အလုပ်သမား သတင်း

ကိုရီးယားသင်္ဘောကျင်းလုပ်ငန်းအတွက် မြန်မာအပါအဝင် နိုင်ငံခြားသား​လုပ်သားတွေခေါ်ဖို့ပြင်ဆင်နေ ဇန်နဝါရီ ၈ ရက်၊ Migrant Times တောင်ကိုရီးယားနိုင်ငံရဲ့သင်္ဘောကျင်းလုပ်ငန်းတွေမှာလိုအပ်နေတဲ့လုပ်သားနေရာဖြည့်ဆည်းဖို့ မြန်မာအပါအဝင်နိုင်ငံခြားသားလုပ်သားတွေခေါ်ယူဖို့ပြင်ဆင်နေတယ်လို့အဲဒီနိုင်ငံသတင်းတွေအရသိရပါတယ်။ကိုရီးယား သင်္ဘောကျင်းလုပ်ငန်းမှာ လုပ်သားပေါင်း ၁၅၀၀၀ ဦးခန့် လိုအပ်နေတာဖြစ်တာကြောင့် လုပ်သားအသစ်တွေခေါ်ယူခန့်ထားဖို့ အဲဒီနိုင်ငံအစိုးရကကြိုးစားနေတာဖြစ်ပါတယ်။လတ်တလောမှာလုပ်ငန်း ကျွမ်းလုပ်သား ဗီဇာ (E-7-4) ရရှိထားသူ ဦးရေ ၂၀၀၀ ဦးမှ ၅၀၀၀ ဦးအထိ တိုးချဲ့လက်ခံသွားဖို့ရှိတယ်လို့သတင်းတွေကဆိုပါတယ်။လိုအပ်တဲ့လုပ်သားတွေဖြည့်ဆည်းဖို့အတွက်ထိုင်း၊ အင်ဒိုနီးရှား၊ သီရိလင်္ကာ၊ မြန်မာစတဲ့ နိုင်ငံတွေက သင်္ဘောကျင်း သင်တန်းသား လုပ်သားများကို ခေါ်ယူပြီး သင်္ဘောကျင်းနဲ့ ပတ်သက်တဲ့လုပ်ငန်းခွင် သင်တန်းပေးကာ (E-7) ကို ထုတ်ပေးသွားဖို့ စီစဥ်နေတာလို့သိရပါတယ်။ အဲဒီအတွက်ကိုရီးယားအစိုးရကသက်ဆိုင်ရာ နိုင်ငံများမှ ကိုရီးယားနိုင်ငံလုံးဆိုင်ရာ သံရုံးများတွေနဲ့ ညှိနှိုင်းသွားမှာဖြစ်တယ်လို့လည်းသတင်းတွေမှာဖော်ပြထားပါတယ်။သင်တန်းသားနဲ့ ပတ်သက်တဲ့ ပညာနဲ့ အရည်အချင်း၊ လုပ်ငန်းအတွေအကြုံများကို နိုင်ငံအလိုက် စီမံ လုပ်ဆောင်သွားမှာ ဖြစ်သလိုကိုရီးယား

ထိုင်းရောက်မြန်မာတွေ ပတ်စ်ပို့သက်တမ်းတိုးဖို့ စနေနေ့တိုင်း ရက်ချိန်းတိုကင်ပေးမယ်လို့ ကြေညာ ဇန်နဝါရီ ၇ ရက်၊ Migrant Times ထိုင်းနိုင်ငံရောက် မြန်မာနိုင်ငံသားတွေ နိုင်ငံကူးလက်မှတ်(Passport)သက်တမ်းတိုးဖို့ စနေနေ့တိုင်း ဘန်ကောက်မြို့က မြန်မာသံရုံးမှာ ရက်ချိန်းတိုကင်ထုတ်ပေးမယ်လို့ အဲဒီသံရုံးက ဒီနေ့ညနေပိုင်းက ကြေညာပါတယ်။ဒီနေ့ ဘန်ကောက်မြို့က မြန်မာသံရုံးမှာ ပတ်စ်ပို့သက်တမ်းတိုးရက်ချိန်းတိုကင်ယူသူတွေ အဆမတန်များပြားခဲ့ပြီး တန်းစီ တိုကင်ယူရင်း မူးမေ့လဲသူတွေပါ ရှိခဲ့တာပါ။ဒီနေ့ ရက်ချိန်းတိုကင်ရရှိသူ ၆၁၄၂ ဉီးရှိခဲ့ပြီး တိုကင်ယူသူတွေကို စနစ်တကျတန်းစီပေးဖို့ သံရုံးက မေတ္တာရပ်ခံခဲ့ပေမယ့် မလိုက်နာတာကြောင့် လမ်းပိတ်ဆို့မှု၊ ကြန့်ကြာမှုတွေ ဖြစ်ခဲ့ကာ ကျန်းမာရေးမကောင်းသူတွေအနေနဲ့ အဆင်မပြေဖြစ်ခဲ့ရတယ်လို့ သံရုံးက ဆိုပါတယ်။ကိုယ်ဝန်သည်၊ လသားအရွယ် ကလေးငယ်နဲ့ မိခင်​ေတွကို တန်းစီဖို့မလိုဘဲ သံရုံးရဲ့ ကောင်စစ်ခန်းမမှာ သီးခြားအစီအစဉ်နဲ့ ဆောင်ရွက်ပေးခဲ့တယ်လို့လည်း ဆိုပါတယ်။ အပတ်စဉ် စနေနေ့တိုင်း ၂၀၂၂

