အလုပ်သမား သတင်း

ပိတ်ထားတဲ့ ပတ်စ်ပို့ရုံးတချို့ ပြန်ဖွင့် မတ် ၁ ရက်၊ Migrant Times စက်ပိုင်းဆိုင်ရာနဲ့ နည်းစနစ်တွေကို အဆင့်မြှင့်တင်ဖို့ဆိုပြီး ပိတ်ထားခဲ့တဲ့ ပတ်စ်ပို့ရုံးတွေ ပြန်ဖွင့်နေပြီဖြစ်ပါတယ်။ပြီးခဲ့တဲ့ ဖေဖော်ဝါရီလ ၂၄ ရက်က ရန်ကုန်မှာရှိတဲ့ ပတ်စ်ပို့ရုံးကို ပြန်ဖွင့်ခဲ့ရာ အွန်လိုင်းကနေ ကြိုတင်ဘိုကင်တင်ရမှာဖြစ်ပြီး ဝက်ဘ်ဆိုက်ကို ဝင်‌ရောက်သူများပြားတာကြောင့် ချို့ယွင်းချက်တချို့ရှိခဲ့ပေမယ့် ဆက်လက်လည်ပတ်နေဆဲဖြစ်ပါတယ်။ထိုင်း – မြန်မာ နယ်စပ်က မြဝတီ ပတ်စ်ပို့ရုံးဟာလည်း ဖေဖော်ဝါရီလ ၂၇ ရက်က ပြန်ဖွင့်ခဲ့ပြီး မလေးရှားနိုင်ငံက မြန်မာသံရုံးမှာတော့ မတ်လ ၁ ရက်ကစပြီး ပတ်စ်ပို့သက်တမ်းတိုးတာတွေ လုပ်ဆောင်နိုင်တော့မယ်လို့ ကြေညာထားပါတယ်။ထိုင်းနိုင်ငံဆိုင်ရာ မြန်မာသံရုံးမှာတော့ ပတ်စ်ပို့သက်တမ်းတိုး ကိစ္စတွေကို ဆက်တိုက်ပြုလုပ်ပေးနေပြီး တချို့သော စက်ရုံ၊ အလုပ်ရုံတွေကို Mobile Team နဲ့ သွားရောက်လုပ်ကိုင်ပေးလျက်ရှိပါတယ်။

YFAစက်ရုံပိုင်ရှင်ကို အလုပ်သမားက တရားစွဲဆိုထားမှုအတွက် မတ်လ ၁ရက်မှာ ဒုတိယရုံးချိန်းခေါ်ထား ဖေဖော်ဝါရီ ၂၇ ရက်၊ Migrant Times YFAစက်ရုံပိုင်ရှင်ကို အလုပ်ခန့်ထားမှုဆိုင်ရာသဘောတူစာချုပ်ချိုးဖောက်မှုအတွက် အလုပ်သမားက တရားစွဲဆိုထားတဲ့အမှုနဲ့ပတ်သက်လို့ ရွှေပြည်သာမြို့နယ်တရားရုံးက မတ်လ ၁ ရက်မှာ ဒုတိယရုံးချိန်းခေါ်ထားတယ်လို့ အဲဒီအလုပ်သမားအရေးကူညီပေးနေတဲ့ သွေးစည်းညီညွတ်သောသမဂ္ဂများအဖွဲ့ချုပ်(STUM)ထံက သိရပါတယ်။အဲဒီစက်ရုံပိုင်ရှင်ကို အလုပ်သမားဖြစ်တဲ့ မအိပိုပိုလှိုင်က တရားစွဲဆိုထားတာဖြစ်ပြီး ဖေဖော်ဝါရီလ ၁၅ရက်မှာ ပထမရုံးချိန်းခေါ်ယူထားပြီးဖြစ်တယ်လို့ ဆိုပါတယ်။အဲဒီပထမရုံးချိန်းမှာ အလုပ်ရှင်က တရားရုံးထံလာရောက်ခြင်းမရှိသလို