အလုပ်သမား သတင်း

မောင်ဘုန်း အောက်တိုဘာ ၂၁၊ Migrant Time ထိုင်းနိုင်ငံတဝှမ်းကို ရက်ပေါင်း ၁၂၀ စီမံချက် ချမှတ်ပြီး အထောက်ထားမဲ့ နေထိုင်သူတွေကို ဖမ်းဆီးရာ မြန်မာ ၁၂၈၉ ဦး ဖမ်းဆီးခံခဲ့ရတယ်လို့ ထိုင်းအလုပ်သမားဝန်ကြီးဌာနက နေ သိရပါတယ်။ စီမံချက်ကို ၂၀၂၄ ၊ ဇွန်လ ၅ ရက်နေ့ကနေ အောက်တိုဘာ ၂ ရက်နေ့အထိ သတ်မှတ်ခဲ့ပြီး စစ်ဆေး ဖမ်းဆီးမှုတွေ ပြုလုပ်ခဲ့တာလို့ သိရပါတယ်။ နိုင်ငံတဝှမ်း စစ်ဆေးမှုတွေပြုလုပ်တဲ့ အထဲက မြန်မာ ၂၀၉၄၃၅ ဦးကို စစ်ဆေးခဲ့ရာမှာ ၁၂၈၉ ဦး ဖမ်းဆီးခံခဲ့ရပြီး ကမ္ဘောဒီးယား ၄၂၇၆၆ ဦးကို စစ်ဆေးခဲ့ရာမှာ ၂၈၁ ဦး ဖမ်းဆီးခံခဲ့ရတာလို့ ၀န်ကြီးဌာနက ပြောပါတယ်။ လာအို ၁၆၄၈၁

အပတ်စဥ် စနေ နေ့တိုင်းမှာ ရွှေ့ပြောင်းမြန်မာလုပ်သားတွေအတွက် ဗဟုသုတရစေမဲ့ Quiz တွေတင်ဆက်ပေးသွားမှာဖြစ်ပါတယ်။ အခုမေးခွန်းလေးကို Comment မှာဖြေခဲ့ပေးကြပါ ၊ မနက်ဖြန် 4နာရီမှာ အဖြေမှန်ကိုတင်ပေးသွားမှာဖြစ်ပါတယ်။ သိချင်တာမေးချင်တာများရှိရင်လဲ Comment မေးခဲ့လို့ရပါတယ်။ #migranttimes #migrants #myanmarworker #Myanmar #knowledge #QuizTime #quiz #QuizChallenge

အောက်တိုဘာ ၁၉ရက်၊အရုဏ်ဦး ပြည်တွင်းရှိစက်ရုံတချို့အနေနဲ့ သီတင်းကျွတ်ပိတ်ရက် တရားဝင်ပတ်ရက်အဖြစ်ကြေညာထားတဲ့အတိုင်း အပြည့်မပိတ်ဘဲ စေခိုင်းနေတယ်လို့ သက်ဆိုင်ရာအလုပ်သမားတွေဆီက သိရပါတယ်။ သီတင်းကျွတ်ပိတ်ရက်ကို အောက်တိုဘာ ၁၆ကနေ ၂၀ရက်အထိ သတ်မှတ်ထားပေမယ့် စက်ရုံတချို့ကတော့ အောက်တိုဘာ ၁၉ရက်အထိပဲပိတ်ပြီးပြန်လည်ဖွင့်လှစ်နေပတ်နေတယ်လို့ ဆိုပါတယ်။ “ မပိတ်ခင်ကလည်း ဘယ်ရက်စပိတ်မယ်၊ဘယ်နှရရက်ပိတ်မယ်ဆိုတာ ကြိုမပြောဘူး။အနားကပ်မှ အသိပေးတော့အိမ်ပြန်မယ့်သူတွေကြိုစီစဥ်ဖို့ခက်ခဲ့တယ်။အခုလည်းသုံးရက်ပဲပိတ်လို့ဒီနေ့အလုပ်ပြန်ဆင်းရတယ်” လို့ မင်္ဂလာဒုံမြို့နယ်ရှိ စက်ရုံလုပ်သားတစ်ဦးက ပြောပါတယ်။ တခြားအထည်ချုပ်နဲ့ CMPစက်ရုံတချို့အနေနဲ့လည်း ၅ရက်အပြည့်မပိတ်ဘဲ စေခိုင်းတာ၊ ပိတ်ရက်အစားထိုးအချိန်ပိုဆင်းခိုင်းတာတွေရှိနေတယ်လို့ အလုပ်သမားတွေက ဆိုပါတယ်။ “ ပိတ်ရက်အတွက်ဆိုပြီး အစားထိုးအချိန်ပိုဆင်းပေးရတယ်။ပြန်ဖွင့်ရင်လည်းထပ်ဆင်းပေးရဦးမယ့်ရုံ​တွေရှိတယ်။အစားထိုးမို့လို့အချိန်ပိုကြေးမရဘူးလို့လည်းပြောတယ်” လို့ လှိုင်သာယာမြို့နယ်က အလုပ်သမားသမဂ္ဂခေါင်းဆောင်တစ်ဦးက ပြောပါတယ်။ အဲဒီလို အလုပ်သမားတွေကိုမတရားစေခိုင်းမူတွေဟာဒီနှစ်ပိုင်းတွေမှာ ပြောင်ပြောင်တင်းတင်းလုပ်လာကြပေမယ့် သက်ဆိုင်ရာဌာနတွေက အရေးယူတာရှိမနေဘူးလို့လည်း အလုပ်သမားအရေးလှုပ်ရှားသူတွေက ပြောပါတယ်။ လှိုင်သာယာမြို့နယ်က အလုပ်သမားတွေကို တွေ့ရစဉ်။ ဓာတ်ပုံ – CJ

