အလုပ်သမား သတင်း

ယနေ့ကျရောက်သည့် ၂ဝ၂၅ ခုနှစ်၊ ကမ္ဘာ့အလုပ်သမားနေ့ (မေဒေး) တွင် မြန်မာနိုင်ငံနှင့် ပြည်ပရှိရွှေ့ပြောင်းနေထိုင်သူများ၊ အလုပ်လုပ်ကိုင်သူများ ကာယ၊ ဉာဏ အလုပ်သမားများအားလုံး စိတ်၏ချမ်းသာခြင်း၊ ကိုယ်၏ ကျန်းမာခြင်းနှင့် ပြည့်စုံပါစေကြောင်း Migrant Times သတင်းဌာနက ဆန္ဒပြုအပ်ပါသည်။ Migrant Times တည်ထောင်ခဲ့စဉ် ကတည်းက ရွှေ့ပြောင်းနေထိုင်သူများ၏ သတင်းများကို အလေးပေးအာရုံစိုက်ခဲ့ပြီး လူမှုဘဝပေါင်းစည်းမှုကို မြှင့်တင်ရန် ရွှေ့ပြောင်းနေထိုင်သူအသိုင်းအဝိုင်းနှင့် အိမ်ရှင်လူမှုအသိုင်းအဝိုင်းများအကြား လူမှုစည်းလုံးညီညွတ်မှုကို မြှင့်တင်ရန် ကြိုးစားဆောင်ရွက်ခဲ့ပါသည်။ Migrant Times သည် ရွှေ့ပြောင်းနေထိုင်သူများ၏ နေ့စဉ် လူမှုဘဝလှုပ်ရှား သွားလာရာတွင် အဖိုးတန်သည့်သတင်းအချက်အလက် အရင်းအမြစ်များနှင့် လက်တွေ့ကျသော သတင်းအချက်အလက်များရရှိရန် ဗီဒီယိုများ၊ သတင်းများ၊ သုတေသနများ လုပ်ဆောင်ခြင်းစသည့် ပညာပေးလုပ်ငန်းစဉ်များကို တိုးချဲ့ခဲ့ပါသည်။ Migrant Times သည် ရှေ့ဆက်လျှောက်လှမ်းရာတွင်

ဇန်နဝါရီ ၁၂ရက်၊ အရုဏ်ဦး လာအိုနိုင်ငံရောက် အထောက်အထားမဲ့မြန်မာလုပ်သား ၆၀၀၀၀လောက်ကို နိုင်ငံသားမည်သူမည်ဝါဖြစ်ကြောင်းသက်သေခံလက်မှတ်(CI) ထုတ်ပေးသွားမယ်လို့ စစ်ကောင်စီအလုပ်သမားဝန်ကြီးက ပြောပါတယ်။ အလုပ်သမားဝန်ကြီးဦးမြင့်နောင်နဲ့ လာအိုသံအမတ်တို့ ဇန်နဝါရီ ၉ရက်က တွေ့ဆုံစဥ် အဲဒီနိုင်ငံရောက်အလုပ်သမားတွေအရေးနဲ့ပတ်သက်လို့ဆွေးနွေးရာမှာ ထည့်သွင်းပြောကြားခဲ့တာဖြစ်ပါတယ်။ လာအိုနိုင်ငံမှာ မြန်မာနိုင်ငံနဲ့ နယ်မြေချင်းထိစပ်နေတာကြောင့် ရွှေ့ပြောင်းသွားလာသူများနေပြီး လက်ရှိအဲဒီနိုင်ငံမှာ အ​ထောက်အထားမဲ့မြန်မာနိုင်ငံသား ၆၀၀၀၀လောက်ရှိနေတယ်လို့ ဦးမြင့်နောင်က ဆိုပါတယ်။ အဲဒီအထောက်အထားမဲ့ မြန်မာနိုင်ငံသား​တွေအတွက် ဝန်ကြီးဌာန​တွေပူးပေါင်းပြီး နိုင်ငံသားစိစစ်ခြင်းလုပ်ငန်းကိုe-ID စနစ်နဲ့ တိုက်ဆိုင်စစ်ဆေးကာ မည်သူမည်ဝါဖြစ်ကြောင်း သက်သေခံလက်မှတ်(Certificate of Identity – CI)ထုတ်ပေးနိုင်ရေးဆောင်ရွက်သွားဖို့ရှိတယ်ဆိုပြီး ဦးမြင့်နိုင်က ပြောခဲ့တာဖြစ်ပါတယ်။ ဒါပေမယ့် CIလက်မှတ်လုပ်ပေးမယ့် အချိန်ကာလကိုတော့ထည့်သွင်းပြောကြားခဲ့တာမရှိပါဘူး။ လက်ရှိမှာ လာအိုနိုင်ငံက မြန်မာနိုင်ငံထက် လုပ်ခလစာပိုများနေတာကြောင့် တရားမဝင် သွားရောက်တာတွေရှိနေသလို အေဂျင်စီတွေကနေ ပြီးခဲ့တဲ့နှစ်ကစလို့ တရားဝင်ပို့ဆောင်တာရှိပါတယ်။ “CIလုပ်ပေးရင် တရားမဝင်အလုပ်သမားတွေအတွက် တရားဝင်လုပ်ကိုင်ခွင့်တော့ရသွားနိူင်တယ်။တရားဝင်စေလွှတ်တဲ့