တရားရုံးက ဆင့်ခေါ်တဲ့သမ္မာန်စာကိုလည်း လက်မခံခဲ့ဘူးလို့ STUM တာဝန်ရှိသူတစ်ဦးက ဆိုပါတယ်။ ” အခုဒုတိယရုံးချိန်းလည်း စက်ရုံပိုင်ရှင် လာရင်ဆိုင်ဖို့ ရှိ၊ မရှိမသေချာသေးဘူး။ ဒါကတော့တရားရုံးရဲ့အပိုင်းဖြစ်သွားပြီ ” လို့ သူက ပြောပါတယ်။စက်ရုံအနေနဲ့ အလုပ်ခန့်ထားမှုဆိုင်ရာသဘောတူစာချုပ်ချိုးဖောက်တာကြောင့် စည်းကြပ်ရတဲ့ မြို့နယ်အလုပ်သမားရုံးက တရားစွဲဆိုပေးရမှာဖြစ်ပေမယ့် အလုပ်သမားရုံးက မစွဲဘဲ

ပတ်စ်ပို့ သက်တမ်းတိုးမယ့် ထိုင်း‌ရောက်မြန်မာတွေအတွက် စာအုပ်ကြေးတိုးမြှင့် ဖေဖော်ဝါရီ ၂၇ ရက်၊ Migrant Times နိုင်ငံကူးလက်မှတ် (ပတ်စ်ပို့) သက်တမ်းကုန်ဆုံးပြီး အသစ်ပြန်လည်ပြုလုပ်ဖို့လိုအပ်နေတဲ့ ထိုင်းရောက် မြန်မာနိုင်ငံသားတွေအနေနဲ့ လာမယ့် မတ်လ ၁ ရက်ကစပြီး ပတ်စ်ပို့စာအုပ်ကြေး တိုးမြှင့်ပေးဆောင်ရမှာဖြစ်တယ်လို့ ဘန်ကောက်မှာရှိတဲ့ မြန်မာသံရုံးက ဒီကနေ့မှာ ထုတ်ပြန်ပါတယ်။ယခင်က ပတ်စ်ပို့စာအုပ်ကြေး ဘတ် ၈၀၀ သတ်မှတ်ထားရာကနေ ၁၂၅၀ ဘတ်ကို တိုးမြှင့်ကောက်ခံလိုက်တာဖြစ်ပါတယ်။ဒါကြောင့် ပတ်စ်ပို့စာအုပ်အသစ် ပြုလုပ်မယ့်သူတွေအနေနဲ့ စာအုပ်ကြေး ၁၂၅၀ ဘတ်နဲ့OWIC ကဒ် ၂၅၀ ဘတ် စုစုပေါင်း ၁၅၀၀ ဘတ်နှုန်း သက်ဆိုင်ရာဘဏ်စာရင်းသို့ ပေးသွင်းဖို့ လိုမှာဖြစ်တယ်လို့ သိရပါတယ်။ဒီကနေ့ထုတ်ပြန်ချက်အရ Mobile Team နဲ့ အချက်အလက်ကောက်ယူထားခဲတဲ့ စက်ရုံတွေအနေနဲ့လည်း တစ်ဉီးကို ၁၅၀၀ ဘတ်ပေးသွင်းပြီး

မလေးရှားရောက် မြန်မာနိုင်ငံသားတွေကို နိုင်ငံကူးလက်မှတ်ပြန်ထုတ်ပေးမယ် ​ဖေဖော်ဝါရီ ၂၅ ရက်၊ Migrant Times မလေးရှားနိုင်ငံမှာ နိုင်ငံကူးလက်မှတ်ထုတ်ပေးတာကို ယာယီရပ်နားထားရာကနေ မတ်လ ၁ ရက်မှာ ပြန်ပြီးဆောင်ရွက်ပေးမယ်လို့ မြန်မာသံရုံးက သတင်းထုတ်ပြန်ပါတယ်။နိုင်ငံကူးလက်မှတ်ထုတ်ပေးဖို့ နည်းပညာအဆင့်မြှင့်တင်မှုတွေလုပ်ဖို့ရှိတာကြောင့်ဆိုပြီး ဖေဖော်ဝါရီလ ၆ရက်ကစပြီး ရပ်နားထားခဲ့တာဖြစ်ပါတယ်။အဲဒီလိုရပ်နားထားချိန်မှာ နိုင်ငံကူးလက်မှတ်ပြုလုပ်ဖို့ရက်ချိန်းယူထားသူတွေကို သက်မှတ်နေ့အလိုက် မတ်လ ၁ ရက်ကစပြီး ပြုလုပ်ပေးမယ်လို့ သံရုံးရဲ့ထုတ်ပြန်ချက်မှာ ဖော်ပြထားပါတယ်။ ရက်ချိန်းရယူထားသူတွေ သံရုံးကို လာရမယ့်ရက်ကိုလည်း ထုတ်ပြန်ချက်မှာ ပူးတွဲဖော်ပြထားပါတယ်။ပြည်တွင်းမှာလည်း ​နိုင်ငံကူးလက်မှတ်ထုတ်ပေးတဲ့လုပ်ငန်းတွေကို ဒီဇင်ဘာလကစပြီး ရပ်နားထားခဲ့ရာကနေ ဒီနေ့မှာ ရက်ချိန်းလျှောက်ထားတာတွေ ပြန်လက်ခံနေပါတယ်။အဲဒီလို နိုင်ငံကူးလက်မှတ်ထုတ်ပေးတာ ရပ်ဆိုင်းထားချိန်အတွင်း အရေးပေါ်လိုအပ်သူတွေ အခက်အခဲကြုံခဲ့ပြီးဝေဖန်မှုတွေ ထွက်ပေါ်ခဲ့ပါတယ်။

မလေးရှားနိုင်ငံထဲ ၀င်ဖို့စောင့်​နေတဲ့ တရားမ၀င်မြန်မာလုပ်သား ၁၀၀ ကျော် ထိုင်း-မလေးနယ်စပ်မှာ ဖမ်းဆီးခံရ ဖေဖော်ဝါရီ ၂၅ ရက်၊ Migrant Times မလေးရှားနိုင်ငံထဲကို ၀င်ဖို့ကြိုးပမ်းခဲ့တဲ့ တရားမ၀င်မြန်မာလုပ်သား ၁၀၁ ဦးနဲ့ ထိုင်းကားသမားနှစ်ဦးကို ထိုင်းအာဏာပိုင်တွေက ဖမ်းဆီးမိခဲ့ပါတယ်။မြန်မာပြည်နယ်စပ်နဲ့ကပ်နေတဲ့ ထိုင်းနိုင်ငံ၊ ကန်ကျနဘူရီခရိုင်ကတစ်ဆင့် ထိုင်းနိုင်ငံထဲ ဝင်ရောက်ပြီး မလေးရှားကို ဝင်ဖို့ မလေးရှားနယ်စပ်နဲ့ကပ်နေတဲ့ ထိုင်းနိုင်ငံ၊ စုန်ခလာခရိုင်၊ ဟတ်ယိုင်မြို့၊ အုပ်စု ၂၊ ထုံးသာဆောင်တိုက်နယ်ကျေးရွာမှာ စောင့်ဆိုင်းနေရင်း ဒေသခံတွေရဲ့ တိုင်ကြားမှုကြောင့် ဆယ်ဘီးကားနဲ့လိုက်ပါလာတဲ့ မြန်မာအလုပ်သမား ကျား ၈၂ ဦး၊ မ ၁၉ ဦး၊ စုစုပေါင်း ၁၀၁ ဦးနဲ့ ထိုင်းကားသမားနှစ်ဦးကို အဲဒီခရိုင်အာဏာပိုင်တွေကဖမ်းဆီးမိခဲ့တယ်လို့ ထိုင်းဒေသသတင်းဌာနမှာ ဖော်ပြထားပါတယ်။ အဆိုပါ အလုပ်သမားတွေဟာ ဘယ်ဒေသက လာကြပြီး