အောက်တိုဘာ ၁၇ရက်၊ Migrant Times တံဆိပ်တုံးအတုနဲ့ သက်တမ်းတိုးထားတဲ့ နိုင်ငံကူးလက်မှတ်ကိုင်ဆောင်ရင် နိုင်ငံကူးလက်မှတ်ကို ဖျက်သိမ်းပြီး အမည်မည်းစာရင်းသွင်းမယ်လို့ ဆိုးလ်မြို့ မြန်မာသံရုံးက ကြေညာထားပါတယ်။ အတုအပပြုလုပ်ထားတဲ့ တရားမဝင် တံဆိပ်တုံးတွေကို အသုံးပြုပြီး နိုင်ငံကူးလက်မှတ်ကို သက်တမ်းတိုးကိုင်ဆောင်နေတာ တွေ့ရတဲ့အတွက် အခုလို ကြေညာချက်ထုတ်ပြန်ရတာဖြစ်တယ်လို့ သံရုံးက ဆိုပါတယ်။ တောင်ကိုးရီးယားရောက် မြန်မာနိုင်ငံသားတွေအနေနဲ့ တံဆိပ်တုံးအတုနဲ့ သက်တမ်းတိုးထားတဲ့ နိုင်ငံကူးလက်မှတ်ကိုင်ဆောင်တာကို သတိပြုရှောင်ရှားနိုင်ဖို့၊ မြန်မာနိုင်ငံကူးလက်မှတ် ကိုင်ဆောင်အသုံးပြုရာမှာ သတိပြုရန်အချက်တွေကို လိုက်နာနိုင်စေဖို့၊ မသမာသူတွေရဲ့ စည်းရုံးသိမ်းသွင်းမှုကို သတိပြုရှောင်ရှားနိုင်စေဖို့သံရုံးက အသိပေးထားပါတယ်။ နိုင်ငံကူးလက်မှတ် ကိုင်ဆောင်အသုံးပြုခြင်းဆိုင်ရာ စည်းကမ်းတွေကို ဖောက်ဖျက်မိတာကြောင့် မိခင်နို်င်ငံနဲ့ အိမ်ရှင်နိုင်ငံတို့က ဥပဒေအရ အရေးယူခံရနိုင်ပြီး စိစစ်တွေ့ရှိရင် နိုင်ငံကူးလက်မှတ်ကို ဖျက်သိမ်းခြင်းနဲ့ အမည်မည်းစာရင်းသွင်းတာတွေကို လုပ်ဆောင်မယ်လို့ သံရုံးရဲ့ ကြေညာချက်မှာ ဖော်ပြထားပါတယ်။

အောက်တိုဘာ ၁၇ရက် ခွန်သောမတ်စ်၊ Migrants Times ထိုင်းနိုင်ငံမှာ ကလေးမွေးဖွားနှုန်း တက်ဖို့ ဘတ် ၃၀၀၀ ထပ်ရမယ့် မူဝါဒကို ပြင်ဆင် အဆိုပြုလိုက်ပါတယ်။ ထိုင်းနိုင်ငံမှာ ကေလး မွေးဖွားနှုန်း ပိုအားကောင်းဖို့ တွန်းအားပေးတဲ့အနေနဲ့ ကလေးမွေးဖွားရင် ဘတ် ၃၀၀၀ အကူစရိတ် ပံ့ပိုးမယ့် မူဝါဒအစီအစဉ်ကို အဆိုပြုခဲ့တာပါ။ ပုဒ္မ ၃၃ အရ အာမခံကြေး ဆောင်ထားသူတှေအတှကျ ကလေးစရိတ် တိုးမြှင့်တာဖြစ်ပြီး အလုပ်သမားရှားပါးမှု အကျပ်အတည်းကို ရေရှည်မှာ အမှန်တကယ်ဖြေရှင်းနိုင်ဖို့ ရည်ရွယ်တယ်လို့ အလုပ်သမားဝန်ကြီး ဌာနအကြီးအကဲ မစ္စတာ Pipat Ratchakitprakarn က ပြောကြားပါတယ်။ ထိုင်းနိုင်ငံ လူဦးရေဟာ လူဦးရေအသစ် လျော့ကျနှုန်း မြင့်မားတဲ့ တစ်ချိန်တည်းမှာ သက်ကြီးရွယ်အို အချိုးအစားလည်း တိုးမြင့်လာနေပါတယ်။ ထိုင်းနိုင်ငံအနေနဲ့