CI စခန်းတွေပိတ်ထားလို့ ထိုင်းရောက် မြန်မာအလုပ်သမားတွေ အခက်အခဲကြီးနိုင်ဟုဆို ဇန်နဝါရီ ၇ ရက်၊ Migrant Times ထိုင်းမှာ ရောက်ရှိနေတဲ့ တရားမဝင် မြန်မာရွှေ့ပြောင်း အလုပ်သမားတွေအတွက် အထောက်အထားအဖြစ် CI စာအုပ် ပြုလုပ်ပေးတဲ့ စခန်းတွေပိတ်ထားခြင်းဟာ ထိုင်းရောက် မြန်မာလုပ်သားတွေအတွက် အခက်အခဲကြီးကြီးမားမား ဖြစ်လာနိုင်တယ်လို့ ထိုင်းအခြေစိုက် မြန်မာ​‌ရွှေ့ပြောင်း အလုပ်သမားအရေးကူညီသူတွေဆီက သိရပါတယ်။လာမယ့် ဖေဖော်ဝါရီလ ၁၃ ရက် နောက်ဆုံးထားပြီး CI စာအုပ်ပြုလုပ်ကြဖို့ သတ်မှတ်ထားပေမယ့် လက်ရှိအချိန်မှာ CI လုပ်ပေးတဲ့ စခန်းတွေပိတ်ထားတာကြောင့် တစ်လအတွင်းမှာ ရှုပ်ထွေးတဲ့ လုပ်ငန်းစဉ်တွေကို ပြီးဆုံးအောင်လုပ်နိုင်ဖို့က မသေချာဘူးလို့ Helping Hand General Services ရဲ့ Managing Director ကိုသားကြီးက ပြောပါတယ်။ သူက “

ဘန်ကောက်က မြန်မာသံရုံးမှာ ပတ်စ်ပို့သက်တမ်းတိုး တန်းစီသူ ထောင်နဲ့ချီရှိ ဇန်နဝါရီ ၇ ရက်၊ Migrant Times မြန်မာနိုင်ငံတွင်းက ပတ်စ်ပို့ရုံးပိတ်ထားတာနဲ့ ချင်းမိုင်က ကောင်စစ်ဝန်ရုံးပိတ်ထားတာတွေကြောင့် ထိုင်းနိုင်ငံမှာ‌ ရောက်ရှိနေတဲ့ ပတ်စ်ပို့သက်တမ်းကုန်နေတဲ့ မြန်မာနိုင်ငံသား ၃၀၀၀ ကျော်ဟာ ဒီနေ့မှာ ပြန်လည်ဖွင့်လှစ်တဲ့ ဘန်ကောက်က မြန်မာသံရုံးရှေ့မှာ ကြိတ်ကြိတ်တိုး တန်းစီနေကြပါတယ်။“ အဓိက သူတို့ပါပိတ်လိုက်ရင် ကျွန်မတို့ သက်တမ်းတိုးဖို့ခက်သွားမှာ။ အနည်းဆုံး ရက်ချိန်းပေးတဲ့ စလစ်လေးရှိထားရင်ကို တစ်ခုခုဖြစ်လာရင် ဖြေရှင်းဖို့လွယ်နိုင်တယ်ဆိုတဲ့ မျှော်လင့်ချက်နဲ့ လာရတာပါ ” လို့ ပတ်စ်ပို့တန်းစီနေသူတစ်ဉီးဖြစ်တဲ့ မစိုးစန္ဒာက Migrant Times ကို ပြောပါတယ်။ဒီလိုသက်တမ်းတိုးလုပ်ဖို့ ရက်ချိန်း တိုကင်တန်းစီရာမှာ နံနက် ၄ နာရီကတည်းက လာ‌ရောက်တန်းစီသူတွေရှိပြီး ရာသီဉတုနဲ့ လူအုပ်ဒဏ်ကြောင့် မူးလဲသူတွေလည်း ရှိတယ်လို့