ဖိလစ်ပိုင်နိုင်ငံကို လူကုန်ကူးခံခဲ့ရတဲ့ မြန်မာနိုင်ငံသားတွေကို နေရပ်ပြန်ပို့ ဖေဖော်ဝါရီ ၂၄ ရက်၊ Migrant Times ဖိလစ်ပိုင်နိုင်ငံက အွန်လိုင်းဂိမ်းလုပ်ငန်းတွေမှာ အလုပ်လုပ်ဖို့ လူကုန်ကူးခံရပြီး လုပ်ငန်းခွင်မှာ အဓမ္မခိုင်းစေခံခဲ့ရတဲ့ မြန်မာနိုင်ငံသား ၂၁ ဦးကို ဖိလစ်ပိုင်အမျိုးသားရဲတပ်ဖွဲ့က ကယ်တင်ခဲ့ပြီး သူတို့ထဲက ၁၀ ဦးကို ဒီကနေ့မှာ မြန်မာနိုင်ငံဆီ ပြန်ပို့ခဲ့တယ်လို့ သိရပါတယ်။လူကုန်ကူးခံရတဲ့ မြန်မာနိုင်ငံသား ၂၁ ဦးအနက် ၄ ဦးကိုဖေဖော်ဝါရီလ ၁၅ ရက်က မြန်မာနိုင်ငံဆီ ပြန်ပို့ခဲ့ပြီး ဒီနေ့မှာ ၁၀ ဦးကို ထပ်မံပို့ဆောင်ခဲ့တာဖြစ်တယ်လို့ မနီလာမြို့၊ မြန်မာသံရုံးက သတင်းထုတ်ပြန်ပါတယ်။ သူတို့ကို မြန်မာနိုင်ငံသို့ ပြန်လည်ပို့ဆောင်ရေးအတွက် ဖိလစ်ပိုင်နိုင်ငံ၊ တရားရေးဝန်ကြီးဌာနအောက်ရှိ Inter-Agency Council Against Trafficking (IACAT)ဌာန အပါအဝင် သက်ဆိုင်ရာဌာနများ၊

တရားမ၀င်မြန်မာလုပ်သား ၃၀ ဦး ထိုင်းနိုင်ငံမှာ ဖမ်းဆီးခံရ ဖေဖော်ဝါရီ ၂၄ ရက်၊Migrant Times တရားမ၀င်မြန်မာလုပ်သား ၃၀ ဦးကို လိုက်ပါလာတဲ့ ပွဲကားတစ်စီးကို ကန်ကျနဘူရီခရိုင်လုံခြုံရေးထိုင်းစစ်သားတွေက စစ်ဆေးဖမ်းဆီးမိခဲ့ပါတယ်။ဖေဖော်ဝါရီလ ၂၃ ရက် မနက်ပိုင်းက ကန်ကျနဘူရီခရိုင်၊ ဆိုင်းရို့မြို့နယ်၊ ဆိုင်းရို့တိုက်နယ်၊ အုပ်စု ၂ ဘန့်ထွန့်နာကျေးရွာထဲမှာ တရားမ၀င်အလုပ်သမားသယ်ယူပို့ဆောင်ရေးကားတစ်စီးကို စူရစီတပ်ဖွဲ့က ဖမ်းဆီးမိခဲ့တယ်လို့ ဒေသသတင်းဌာနမှာဖော်ပြထားပါတယ်။ ဖမ်းဆီးခံရတဲ့ အကြောင်းအရင်းမှာ ဒေသတွင်းရှိ တာ၀န်သိပြည်သူက သက်ဆိုင်ရာတွေကို သတင်းပေးပို့ထားမှုကြောင့် လို့ဆိုပါတယ်။ အဲ့ဒီကားတစ်စီးပေါ်မှာ အမျိုးသား ၂၂ ဉီးနဲ့ အမျိုးသမီး ၈ ဉီးတို့ပါ၀င်တာဖြစ်ပါတယ်။အလားတူ အာဏာပိုင်တွေက လိုက်ပို့ပေးတဲ့ ကားမောင်းသမားပွဲစားတစ်ဉီးကိုလည်း အလုပ်သမားတွေနဲ့အတူ ဖမ်းဆီးရမိခဲ့ပါတယ်။တရားမ၀င်သူတွေဟာ မြန်မာပြည်ထဲက ရန်ကုန်၊ မော်လမြိုင်၊ ပဲခူးနဲ့ ရခိုင် စတဲ့ဒေသအသီးသီးကနေလာကြပြီး ထိုင်းနိုင်ငံထဲက

