Kuala Kurau ရေကြောင်းဧရိယာအတွင်း ၇ မိုင်အကွာတွင် မြန်မာနိုင်ငံသား တရားမဝင်ငါးဖမ်းသမား ၃ဦးဖမ်းစီးခံခဲ့ရ
Kuala Kurau ရေကြောင်းဧရိယာအတွင်း ၇ မိုင်အကွာတွင် မြန်မာနိုင်ငံသား တရားမဝင်ငါးဖမ်းသမား ၃ဦးဖမ်းစီးခံခဲ့ရ
ဇူလိုင် ၅ ရက်
Migrant Times
- Kuala Kurau ရေကြောင်းဧရိယာအတွင်း ၇ မိုင်အကွာတွင် ဒေသခံငါးဖမ်းလှေတစ်စင်းနှင့်အတူ မြန်မာငါးဖမ်းသမား ၃ဦးအား မလေးရှားရေကြောင်းထိန်းသိမ်းရေးအေဂျင်စီ (မလေးရှားပင်လယ်ရေကြောင်း) မှ ဖမ်းဆီးခဲ့သည်။Pulau Terong ၏အနောက်ဘက် Perak တွင်ယမန်နေ့မွန်းလွဲ 12:50 နာရီခန့်တွင် Kuala Kurau ရေကြောင်းဇုန်ဒါရိုက်တာ၊ ရေကြောင်းတပ်မှူး Mohd Najhan bin Azman Hamid က ပုံမှန်ကင်းလှည့်နေစဉ် မလေးရှားရေကြောင်းကင်းလှည့်သင်္ဘောအဖွဲ့မှ လှေကို တွေ့ရှိပြီး စစ်ဆေးရန်အတွက် ချဉ်းကပ်ခဲ့ကြောင်း ပြောကြားခဲ့သည်။စစ်ဆေးမှုရလဒ်များအရ လှေပေါ်တွင် အသက် ၂၁ နှစ်မှ ၄၀ နှစ်ကြား မြန်မာနိုင်ငံသား စုစုပေါင်း ၃ ဦးတွင် တရားဝင် သက်သေခံစာရွက်စာတမ်းများ မပါရှိကြောင်း တွေ့ရှိရသည်။
- ထပ်မံစစ်ဆေးရာ စက်လှေသည် တရားဝင်လိုင်စင်ရှိသော်လည်း ပိုင်ရှင်ကိုယ်တိုင် လည်ပတ်ခြင်းမရှိကြောင်းနှင့် သင်္ဘောပင်မအင်ဂျင်၏ မြင်းကောင်ရေအား လိုင်စင်တွင်ဖော်ပြထားသည်နှင့် တူညီမှုမရှိကြောင်း တွေ့ရှိရသည်။ငါးဖမ်းစက်လှေနှင့် ငါးဖမ်းကိရိယာများအားလုံးကို ဖမ်းဆီးပြီး Kuala Kurau ရေကြောင်းဇုန် ဆိပ်ခံတံတားသို့ ခေါ်ဆောင်သွားခဲ့ကြောင်း သိရသည်။အဆိုပါ မြန်မာနိုင်ငံသား ၃ဦးကို မလေးရှားနိုင်ငံအတွင်း တရားဝင်အထောက်အထားစာရွက်စာတမ်းမရှိဘဲ နေထိုင်သည့်အတွက် ဆက်လက်အရေးယူဆောင်ရွက်သွားမည် ဖြစ်ကြောင်းသိရသည်။
Ref; APMM