မလေးရှားမှာ မြန်မာနိုင်ငံသားစုံတွဲ စကားများရန်ဖြစ်ပြီးအမျိုးသမီးသေဆုံး ဇန်နဝါရီ ၅ ရက်၊ Migrant Times မလေးရှားနိုင်ငံမှာ မြန်မာနိုင်ငံသား သမီးရည်းစားစကားများ ရန်ဖြစ်ရာမှ လက်လွန်ပြီး အမျိုးသမီးသေဆုံးသွားခဲ့တယ်လို့ နှလုံးလှပရဟိတလူငယ်သွေးလှူရှင်အဖွဲ့ဆီကသိရပါတယ်။သေဆုံးသူအမျိုးသမီးမှာ အသက် ၂၉ နှစ်အရွယ် မမော်မော်မြင့်ဖြစ်ပြီး မကွေးတိုင်း၊ ပေါက်မြို့နယ်မှ မလေးရှားနိုင်ငံဆာလာလန်းမြို့မှာ အလုပ် လာလုပ်ကိုင်သူဖြစ်တယ်လို့သိရပါတယ်။ပြီးခဲ့တဲ့ရက်ပိုင်းက မမော်မော်မြင့်နဲ့သူရဲ့ ရည်းစားဆိုသူ တို့ စကားများ ရန်ဖြစ်ရာမှ ခြေလွန်လက်လွန်ဖြစ်ပြီး သေဆုံး သွားခဲ့တာလို့ဆိုပါတယ်။ကွယ်လွန်သူမိသားစုရဲ့ အကူအညီတောင်းခံမှုကြောင့် နှလုံးလှအဖွဲ့ မှ မလေးရှားနိုင်ငံ အမှုကိုင်ရဲအရာရှိများနှင့် တွေ့ဆုံဆွေးနွေးပြီး မနေ့က ကွာလာလမ်ပူ-ချဲရတ်သုဿန်သို့ ပို့ဆောင်ပေးခဲ့တယ်လို့ အဲဒီအဖွဲ့က သတင်းထုတ်ပြန်ပါတယ်။                         

တောင်ကိုရီးယားကို EPS မြန်မာလုပ်သား ၄၈ ဦးစေလွှတ် ဇန်နဝါရီ ၅ ရက်၊ Migrant Times တောင်ကိုရီးယားနိုင်ငံကို EPS မြန်မာလုပ်သား ၄၈ ဦး ဒီကနေ့ စေလွှတ်ခဲ့တယ်လို့ သိရပါတယ်။တောင်ကိုရီးယားနိုင်ငံမှာ အလုပ်လုပ်ဖို့ အစိုးရပြည်ပအလုပ်အကိုင်အေဂျင်စီ EPS စနစ်နဲ့ Re-entry ကုန်ထုတ်လုပ်သား ၄၅ ဦး၊ Re-entry စိုက်ပျိုး/မွေးမြူရေး လုပ်သား ၃ ဦးဟာ ဒီကနေ့ အင်ချွန်းအပြည်ပြည်ဆိုင်ရာလေဆိပ်ကို ရောက်ရှိလာတယ်လို့ ဆိုးလ်မြို့မှာရှိတဲ့ မြန်မာသံရုံးက သတင်းထုတ်ပြန်ထားတာဖြစ်ပါတယ်။ နိုဝင်ဘာလအတွင်းမှာ မြန်မာလုပ်သား ၇၂၈ ဦး စေလွှတ်ခဲ့တယ်လို့ မှတ်တမ်းတွေအရ သိရပါတယ်။တောင်ကိုရီးယားအစိုးရက မြန်မာလုပ်သားတွေကို တရားဝင်ပြန်လက်ခံနေပြီးတော့ ဩဂုတ်လအတွင်းမှာ မြန်မာလုပ်သား ၁,၂၉၃ ဦး၊ စက်တင်ဘာလမှာ ၉၇၈ ဦး၊အောက်တိုဘာလအတွင်းမှာ မြန်မာလုပ်သား ၁,၁၆၉

