အလုပ်သမား သတင်း

ဇန်နဝါရီ ၇ ရက်၊ မောင်နေ့သစ်၊ Migrant Times ထိုင်းတောင်ပိုင်း၊ ထပ်လမုတံငါရွာက မြန်မာရွှေ့ပြောင်း ကလေးငယ် ၃ ဦးကို ကားတိုက်မိလို့ တစ်ဦး သေဆုံးပြီး နှစ်ဦး ပြင်းထန်ဒဏ်ရာရခဲ့ပါတယ်။ သေဆုံးသွားတဲ့ ကလေးငယ်ဟာ ထပ်လမုတံငါရွာ မြန်မာရွှေ့ပြောင်းကျောင်းက ပထမတန်းကျောင်းသား ဖြစ်ပါတယ်။ ” ကလေးတွေက ပွဲစျေးတန်းကို စက်ဘီးနဲ့သွားကြတာ။ အနောက်က ကားကဝင်တိုက်လိုက်တာ။ ကလေးက ၃ ယောက်ပါ။ တစ်ယောက် လွင့်ထွက်သွားတယ်။ တစ်ယောက်က ဒဏ်ရအပြင်းအထန်ရပြီး ဆေးရုံတင်ထားရတယ်။ တစ်ယောက်ကတော့ သေသွားတယ်။ သေဆုံးသွားတဲ့ကလေးက အသက် ၈ နှစ်၊ ပထမတန်းမှာ တက်နေတာ။ စိတ်ထဲလည်း မကောင်းဖြစ်မိတယ်” လို့ ကျောင်းတာဝန်ခံ ဦးဝင်းနိုင်က Migrant Times ကို ပြောပါတယ်။ သေဆုံးသွားတဲ့

ဇန်နဝါရီ ၆ရက်၊အရုဏ်ဦး ရန်ကုန်မြို့မှာ အလှည့်ကျမီးဖြတ်တဲ့အချိန်ထပ်တိုးလာတာကြောင့် စားသောက်ရေးအခက်တွေ့လာကြတယ်လို့ စက်ရုံလုပ်သားတွေက ပြောပါတယ်။ အရင်က လေးနာရီခြားမီးဖြတ်တဲ့စနစ်ကနေ ရှစ်နာရီခြားမီးဖြတ်တဲ့ ပုံစံပြောင်းလဲလိုက်တာကြောင့်ချက်ပြုတ်ရေးအတွက်အခက်တွေ့လာရတာလို့ ဆိုပါတယ်။ “ညနေ၅နာရီမှာဖြတ်တဲ့မီးက မနက်၁နာရီမှ ပြန်လာမှာဆိုတော့ ဘယ်အချိန်သွားချက်ပြုတ်ပြီးဘယ်အချိန်အိပ်ရမှာလဲ”လို့ ရွှေပြည်သာမြို့နယ်မှအလုပ်သမားတစ်ဦးက ပြောပါတယ်။ အဲဒီလိုမီးပျက်မယ့်အချိန်ကြာလာမှာဖြစ်လို့ ထမင်းချိုင့်ထည့်ဖို့အခက်တွေ့လာရပြီး ဝယ်စားရင်ကုန်ကျစရိတ်ပိုများလာမှာကို ချင့်ချိန်ကြရတယ်လို့ အလုပ်သမားတွေက ဆိုပါတယ်။ “ပေါင်းအိုးတွေရှိရဲ့သားနဲ့မီးသွေးမီးဖိုထပ်ဝယ်ရမယ်ဆိုလည်း စရိတ်ထောင်းဦးမယ်။ မီးဖိုအပြင် အိုးတွေပါထပ်ဝယ်ရမှာ မကိုက်ဘူး”လို့ စက်ရုံလုပ်သားတစ်ဦးက ပြောပါတယ်။ မြန်မာနိုင်ငံမှာ ၂၀၂၁ကစလို့ လျှပ်စစ်ထုတ်နိုင်မှုလျော့နည်းသွားသလို မီးပျက်တာတွေ နှစ်စဥ်တိုးလာတာဖြစ်ပါတယ်။ လက်ရှိမှာ တနိုင်ငံလုံးလျှပ်စစ်မီးသုံးစွဲနိူင်တာရဲ့ တဝက်လောက်ဘဲ လျှပ်စစ်ထုတ်လုပ်နိုင်တော့လို့ မီးဖြတ်ချိန်တိုးလာတာဖြစ်တယ်လို့ လျှပ်စစ်ဌာနသတင်းအရင်းမြစ်တွေဆီက သိရပါတယ်။ #migranttimes #myanmarworker #BreakingNews #migrants #Myanmar #news

