ဘတ်ထပ်မရိုက်ပေးတော့ဘူးဆိုတဲ့ သတင်းမှာ အတိအကျမှန်ကန်မှုမရှိသေး
ဘတ်ထပ်မရိုက်ပေးတော့ဘူးဆိုတဲ့ သတင်းမှာ အတိအကျမှန်ကန်မှုမရှိသေး
စကားဝါ
မေ ၂၇ရက်၊ Migrant Times
- ထိုင်းနိုင်ငံရဲ့ အလုပ်သမားရေး ဝန်ကြီးဌာန အလုပ်အကိုင်စီမံခန့်ခွဲရေးဦးစီးဌာန၊ညွှန်ကြားရေး မှူးချုပ် Mr. ဖိုင်ကျို့ ချိုတစ်စထီယန်က Thairat TV နဲ့ တွေ့ဆုံစဉ်က လတ်တလောမှာ ပန်းရောင်ကဒ်(ဘတ်)ရိုက်ပေးဖို့ မရှိသေးဘူးလို့ ပြောကြားခဲ့တာကို မီဒီယာတချို့က “ဘတ်ရိုက်ပေးတော့မှာ မဟုတ်” ဆိုတဲ့ အဓိပ္ပ ာယ်ရတဲ့ သတင်းတွေဖြန့်ဝေခဲ့တာဖြစ်ပါတယ်။ရွှေ့ပြောင်းအလုပ်သမားတွေနဲ့ ပတ်သက်ပြီး ဆုံးဖြတ်ခွင့်ရှိသူဟာ လွှတ်တော်နဲ့ ဝန်ကြီးချုပ်သာဖြစ်ပြီး လက်ရှိမှာ ထိုင်းနိုင်ငံမှာ ရွေးကောက်ပွဲပြီးသွားခဲ့ပေမယ့် အစိုးရမဖွဲ့ရသေးတာကြောင့် ဘာကိုမှ တိတိကျကျ ပြောကြားလို့ မရသေးတဲ့ အခြေအနေသာဖြစ်တယ်လို့ အလုပ်သမားရေး လှုပ်ရှားသူတွေက ရှင်းပြပါတယ်။
- “ ဒါတွေက ကောလာဟလတွေပါ။ ထိုင်းနိုင်ငံဟာ ရွေ့ပြောင်းလုပ်သား လိုကို လိုအပ်တဲ့နိုင်ငံဖြစ်တယ် ပြီးတော့ အခုတက်လာမယ့် အစိုးရကလည်း လူသာခြင်းစာနာထောက်ထားမှုကို အလေးထားတဲ့သူတွေဖြစ်တာကြောင့် ရွေ့ပြောင်းအလုပ်သမားတွေ ခက်ခဲမယ့် ကိစ္စတွေ ရှိလာမယ်မထင်ပါဘူး ” လို့ ရွေ့ပြောင်းအလုပ်သမား အခွင့်အရေး ကွန်ရက် (MWRN)က ဉီးအောင်ကျော်က ရှင်းပြပါတယ်။ထိုင်းရောက်မြန်မာရွေ့ပြောင်း အလုပ်သမားတွေအတွက် သတင်းအချက်အလက်တွေ တင်ဆက်ကူညီပေးနေတဲ့ ကူညီရာပေ့ချ်ကတော့ “ အလုပ်သမားဝန်ကြီးဌာန ညွှန်ချုပ်က လာမယ့် အင်္ဂါနေ့ အစိုးရအဖွဲ့အစည်းအဝေးမှာ လူသစ်များအတွက် Work Permit နဲ့ ပန်းရောင်ကဒ်လျှောက်ခွင့်ပေးရန်အတွက် တင်ပြပေးသွားဖို့ ရှိပါတယ်။ ဘယ်လိုအခြေအနေမျိုးရှိနေပါစေ၊ ညွှန်ချုပ်ရဲ့ အဆိုအရ ပြန်လည် ဖွင့်ပေးဖို့ ရှိ၊မရှိကို လာမယ့် အင်္ဂါနေ့မှာ ဒါမှမဟုတ် အဲဒီရက်ပတ်ဝန်းကျင်မှာ တရားဝင်ထုတ်ပြန်လာပါလိမ့်မယ်” လို့ အသိပေးထားပါတယ်။
