းအစိုးရ ပြောရေးဆိုခွင့်ရှိသူက စစ်ရေးအခြေအနေရှင်းလင်းပွဲတွင်ပြောကြားသည်။ ကမ္ဘောဒီးယားက ယနေ့နံနက်မှစ၍ အပစ်အခတ်ရပ်စဲရေး သဘောတူညီချက်ကို ချိုးဖောက်ခဲ့ခြင်းနှင့် ပတ်သက်၍ သက်သေအထောက်အထားများကို မလေးရှား၊ အမေရိကန်နှင့် တရုတ်နိုင်ငံတို့ထံ တင်ပြမည်ဖြစ်ကြောင်း ထိုင်းအစိုးရ ပြောရေးဆိုခွင့်ရှိသူ ဂျီရာရု ကပြောသည်။ ထိုင်းယာယီဝန်ကြီးချုပ် ဖူထမ် ဝက်ချယာချိုင်းနှင့်ကမ္ဘောဒီးယားဝန်ကြီးချုပ် ဟွန်မာနက်တို့သည် ယမန်နေ့ (ဇူလိုင် ၂၈) တွင် နယ်စပ်ဒေသ၌ ဇူလိုင် ၂၄ ရက်တွင် စတင်ခဲ့သည့် တိုက်ပွဲများရပ်တန့်ရန်အတွက် မလေးရှားနိုင်ငံတွင် တွေ့ဆုံခဲ့ကြသည်။ သံတမန်ရေးရာ ဆွေးနွေးမှုပြုလုပ်ပြီးနောက် မလေးရှားဝန်ကြီးချုပ် အန်ဝါအီဘရာဟင် နှင့်ပူးတွဲကျင်းပသည့်သတင်းစာရှင်းလင်းပွဲတွင် ယမန်နေ့ (ဇူလိုင် ၂၈)ညသန်းခေါင်ယံမှစကာ အပစ်ရပ်မည်ဖြစ်ကြောင်း ထိုင်း-ကမ္ဘောဒီးယား ခေါင်းဆောင်များက

ဇူလိူင် ၂၈ ၊ Migrant Times ထိုင်း-ကမ္ဘောဒီးယား နှစ်နိုင်ငံခေါင်းဆောင်များက ယနေ့ (ဇူလိုင် ၂၈) သန်းခေါင်ယံမှစကာအပစ်အခတ် ရပ်စဲရေး သဘောတူညီချက်ကို စတင်မည်ဖြစ်ကြောင်း ကြေညာလိုက်သည်။ ထိုင်း-ကမ္ဘောဒီးယားနယ်စပ်တွင် ဇူလိုင် ၂၄ ရက်တွင် စတင်ခဲ့သည့် တိုက်ပွဲများရပ်တန့်ရန်အတွက်ယနေ့ ဇူလိူင်လ ၂၈ ရက်နေ့တွင် ထိုင်းယာယီဝန်ကြီးချုပ် ဖူထမ် ဝက်ချယာချိုင်းနှင့်ကမ္ဘောဒီးယားဝန်ကြီးချုပ် ဟွန်မာနက်တို့သည် မလေးရှားနိုင်ငံတွင် တွေ့ဆုံခဲ့ကြသည်။ အာဆီယံ အလှည့်ကျ ဥက္ကဋ္ဌ မလေးရှားနိုင်ငံ၏ ကြားဝင်စေ့စပ်မှုဖြင့် သံတမန်ရေးရာ ဆွေးနွေးမှုပြုလုပ်ပြီးနောက် မလေးရှားဝန်ကြီးချုပ် အန်ဝါအီဘရာဟင် နှင့်ပူးတွဲကျင်းပသည့်သတင်းစာရှင်းလင်းပွဲတွင် ထိုင်း-ကမ္ဘောဒီးယား ခေါင်းဆောင်များက ပြောကြားခြင်းဖြစ်သည်။ ထိုင်း-ကမ္ဘောဒီးယား နှစ်နိုင်ငံခေါင်ဆောင်များက နံနက်ဖြန် ဇူလိူင်လ ၂၉ ရက် ၊နံနက် ၇ နာရီတွင် စစ်ဘက်ဆိုင်ရာ ဆွေးနွေးပွဲများ ပြုလုပ်မည်ဖြစ်ပြီး