ဇန်နဝါရီ ၆ရက်၊ Migrant Times တောင်ကိုရီးယားမှာ ကျောင်းတက်နေတဲ့ မြန်မာနိုင်ငံသားတွေ Global Elim Foundation ရဲ့ ပညာသင်ဆု လျှောက်ထားနိုင်တယ်လို့ ဆိုးလ်မြို့၊ မြန်မာသံရုံးက ကြေညာထားပါတယ်။ တောင်ကိုရီးယားက တက္ကသိုလ်တစ်ခုခုမှာ ဘွဲ့ကြို၊ မဟာဘွဲ့နဲ့ ဒေါက်တာဘွဲ့(ကိုရီးယားဘာသာစကားသင်တန်းမပါ)တက်ရောက်ခွင့်ရထားပြီး ကျောင်းလခ၊ နေထိုင်စရိတ် အခက်အခဲရှိနေတဲ့ မြန်မာနိုင်ငံသား ကျောင်းသား၊ ကျောင်းသူ ၂ ဦးကို ပညာသင်ဆု ရွေးချယ်ပေးအပ်မှာ ဖြစ်ပါတယ်။ လျှောက်ထားလိုသူတွေအနေနဲ့ ဇန်နဝါရီလ ၂၃ ရက် နောက်ဆုံးထားပြီး ဆိုးလ်မြို့၊ မြန်မာသံရုံးကို ကိုယ်တိုင်လာရောက်လှေ ျာက်ထားနိုင်သလို စာတိုက်ကနေလည်း ေပးပို့လျှောက်ထားနိုင်ပါတယ်။ mentoringcenterglobal@gmail.com ကိုလည်း အီးမေးလ်ပေးပို့လျှောက်ထားနိုင်ပါတယ်။ ပညာသင်ဆုလျှောက်လွှာကို သတင်းနဲ့အတူ ဖော်ပြပေးထားပါတယ်။ #migranttimes #myanmarworker #migrants #Myanmar #news #BreakingNews

အပတ်စဥ် တနင်္ဂနွေနေ့တိုင်းမှာ ရွှေ့ပြောင်းမြန်မာလုပ်သားတွေအတွက် ဗဟုသုတရစေမဲ့ Quiz တွေတင်ဆက်ပေးသွားမှာဖြစ်ပါတယ်။ အခုမေးခွန်းလေးကို Comment မှာဖြေခဲ့ပေးကြပါ ၊ မနက်ဖြန် 3နာရီမှာ အဖြေမှန်ကိုတင်ပေးသွားမှာဖြစ်ပါတယ်။ သိချင်တာမေးချင်တာများရှိရင်လဲ Comment မေးခဲ့လို့ရပါတယ်။ #migranttimes #myanmarworker #migrants #Myanmar #news #BreakingNews #knowledge #quiz #share #sharing #knowledgeispower #QuizTime #QuizChallenge