ဇန်နဝါရီ ၈ ရက်၊ Migrant Times ထိုင်းနိုင်ငံထဲ တရားမဝင် ဝင်လာတဲ့ မြန်မာလုပ်သား ၂၅ ဦးကို တာ့ခ်ခရိုင်မှာ မနေ့ညက ဖမ်းဆီးခံခဲ့ရပါတယ်။ ထိုင်းနိုင်ငံမှာ အလုပ်လုပ်ဖို့ တရားမဝင် နည်းလမ်းနဲ့ ဝင်ရောက်လာတာဖြစ်ပြီး သူတို့ကို ထိုင်း-မြန်မာနယ်စပ် တာ့ခ်ခရိုင်မှာ မနေ့ည ၈ နာရီလောက်က ဖမ်းဆီးမိခဲ့တာဖြစ်ပါတယ်။ အမျိုးသမီး ၉ ဦး၊ အမျိုးသား ၁၆ ဦးပါဝင်ပြီး သူတို့ကို တရားမဝင်အလုပ်သမားတင်ပို့သူတွေက နယ်စပ်ကနေ ခေါ်ဆောင်လာခဲ့တာဖြစ်ပါတယ်။ ကိုးကား၊ ဓာတ်ပုံ- Khaosod News

ဇန်နဝါရီ ၈ ရက်၊ Migrant Times ဂျပန်နိုင်ငံ၊ Oita, Beppu မြို့၊ Asia Pacific University မှာ နိုင်ငံတကာဆက်ဆံရေး (International Relations) ဒုတိယနှစ်တက်နေတဲ့ အသက် ၂၂ နှစ်အရွယ် ချင်းကျောင်းသူ Lia Dim Sian Muang Thaw ဟာ ဇန်နဝါရီလ ၅ ရက်က ယာဉ်မတော်တဆမှုကြောင့် သေဆုံးသွားတယ်လို့ ဂျပန်နိုင်ငံရောက် ချင်းအသိုင်းအဝိုင်းကနေ သိရပါတယ်။ ” ဈေးဝယ်ဖို့ ဆိုင်ကယ်နဲ့သွားနေတဲ့ အချိန် ကားက အနောက်ကနေ တိုက်သွားတာလို့ ကနဦးသိရပါတယ်။ တခြား အသေးစိတ်ကိုတော့ မသိရသေးပါဘူး။ ဈာပနကိစ္စကို ချင်းလူမှုအဖွဲ့အစည်းတွေ စည်းဝေးနေဆဲလို့ သိရပါတယ်။ ဂျပန် စီးယင်း မိသားစုက အိမ်ရှင် တာဝန်ယူဆောင်ရွက်မယ်လို့

ဇန်နဝါရီ ၈ရက်၊ မောင်နေ့သစ်၊Migrant Times စမွတ်ဆာခွန်ခရိုင်၊ မူယန်မြို့နယ်၊ ထာ့ဆိုင်ကျေးရွာရှိ ဝပ်ခေါင်ခု စာသင်ကျောင်းအနီးတွင် ပြုလုပ်သည့် ခေါင်ခုပွဲတော်အတွင်းရှိ စတိတ်ရှိုးစင်ရှေ့ ကခုန်နေသည့် ထိုင်းနိုင်ငံသား ၁ ဦးမှ စတိတ်ရှိုးစင်အနီးရှိ မြန်မာနိုင်ငံသားတစ်ဦး၏ ခြေထောက်ကို မတော်တဆနင်းမိခဲ့ပါတယ်။ အဆိုပါဖြစ်စဥ်သည် ပြီးခဲ့တဲ့ဒီဇင်ဘာလ ၂၂ရက်နေ့ ညပိုင်းတွင်ဖြစ်ပွားခဲ့တာဖြစ်ပြီး ခြေထောက်တတ်နင်းသည့် ထိုင်းနိုင်ငံသား ၁ ဦးကို မြန်မာရွှေ့ပြောင်းအလုပ်သမား ၆ဦး ထိုးကြိတ်ခဲ့ကြတယ်လို့လည်း သိရပါတယ်။ ပြစ်မှုကျူးလွန့်သည့်မြန်မာ ၆ ဦးကို အရေးယူပေးရန်အတွက် ထိုးကြိတ်ခံရသည့် ထိုင်းနိုင်ငံသားမှ သက်ဆိုင်နယ်မြေရဲစခန်းသို့ တိုင်ကြားခဲ့တယ်လို့လည်းသိရပါတယ်။ ထိုင်းရဲတပ်ဖွဲ့က CCTV မှတ်တမ်းတွေကို ပြန်လည်စစ်ဆေးခဲ့ပြီး သံသယရှိသူတွေရဲ့ နေအိမ်ကို ခြေရာခံကာ မြန်မာနိုင်ငံသား ၆ ဦးစလုံးကို ဇန်နဝါရီလ ၇ရက်နေ့က ဖမ်းဆီးခဲ့ပါတယ်။ ဖမ်းဆီးခံရသည့် မြန်မာနိုင်ငံသားများကို