ထိုင်းနိုင်ငံမှာ စားစရာ၊ နေစရာမရှိဟုဆိုကာ အကူအညီတောင်းခံထားတဲ့ စာရွက်နဲ့အတူ မြန်မာတစ်ဦးရဲ့ ရုပ်အလောင်းတွေ့ ဖေဖော်ဝါရီ ၂၃ ရက်၊ Migrant Times ထိုင်းနိုင်ငံက ရေမြောင်းတစ်ခုမှာ မြန်မာတစ်ဦးရဲ့ သေဆုံးရုပ်အလောင်းတွေ့ရှိခဲ့ပါတယ်။ထိုင်းနိုင်ငံ နခွန်ပထုံခရိုင် ဘန်းလင်းမြို့နယ်ထဲက ရေမြောင်းတစ်ခုမှာ မြန်မာတစ်ဦးရဲ့ သေဆုံးရုပ်အလောင်းကို ဖေဖော်ဝါရီလ ၂၀ ရက်က ဒေသစံတော်ချိန် ၁၁ နာရီလောက်မှာ အမျိုးသမီးတစ်ဦးက တွေ့ရှိခဲ့ပြီး သက်ဆိုင်ရာကို အကြောင်းခဲ့တယ်လို့ သိရပါတယ်။သေဆုံးသူဟာ စားစရာ၊ နေစရာမရှိဟုဆိုကာ အကူအညီတောင်းခံထားတဲ့ စာရွက်နဲ့အတူ တွေ့ရှိခဲ့တာပါ။ သေဆုံးသူဟာ ဘောင်းဘီတို၊ တီရှပ်အပြာရောင်ဝတ်ဆင်ထားပြီး ခန္ဓာကိုယ်မှာ လွယ်အိတ်တစ်လုံးလွယ်လျက် တွေ့ရှိခဲ့တာလို့ ဆိုပါတယ်။လွယ်အိတ်ထဲကနေ မြန်မာနိုင်ငံသားမှတ်ပုံတင်ကတ်ပြားနဲ့ အတူ တခြားကတ် နှစ်ခုကိုလည်းတွေ့ရှိခဲ့ပြီး ထိုင်းဘာသာနဲ့ ရေးသားထားတဲ့ စာတစ်စောင်ကိုတွေ့ရှိခဲ့တယ်လို့ ဒေသတွင်း မီဒီယာတွေရဲ့ ဖော်ပြချက်အရ တွေ့ရှိရပါတယ်။

ကိုရီးယားမှာ မြန်မာလုပ်သားတစ်ဦး အဆုံးစီရင် ဖေဖော်ဝါရီ ၂၃ ရက်၊ Migrant Times တောင်ကိုရီးယားနိုင်ငံမှာ မြန်မာလုပ်သားတစ်ဦး ဖေဖော်ဝါရီလ ၂၂ ရက်က အဆုံးစီရင်သွားခဲ့တယ်လို့ သိရပါတယ်။အသက် ၃၀ အရွယ် ကိုအောင်ကျော်ဖြိုးဟာ ညအိပ်မပျော်တဲ့ဝေဒနာခံစားနေရသူဖြစ်ကာ မြန်မာနိုင်ငံကို တစ်လလောက်ပြန်အနားယူဖို့ စီစဥ်ထားပြီး မပြန်ခင်ရက်ပိုင်းအလိုမှာ အဆုံးစီရင်သွားတာလို့ သိရပါတယ်။သူဟာ တောင်ကိုရီးယားနိုင်ငံကိုရောက်တာ ခြောက်လလောက်ပဲရှိသေးပြီး ဂယောင်ဂီပြည်နယ်၊ ဖိုချောင်းမြို့ ၊ဂါဆန်ရပ်ကွက်က ဓာတ်ပုံမှန်ဘောင်ထုတ်စက်ရုံမှာ လုပ်ကိုင်နေတာဖြစ်ပါတယ်။ အခုလိုညတိုင်း အိပ်မပျော်တဲ့အတွက် အလုပ်ရှင်ထံ တစ်လခွဲလောက်ခွင့်ယူဖို့တောင်းခဲ့ပြီး အလုပ်ရှင်က ကြည်ကြည်ဖြူဖြူနဲ့ ခွင့်ပေးခဲ့တာကြောင့် ဖေဖော်ဝါရီလ ၂၆ ရက်မှာ မြန်မာပြည် ပြန်ဖို့ စီစဥ်ထားခဲ့တာလို့သိရပါတယ်။မ​ပြန်ခင်ဆေးခန်းသွားပြခဲ့ပြီး ဆေးရုံက ည အိပ်ဆေးတွေ ပေးလိုက်လို့ ည အိပ်ပျော်သွားသလို စိတ်တွေလည်း ရွှင်လန်းနေခဲ့တယ်လို့ သူ့အသိတွေက ဆိုပါတယ်။”

ပတ်စ်ပို့ လုပ်မရလို့ အလုပ်အကိုင်အေဂျင်စီတချို့အလုပ်သမား ဆက်ပို့ဖို့ ခက်ခဲ ဖေဖော်ဝါရီ ၂၂ ရက်၊ Migrant Times ပတ်စ်ပို့ ထုတ်ပေးမှုရပ်ထားတာကြောင့် ပြည်ပအလုပ်အကိုင်အေဂျင်စီတချို့ဟာ အလုပ်သမားစေလွှတ်ဖို့ ခက်ခဲနေတယ်လို့ အဲဒီလုပ်ငန်းလုပ်ကိုင်နေသူတွေဆီကသိရပါတယ်။ပြည်ပကို အလုပ်သမားစေလွှတ်ဖို့အတွက် ပတ်စ်ပို့သက်တမ်းကျန်နေသူများထဲကသာ ရွေးချယ်စေလွှတ်နေရပြီး ကျန်အလုပ်သမားတွေက ပတ်စ်ပို့မရသေးတာကြောင့် လူရွေးရကြပ်လာတယ်လို့ သူတို့က ဆိုပါတယ်။” တချို့အလုပ်သမားတွေဆို ပတ်စ်ပို့ကလွဲလို့ တခြားအချက်အလက်တွေ စုံနေပြီ။ သွားဖို့အင်တာဗျူးတွေလည်း အောင်ထားပြီးပြီ။ဒါပေမဲ့ ပတ်စ်ပို့မရှိတော့ရှေ့ဆက်မရဘူး။ သက်တမ်းကျန်နေသူတွေနဲ့ အစားပြန်ထိုးနေရတယ် ” လို့ ပြည်ပအလုပ်အကိုင်အေဂျင်စီလုပ်ငန်းရှင်တစ်ဦးက ပြောပါတယ်။ အဲဒီလိုအခြေအနေကြောင့် အလုပ်သမားတချို့ဟာ ပြည်ပကို သွားရောက်လုပ်ကိုင်ခွင့်ဆုံးရှုံးရတာတွေလည်းရှိနေတယ်လို့ ဆိုပါတယ်။” စာအုပ်က ထုတ်ဖို့ပဲ ကျန်တာ။ အဲဒါပိတ်လိုက်တော့ ဘာမှ ဆက်လုပ်လို့မရဘူး။ နောက်တစ်ခေါက်ထွက်ရဖို့ဆိုတာဘယ်လောက်ကြာဦးမယ်လည်း မသိရဘူး ” လို့ မလေးရှားကို သွားဖို့စောင့်နေသူတစ်ဦးက ပြောပါတယ်။မြန်မာနိုင်ငံကူးလက်မှတ်ထုတ်ပေးရေးအဖွဲ့က