ဇန်နဝါရီ ၃ ရက်၊ Migrant Times ထိုင်းနိုင်ငံ၊ ချင်းမိုင်မှာ ဗီဇာရက်ကျော်နေထိုင်တဲ့ မြန်မာနိုင်ငံသားတစ်ဦး မနေ့က ဖမ်းဆီးခံခဲ့ရပါတယ်။ ချင်းမိုင်မှာ အလုပ်လုပ်နေတဲ့ အဲဒီမြန်မာလုပ်သားဟာ နေထိုင်ခွင့်ဗီဇာကို ၆၈၉ ရက်ကျော်လွန်ပြီး နေထိုင်ခဲ့တာကြောင့် ဖမ်းဆီးခံခဲ့ရတာပါ။ ဓာတ်ပုံ- ချင်းမိုင်လူဝင်မှုကြီးကြပ်ရေး #migranttimes #BreakingNews #migrants #news #Myanmar #myanmarworker

ဇန်နဝါရီ ၁ရက်၊အရုဏ်ဦး ရန်ကုန်မြို့မျာရွှေ့ပြောင်းလုပ်သားတွေ တိုးလာတာနဲ့အမျှ အလုပ်အကိုင်အခွင့်အလမ်းလိုအပ်ချက်တွေပိုများလာတယ်လို့ အလုပ်သမားအရေးလူပ်ရှားသူတွေဆီက သိရပါတယ်။ နိုင်ငံတဝန်း စစ်ရေးတင်မာနေတဲ့ဒေသတွေက ပြည်သူတချို့ဟာ ရန်ကုန်မြို့ကို ရွှေ့ပြောင်းလာကြပြီး သူတို့အတွက် နေထိုင်ရေးနဲ့အလုပ်အကိုင် ရရှိရေးစိန်ခေါ်မှုတွေရှိနေတာဖြစ်တယ်လို့ ဆိုပါတယ်။ “ရန်ကုန်ကိုရောက်ပြီဆိုတာနဲ့ဘာပဲ ဖြစ်ဖြစ်ဝင်ငွေရှိနေမှရမှာ။ အခုအလုပ်ရှာနေတဲ့အထဲမှာဆို တိုင်းရင်းသားဒေသကသူတွေပါများလာတယ်။အလုပ်ရဖို့ဆိုတာလည်းတော်တော်ခက်တယ်”လို့ လှိုင်သာယာမြို့နယ်မှာ အလုပ်သမားအရေးဆောင်ရွက်သူတစ်ဦးက ပြောပါတယ်။ ဒါ့အပြင် အလုပ်အကိုင်လိုအပ်သူများတာကိုအကြောင်းပြုပြီး လုပ်ငန်းအချို့က လုပ်ခစျေးနှိမ် ပေးတဲ့ဖြစ်ရပ်တွေရှိလာတယ်လို့လည်း အလုပ်သမားသမဂ္ဂခေါင်းဆောင်တစ်ဦးက ဆိုပါတယ်။ “အလုပ်ရရင်ပြီးရောဆိုသူတွေရှိလာတော့ တချို့သူဌေးတွေက ပေးသင့်တဲ့ပမာဏထက်လျှော့ပေးတယ်။ သူ့အတွက်က အလုပ်သမားပေါပေါသီသီရနိူင်တဲ့အနေအထားဖြစ်နေတာလေ”လို့ ပြောပါတယ်။ လက်ရှိမြန်မာနိုင်ငံမှာ အနည်းဆုံးလုပ်ခကို ၄,၈၀၀ကျပ်နဲ့ထောက်ပံ့ကြေး ကျပ် ၂,၀၀၀ သတ်မှတ်ထားပေမယ့် အဲဒီပမာဏပြည့်အောင်မပေးတဲ့လုပ်ငန်းအများအပြားရှိနေတယ်လို့လည်း သူတို့က ပြောပါတယ်။ #migranttimes #knowledge #migrants #news #Myanmar #BreakingNews