ဇန်နဝါရီ ၇ရက် ၊အရုဏ်ဦး ဒီဇင်ဘာလအတွင်းမှာ ပြည်ပအလုပ်အကိုင်အေဂျင်စီအသစ် ၆ခု တိုးလာတယ်လို့ စစ်ကောင်စီအလုပ်သမားဝန်ကြီးဌာနက ထုတ်ပြန်ပါတယ်။ လက်ရှိမှာထပ်တိုးလာတဲ့ အေဂျင်စီ၆ခုအပါအဝင် ပြည်ပအလုပ်အကိုင်အေဂျင်စီ ၆၁၀ခုအထိရှိလာပြီး အေဂျင်စီ၄ခု မှာ လိုင်စင်ယာယီပိတ်သိမ်းအရေးယူခံထားရတယ်လို့ ဆိုပါတယ်။ ” ထပ်ပြီးဖွင့်လှစ်လုပ်ကိုင်ခွင့်တင်ထားတာတွေလည်းကျန်သေးတယ်။ စည်းကမ်းချက်တွေအတိုင်းလုပ်ကိုင်နိူင်မယ့်သူတွေကိုစီစစ်လုပ်ကိုင်ခွင့်ပေးနေတာ”လို့ အလုပ်သမားဝန်ကြီးဌာနအရင်းမြစ်တစ်ဦးက ပြောပါတယ်။ မြန်မာနိုင်ငံမှာ ၂၀၂၁မတိုင်ခင်က ပြည်ပအလုပ်အကိုင်အေဂျင်စီ ၃၀၀ လောက်သာရှိပြီး ဒီနှစ်ပိုင်းအတွင်းမှာ အေဂျင်စီအသစ်တွေတရှိန်ထိုးများလာတာ ဖြစ်ပါတယ်။ အဲဒီလို အေဂျင်စီတွေ ဖောင်းပွလာပေမယ့် အမှန်တကယ်လုပ်သားစေလွှတ်နိူင်တာ တဝက်လောက်ပဲရှိတယ်လို့ အေဂျင်စီလုပ်ငန်းရှင် တချို့က ဆိုပါတယ်။ “လိုင်စင်ယူထားပြီးတစ်လနေလို့အလုပ်သမားတစ်ယောက်မှမပို့နိုင်တာတွေအများကြီးရှိတယ်”လို့ အေဂျင်စီလုပ်ငန်းရှင်တစ်ဦးက ပြောပါတယ်။ လက်ရှိမှာ ပြည်ပအလုပ်အကိုင်အေဂျင်စီတွေအနေနဲ့လစဥ်စေလွှတ်ခဲ့တဲ့လုပ်သားဦးရေနဲ့ အလုပ်သမားက မိသားစုဆီငွေလွှဲပို့တဲ့စာရင်းအချက်အလက်တွေကိုသက်ဆိုင်ရာဌာနဆီပေးပို့ နေရပါတယ်။ ဒါ့အပြင် အလုပ်သမားကငွေလွှဲပို့စေရေးနဲ့စာချုပ်သက်တမ်းပြည့်ရင် စစ်မှုပြန်ထမ်းစေရေး အေဂျင်စီတွေက အလုပ်သမားနဲ့သဘောတူစာချုအ်ချုပ်ဆိုပြီး တာဝန်ခံထားရတယ်လို့လည်း အဲဒီလုပ်ငန်းလုပ်ကိုင်သူတွေဆီက သိရပါတယ်။ #migranttimes