ခြောက်လအတွင်း ထိုင်းနိုင်ငံက အာရှနိုင်ငံခြားသား အလုပ်သမားတွေကို အရေးယူမှုပိုများလာ
ဧပြီ ၂ ရက်၊ Migrant Times
- ထိုင်းနိုင်ငံအတွင်း တရားမဝင် အလုပ်လုပ်ကိုင်မှုနဲ့ အာရှနိုင်ငံခြားသား အလုပ်သမားတွေကို တရားစွဲဆိုမှု မြင့်တက်လာခဲ့တယ်လို့ အလုပ်အကိုင်ဌာန (DoE) အစီရင်ခံစာမှာ ဖော်ပြထားပါတယ်။၂၀၂၂ ခုနှစ်၊ အောက်တိုဘာလကနေ အခုနှစ် မတ်လအထိ တရားစွဲဆိုမှုမြင့်တက်လာတာလို့ ဆိုပါတယ်။အလုပ်အကိုင်နေရာပေါင်း ၆၈၅ ခုကို တရားစွဲဆိုခဲ့ပြီး လူပေါင်း ၁၅၅၀ ဦးကို တရားစွဲဆိုထားကြောင်း အစီရင်ခံစာမှာ ဖော်ပြထားပါတယ်။
- တရားစွဲခံရသူ အများစုဟာ မြန်မာ၊ ကမ္ဘောဒီးယားနဲ့ လာအိုလူမျိုး ရွှေ့ပြောင်းနေထိုင်သူတွေဖြစ်ပြီး ထိုင်းနိုင်ငံကို တရားမဝင် ဝင်ရောက်လာသူတွေ ဖြစ်ပါတယ်။အိန္ဒိယနဲ့ ဗီယက်နမ်နိုင်ငံသား အများအပြားကိုလည်း တရားစွဲဆိုထားတယ်လို့ Pattaya Mail က ဖော်ပြပါတယ်။ပြီးခဲ့တဲ့ခြောက်လအတွင်း ဖမ်းဆီးခံရတဲ့ ဥရောပသား၊ အမေရိကန်နှင့် ြသစတြေးလျနိုင်ငံသား အရေအတွက်ဟာ ၂၀ ဝန်းကျင်ပဲ ရှိသေးတယ်လို့လည်း အစီရင်ခံစာမှာ ဖော်ပြထားပါတယ်။ကုန်ပစ္စည်းရောင်းချခြင်း၊ ဆံပင်အလှပြင်ခြင်း၊ ကားမောင်းခြင်းနင့် အနှိပ်ခန်းများ ပါဝင်သည်။ သို့သော်လည်း ခြောက်လတာကာလအတွင်း လူဝင်မှုကြီးကြပ်ရေးရဲတပ်ဖွဲ့၏ ဖမ်းဆီးမှုအစီရင်ခံစာတွင် မပါဝင်ခဲ့ပေ။
- ထိုင်း DoE ညွှန်ကြားရေးမှူးချုပ် Phairoj Chotikasatien က နိုင်ငံခြားအလုပ်သမားတွေကို ဒဏ်ကြေးငွေနဲ့ ပြည်နှင်ဒဏ်ပေးဆောင်ဖို့စည်းမျဉ်းအပြောင်းအလဲရှိလာတယ်လို့ ဆိုပါတယ်။ခွင့်ပြုချက်မရှိဘဲ အလုပ်အကိုင်ပေးတဲ့ လုပ်ငန်းေတွအတွက် ဒဏ်ကြေးဟာ အလုပ်သမားတစ်ဦးကို ဘတ် ၁၀,၀၀၀ ကနေ ၂၀၀,၀၀၀ ဘတ်အထိ ကွာခြားပါတယ်။” နိုင်ငံခြားသား တော်တော်များများက ဖူးခက်မှာ တရားဝင်ရော တရားမဝင်ရော အလုပ်လာလုပ်ကြတယ်။ မကြာခင်ကလည်း နိုင်ငံခြားသားတစ်စုဟာ ကားအငှားလုပ်ငန်းကို လုပ်ကိုင်ပြီးကားနဲ့ မီနီဘတ်စ် နှစ်မျိုးလုံးကို ပေးဆောင်ပြီး ခရီးသွားတွေကို ကားမောင်းသူအဖြစ် ဆောင်ရွက်ပေးခဲ့တယ်။ ထိုင်းတွေဆီက အလုပ်တွေ ခိုးတယ်” လို့ ထိုင်းလဝက တာဝန်ရှိသူက ဆိုပါတယ်။ထိုင်းနိုင်ငံတွင် အလုပ်လုပ်ကိုင်နေသော မြန်မာလုပ်သားများအား တွေ့ရစဉ်။ ဓာတ်ပုံ – Htet Aung