#newyear #newyear2025

ဒီဇင်ဘာ ၂၉၊ အရုဏ်ဦး ရက်ရှည်ရုံးပိတ်ရက်သတ်မှတ်ထားပေမယ့် စက်ရုံတချို့ကပိတ်ရက်မပေးဘဲ ဆက်ဖွင့်နေတယ်လို့ အလုပ်သမားအရေးလူပ်ရှားသူတွေဆီက သိရပါတယ်။ စစ်ကောင်စီက ဒီဇင်ဘာ ၂၈ကနေ ဇန်နဝါရီ ၁ရက်အထိ ရုံးပိတ်ရက် ၅ရက် သတ်မှတ်ထားတာဖြစ်ပြီး စက်ရုံတချို့က လုပ်ငန်းအခြေအနေအရဆိုပြီးဖွင့်လှစ်လည်ပတ်နေတာလို့ ဆိုပါတယ်။ “ပိတ်ရက်မပေးတဲ့ရုံတွေရှိတယ်။အလုပ်သမားတွေကတော့ နားချင်တယ်။စက်ရုံကမပိတ်ပေးလို့ စိတ်ညစ်နေကြတယ်”လို့ လှိုင်သာယာမြို့နယ်က အလုပ်သမားအရေးလူပ်ရှားသူတစ်ဦးက ပြောပါတယ်။ တချို့စက်ရုံတွေကတော့ သတ်မှတ်ထားတဲ့ရက်အပြည့်မပေးဘဲ ပိတ်ရက်လျှော့ပေးတာမျိုးတွေရှိတယ်လို့လည်း အလုပ်သမားတွေဆီက သိရပါတယ်။ “၅ရက်ပိတ်ရမှာကို နှစ်ကူးနေ့ပဲပိတ်ပေးမယ်လို့ ပြောတယ်။ဆင်းရတဲ့နေ့တွေအတွက်ကို အချိန်ပိုကြေးနဲ့တွက်ပေး၊မပေးလည်းမသိရသေးဘူး”လို့ ရွှေပြည်သာမြို့နယ်မှ စက်ရုံလုပ်သားတစ်ဦးကပြောပါတယ်။ အခုသတ်မှတ်တဲ့ရုံးပိတ်ရက်တွေမှာ တရားဝင်သတ်မှတ်ထားတာဖြစ်လို့ အလုပ်သမားဆန္ဒမပါရင်မဆင်းလို့ရသလို အဲဒီရက်တွေမှာ အလုပ်ဆင်းရရင် အချိန်ပိုကြေးပေးရမှာဖြစ်တယ်လို့ အလုပ်သမားအဖွဲ့အစည်းတွေက ဆိုပါတယ်။ ပြောင်းလဲသတ်မှတ်လိုက်တဲ့ ရုံးပိတ်ရက်ရှည်ကို ပိတ်ရက်မတိုင်ခင်ရက်ပိုင်းအလိုကမှအသိပေးတာဖြစ်လို့ စက်ရုံတွေဖက်ကကြိုတင်ပြင်ဆင်ချိန်မရတဲ့အခြေအနေမျိုးတွေရှိခဲ့တယ်လို့ အဲဒီလုပ်ငန်းအသိုင်းဝိုင်းဆီက သိရပါတယ်။

အပတ်စဥ် စနေနေ့တိုင်းမှာ ရွှေ့ပြောင်းမြန်မာလုပ်သားတွေအတွက် ဗဟုသုတရစေမဲ့ Quiz တွေတင်ဆက်ပေးသွားမှာဖြစ်ပါတယ်။ အခုမေးခွန်းလေးကို Comment မှာဖြေခဲ့ပေးကြပါ ၊ မနက်ဖြန် 3နာရီမှာ အဖြေမှန်ကိုတင်ပေးသွားမှာဖြစ်ပါတယ်။ သိချင်တာမေးချင်တာများရှိရင်လဲ Comment မေးခဲ့လို့ရပါတယ်။ #migranttimes #myanmarworker #migrants #Myanmar #knowledge #knowledgeispower #QuizTime #QuizTime #sharing