အလုပ်သမား သတင်း

ယူအေအီးနိုင်ငံကို အလုပ်သမားလိမ်လည်ပို့ဆောင်မှုတွေရှိနေပေမယ့် သွားချင်သူများနေ အောက်တိုဘာ ၁၃ ရက်၊ Migrant Times ယူအေအီးနိုင်ငံမှာ အလုပ်ရမယ်ဆိုပြီး လိမ်လည်ပို့ဆောင်တာတွေရှိနေပေမယ့် သွားရောက်လုပ်ကိုင်ချင်သူတွေကများနေဆဲဖြစ်တယ်လို့ အေဂျင်စီတွေနဲ့ပြည်ပအလုပ်ရှာနေသူတွေက သိရပါတယ်။ ယူအေအီးနိူင်ငံ၊ဒူဘိုင်းမြို့တော်မှာ အလုပ်ရမယ်ဆိုပြီး အမည်ခံအေဂျင်စီတချို့နဲ့ပွဲစားတွေက လိမ်လည်စေလွှတ်မူကြောင့် မြန်မာလုပ်သားအများအပြားအဲဒီနိူင်ငံမှာဒုက္ခရောက်နေကြပြီးဆက်ပြီးထွက်နေကြသူတွေလည်းရှိတယ်လို့သူတို့က ဆိုပါတယ်။ “ဒီလောက်လိမ်နေပါတယ်လို့သတိပေးနေလည်းသွားချင်တဲ့သူတွေကနားမဝင်ဘူး။အခုလည်းထွက်နေကြတာပဲ။အဲဒီလိုသူတွေရှိတော့လိမ်တဲ့သူအကြိုက်ဖြစ်နေတာပေါ့”လို့ ပြည်ပအလုပ်အကိုင်အေဂျင်စီပိုင်ရှင်တစ်ဦးက ပြောပါတယ်။ အရှေ့အလယ်ပိုင်းဒေသတွေဟာ လုပ်ငန်းကဏ္ဍအလိုက်ကျွမ်းကျင်လုပ်သားတွေကိုသာ အဓိကတရားဝင်ခေါ်ယူနေသလို ခေါ်တဲ့အရေအတွက်ကလည်း အနည်းငယ်သာဖြစ်တယ်လို့ အေဂျင်စီတွေက ပြောပါတယ်။ လက်ရှိမှာ သန့်ရှင်းရေး၊ အိမ်အကူစတဲ့အောက်ခြေလုပ်ငန်းတွေလုပ်ရမယ်ဆိုပြီး အလုပ်သမားစုဆောင်းပို့နေကြတာဖြစ်ပြီး အဲဒီလုပ်ငန်းတွေအတွက် အလုပ်သမားပို့ခွင့်တရားဝင်ခွင့်ပြုပေးထားတာမရှိဘူးလို့လည်း အေဂျင်စီတွေထံက သိရပါတယ်။ “တချို့က အလုပ်ရဖို့အဓိကဆိုပြီး ထွက်တာ။အလည်ဗီဇာနဲ့ထွက်ကြတာ။အသိထဲက အဲဒီလိုထွက်သွားသူတွေရှိတယ်။အလုပ်ရမရတော့မသိဘူး”လို့ ပြည်ပကိုသွားရောက်လုပ်ကိုင်ဖို့လေ့လာနေသူတစ်ဦးက ပြောပါတယ်။ ဒူဘိုင်းမှာ အလုပ်ရမယ်ဆိုပြီး အဲဒီရောက်မှ အလုပ်သမားတွေရဲ့ပတ်စ်ပို့သိမ်းကာ အပြင်ထွက်ခွင့်မပေးဘဲ ပိတ်လှောင်ထားတဲ့ဖြစ်စဥ်တွေ မကြာခဏရှိနေတယ်လို့ အလုပ်သမားအရေးစောင့်ကြည့်လေ့လာသူတွေက ဆိုပါတယ်။ အဲဒီနောက် အရှေ့အလယ်ပိုင်းဒေသတွင်းတခြားနိုင်ငံတွေဆီ

ဂျပန်က မြန်မာလုပ်သား ၅၀၀ကျော်ခေါ်ယူဖို့ ထပ်မံကမ်းလှမ်း အောက်တိုဘာ ၁၄ရက်၊Migrant Times ဂျပန်နိုင်ငံက မြန်မာလုပ်သား ၅၀၀ ကျော်ကို ထပ်မံခေါ်ယူဖို့ကမ်းလှမ်းထားတယ်လို့ တိုကျိုမြို့က သံရုံးက ထုတ်ပြန်ပါတယ်။ ဂျပန်နိုင်ငံရှိ စက်ရုံ၊အလုပ်ရုံတွေက အောက်တိုဘာလမှာ ပထမအသုတ်အနေနဲ့ ခေါ်ယူလိုတဲ့အလုပ်ကမ်းလှမ်းစာကို မြန်မာနိုင်ငံထံ ပေးပို့ထားတာဖြစ်ပါတယ်။ အဲဒီလို အလုပ်သမားခေါ်ယူလိုတဲ့ ကမ်းလှမ်းစာ ၁၇၀ရှိပြီး ခေါ်ယူမယ့် အလုပ်သမားဦးရေ ၅၂၁ဦးဖြစ်တယ်လို့ ထုတ်ပြန်ချက်စာရင်းတွေမှာ ဖော်ပြထားပါတယ်။ ခေါ်ယူမယ့် အလုပ်အမျိုးအစားတွေထဲမှာ စားသောက်ဆိုင်၊စက်ရုံနဲ့ သက်ကြီးရွယ်အိုစောင့်ရှောက်ရေးစတဲ့လုပ်ငန်းတွေ ပါဝင်တယ်လို့ အဲဒီနိုင်ငံကိုအလုပ်သမားစေလွှတ်နေတဲ့ အေဂျင်စီလုပ်ငန်းရှင်တစ်ဦးက ပြောပါတယ်။ “ခေါ်စာကျလာပြီးရင်တော့ စေလွှတ်ဖို့က မြန်တယ်။သွားမယ့်သူတွေလည်း တန်းစီနေတယ်”လို့သူကပြောပါတယ်။ ဂျပန်နိုင်ငံဟာ နည်းပညာအလုပ်သင်လုပ်သားတွေအပြင် ကျွမ်းကျင်လုပ်သားတွေကိုလည်းခေါ်ယူနေတာ ဖြစ်ပါတယ်။ ဒီနှစ်လယ်ပိုင်းလောက်ကစပြီး ဂျပန်က မြန်မာလုပ်သားတွေဆက်တိုက်ခေါ်ယူနေတာဖြစ်ပြီး လက်ရှိအဲဒီနိုင်ငံမှာ မြန်မာလုပ်သား ၄၀,၀၀၀ လောက်ရောက်ရှိလုပ်ကိုင်နေတယ်လို့ သိရပါတယ်။