အောက်တိုဘာ ၁၅ရက်၊အရုဏ်ဦး စစ်မှုထမ်းဖို့ အသက်အကျုံးဝင်နေသူတွေ ပြည်ပထွက်အလုပ်လုပ်ခွင့်တားမြစ်ခံရသလို ပြည်တွင်းမှာလည်း အလုပ်ရဖို့ခက်ခဲတာမျိုးတွေ ကြုံနေရတယ်လို့ ကာယကံရှင်တချို့ဆီကသိရပါတယ်။ အသက် ၃၂အရွယ်အထိ အမျိုးသားတွေအလုပ်ရှာရမှာ စစ်မှုထမ်းဖို့ဆင့်​ခေါ်လို့ ရေရှည်မလုပ်နိုင်မှာကို အလုပ်ရှင်တချို့က တွက်ဆလာကြတာလို့ ဆိုပါတယ်။ “ အင်တာဗျူးဝင်တော့ စစ်မူထမ်းစာရင်းပေးထားပြီးပြီလားမေးတယ်။စာရင်းပေးထားပြီးသးဆို ခန့်ဖို့အဆင်မပြေဘူး၊ လူမကြာခဏပြောင်းနေမှာကိုမလိုလားလို့ဆိုပြီးပြောတယ်” လို့ လိူင်သာယာမြို့နယ်မှာနေထိုင်တဲ့ အသက်၂၅အရွယ် အမျိုးသားတစ်ဦးက ပြောပါတယ်။ လက်ရှိမှာ အသက်၁၈ကနေ ၃၅နှစ်အရွယ်အထိအမျိုးသားတွေကို စစ်မှုထမ်းဖို့ အသုတ်လိုက် ဆင့်ခေါ်နေတာရှိပြီး ပြည်ပထွက်ခွာခွင့်ကိုလည်းတားမြစ်ထားပါတယ်။ အဲဒါကြောင့် ပြည်တွင်းမှာ အလုပ်ရှာရာမှာလည်း အဆင်မပြေတာကြောင့် မိသားစုရပ်တည်ရေးအခက်အခဲတွေရှိလာနေတယ်လို့ ကိုယ်တိုင်ကြုံရသူတွေက ဆိုပါတယ်။ “ နိုင်ငံခြားလည်း ထွက်မရဘူး။ဒီထဲမှာကြတော့လည်းအလုပ်က မရှိဘူး။လမ်းတွေလည်းပျောက်နေပြီ” လို့ အသက်၂၂နှစ်အရွယ် လူငယ်တစ်ဦးက ပြောပါတယ်။ လက်ရှိမှာ စစ်မှုထမ်းဖို့အတွက် အမျိုးသားတွေက်ိုဦးစားပေးခေါ်နေပြီး မကြာခင်အမျိုးသမီးတွေပါခေါ်မယ်ဆိုတဲ့ သတင်းကြောင့် အမျိုးသမီးတွေကြားမှာလည်းစိုးရိမ်မှုတွေရှိနေပါတယ်။

အောက်တိုဘာ ၁၃ ရက် ခွန်သောမတ်စ်၊ Migrant Times မြန်မာ့နိုင်ငံရေး မပြေလည်မှုကြောင့် ထိုင်းရောက် MoU သက်တမ်းကုန် နေရပ်ပြန်ပို့မယ့် မြန်မာရွှေ့ပြောင်းလုပ်သား ၂ သန်းကျော်ဟာ နှစ်ဖက်အစိုးရရဲ့ ကြီးမားတဲ့ အခက်အခဲတွေ ရင်ဆိုင်ရဖွယ်ရှိနေပါတယ်။ ထိုင်းနိုင်ငံမှာ ရောက်ရှိပြီး တရားဝင်မဟုတ်တဲ့ မြန်မာ ရွှေ့ပြောင်းလုပ်သားတွေ မှတ်ပုံတင်ခြင်းကိစ္စနဲ့ ပတ်သက်ပြီး ထိုင်းအစိုးရရဲ့ စက်တင်ဘာလ ၂၄ ရက် ဆုံးဖြတ်ချက်အရ နိုင်ငံကူးလက်မှတ်အစား ပတ်စ်ပို့၊ စီအိုင် အသုံးပြုတဲ့ စာရွက်စာတမ်း ကိုင်ဆောင်ထားတဲ့ မြန်မာရွှေ့ပြောင်းလုပ်သား ၂ သန်းကျော်ဟာ နှစ်ဖက်အစိုးရရဲ့ လက်တွေ့မကျတဲ့ စည်းမျဉ်းတွေဖန်တီးထားမှုကြောင့် ကြီးမားတဲ့ အခက်အခဲတွေရင်ဆိုင်ရဖွယ်ရှိတယ်လို့ နိုင်ငံဖြတ်ကျော် လူဦးရေအဖွဲ့အစည်းများကွန်ရက် (Migrant Working Group – MWG) ရဲ့ ညှိနှိုင်းရေးမှူး မစ္စတာ