အလုပ်သမားသမဂ္ဂဝင်တချို့ လွတ်ငြိမ်းချမ်းသာခွင့်နဲ့ ပြန်လွတ် ဇန်နဝါရီ ၄ ရက်၊ Migrant Times ဒီနေ့ လွတ်ငြိမ်းချမ်းသာခွင့်နဲ့ပြန်လွတ်တဲ့အထဲမှာ အလုပ်သမားသမဂ္ဂအဖွဲ့ဝင်တချို့ ပါတယ်လို့ အလုပ်သမားအဖွဲ့တွေထံက သိရပါတယ်။သွေးစည်းညီညွတ်သောသမဂ္ဂများအဖွဲ့ချုပ်(STUM)မှ သမဂ္ဂဝင်နှစ်ဦးလည်း ဒီနေ့ပြန်လွတ်တယ်လို့ ကြားသိရကြောင်း အဲဒီအဖွဲ့ချုပ်တာဝန်ရှိသူက ဆိုပါတယ်။” တစ်ယောက်က ပုသိမ်အကျဥ်းထောင်က။ သူက အရင်အစိုးရလက်ထက်ကတည်းက တခြားအမှုနဲ့ ထောင်ကျနေတာ။ လွတ်ရက်လည်း နီးနေပြီ။ ပြန်လွတ်ပြီလို့တော့ ပြောတယ်။ အဆက်အသွယ် မရသေးဘူး ” လို့ သူက ပြောပါတယ်။မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ်(CTUM)မှ တာဝန်ရှိသူတစ်ဦးကလည်း သမဂ္ဂဝင်တချို့ ပြန်လည်လွတ်မြောက်လာတယ်လို့ သတင်းရထားပေမယ့် အတည်မပြုနိုင်သေးဘူးလို့ ဆိုပါတယ်။လက်ရှိအချိန်အထိ အလုပ်သမားအဖွဲ့ချုပ်နဲ့သမဂ္ဂဝင် ၂၀၀ ကျော်ဟာ ဖမ်းဆီးထိန်းသိမ်းခံထားရတာဖြစ်ပြီး လွတ်မြောက်လာသူ အရေအတွက်ကိုတော့ စုံစမ်းနေဆဲဖြစ်ပါတယ်။               

AAC ကို လတ်တလော အကူအညီတောင်းခံလို့ မရသေး ဇန်နဝါရီ ၄ ရက်၊ Migrant Times ထိုင်းနိုင်ငံရောက် မြန်မာရွှေ့ပြောင်း အလုပ်သမားအရေး ကူညီဆောင်ရွက်ပေးနေတဲ့ AAC (မဟာမိတ်) အဖွဲ့သားတွေ သာသနာ့ဘောင်ဝင်ဖို့ရှိနေတာကြောင့် လတ်တလောကာလမှာ အလုပ်သမားရေး ကူညီတဲ့ လုပ်ငန်းစဉ်တွေကို ရပ်တန့်ထားမယ်လို့ အဖွဲ့ ဒါရိုက်တာ ဉီးခိုင်ကြီးက ပြောပါတယ်။နှစ်သစ်ကူး ကုသိုလ်အဖြစ် AAC အဖွဲ့သားတွေက ဇန်နဝါရီလ ၃ ​ရက်ကနေ ဇန်နဝါရီလ ၁၄ ရက်အထိ ရဟန်းခံခြင်း၊ သီလရှင်ဝတ်ခြင်းနဲ့ တရားစခန်းဝင်ခြင်းတွေ ပြုလုပ်မှာ ဖြစ်တာကြောင့် ဒီကာလတွေမှာ ရုံးပိတ်ထားမှာဖြစ်သလို ဆောင်ရွက်လက်စ အလုပ်သမားအမှုတွေကိုလည်း ရပ်ဆိုင်းထားမှာဖြစ်တယ်လို့ သိရပါတယ်။AAC အဖွဲ့သားဖြစ်သူ ကိုနေလင်းသူက “ ကျွန်တော်တို့ နှစ်ကူးမှာ ခဏနားတဲ့သဘောပါပဲ။ တစ်နှစ်လုံးနားရက်မရှိ အရေးကြီးရင်