အလုပ်သမား သတင်း

ဒီဇင်ဘာ ၁၈ ရက်၊ Migrant Times ဂျပန်နိုင်ငံမှာ အင်ဂျင်နီယာပညာရပ်တွေ သင်ယူနေသူတွေနဲ့ သုတေသီတွေ The Kubota Fund ပညာသင်ဆု လျှောက်ထားနိုင်တယ်လို့ တိုကျိုမြို့ က မြန်မာသံရုံးက ကြေညာထားပါတယ်။ ဂျပန်နိုင်ငံရှိ ပုဂ္ဂလိက စီးပွားရေးလုပ်ငန်းတွေ၊ သုတေသန လုပ်ငန်းတွေနဲ့ တက္ကသိုလ်တွေမှာ အလုပ်လုပ်ကိုင်၊ ပညာသင်ကြားနေတဲ့ ဖွံ့ဖြိုးဆဲနိုင်ငံတွေက အင်ဂျင်နီယာပိုင်းဆိုင်ရာ သုတေသီတွေ၊အလုပ်သင် သင်တန်းသားတွေနေနဲ့ ကျောင်းသားတွေကို The Kubota Fund ပညာသင်ဆု ပေးအပ်မယ်လို့ သိရပါတယ်။ ပညာသင်ဆုလျှောက်ထားမယ့်သူဟာ ဖွံ့ဖြိုးဆဲနိုင်ငံတွေက နိုင်ငံသား ဒါမှမဟုတ် ဖွံ့ဖြိုးဆဲနိုင်ငံမှာ မွေးဖွားကြီးပြင်းသူဖြစ်ရမှာပါ။ ဂျပန်နိုင်ငံရှိ စီးပွားရေးလုပ်ငန်းတစ်ခုခုမှ ငှားရမ်းထားသူ ဒါမှမဟုတ် သုတေသန၊ ပညာရေး၊ သင်တန်းနဲ့ သက်ဆိုင်တဲ့ အဖွဲ့အစည်းတစ်ခုခုမှာ တရားဝင် စာရင်းသွင်းထားသူဖြစ်ရမယ်လို့ ဆိုပါတယ်။

ဒီဇင်ဘာ ၁၈ရက်၊အရုဏ်ဦး တောင်ကိုရီးယားရောက်မြန်မာလုပ်သားတစ်ဦးရုတ်တရက်သေဆုံးမှု ထပ်မံဖြစ်ပွားခဲ့တယ်လို့ အဲဒီနိုင်ငံရောက် မြန်မာအသိုင်းဝိုင်းဆီက သိရပါတယ်။ မန္တလေးတိုင်း၊မြင်းခြံမြို့နယ်ကနေ သွားရောက်လုပ်ကိုင်တဲ့အသက် ၂၁နှစ်အရွယ်ကိုရဲထက်ကျော်ဟာ ဘူဆန်မြို့၊ ဆာဟာဂုရှိနေအိမ်မှာ ဒီဇင်ဘာ ၁၆ ရက် နံနက် ၁နာရီလောက်က ရုတ်တရက် ကွယ်လွန်သွားခဲ့တာလို့ဆိုပါတယ်။ ကိုရဲထက်ကျော်ရဲ့သေဆုံးရတဲ့အခြေအနေကို အသေးစိတ် မသိရသေးဘဲ စက်ရုံကအလုပ်ထွက်ပြီးနောက် ဆွေမျိုး၊ သူငယ်ချင်းတွေနဲ့ အဆက်အသွယ် ဖြတ်တောက်ခဲ့တာ သေဆုံးသည့် အချိန်အထိဖြစ်တယ်လို့ ကိုရီးယားရောက်မြန်မာလုပ်သားအရေးကူညီပေးနေတဲ့ ကိုဇော်မိုးအောင်က သူ့ရဲ့လူမူကွန်ရက်မှာအသိပေးထားပါတယ်။ “လက်ရှိ ကိုရဲထက်ကျော်ရဲ့ ရုပ်အလောင်းဟာ အအေးတိုက်မှာထားရှိပြီး ရဲစခန်းရဲ့ ခွင့်ပြုချက် ရရှိမှ အလောင်းကို သင်္ဂြိုလ်ခွင့် ရရှိမှာဖြစ်ပါတယ်”လို့ ကိုဇော်မိုးအောင်က ပြောပါတယ်။ တောင်ကိုရီးယားမှာ ဒီဇင်ဘာ၁၂ရက်ညကလည်း မြန်မာလုပ်သားတစ်ဦးမှာ မိမိကိုယ်ကိုအဆုံးစီရင်သွားခဲ့ပြီး အခုသေဆုံးမူထပ်မံဖြစ်တာဖြစ်ပါတယ်။ အဲဒီ အဆုံးစီရင်သွားသူမှာ​ အသက်(အသက်၂၀) အရွယ် ကိုညီညီဇော်ဆိုသူဖြစ်ပြီး ကိုရီးယားနိုင်ငံ

ဒီဇင်ဘာ ၁၇၊ Migrant Time ထိုင်းနိုင်ငံ (တောင်ပိုင်း)၊ ရနောင်းခရိုင်ထဲကနေ တဆင့် မလေးရှားနိုင်ငံကို ဝင်ရောက်မယ့် မြန်မာ (၆၈) ဦးကို ဒေသ အာဏာပိုင်တွေက ဖမ်းဆီးရမိခဲ့တယ်လို့ ထိုင်းသတင်းဌာန တွေရဲ့ ဖော်ပြချက်တွေအရ သိရပါတယ်။ သူတို့တွေကို ဒီဇင်ဘာလ ၁၅ ရက်နေ့က ရနောင်းနဲ့ ချွန်းဖွန်းခရိုင် အကြား လအွန်မြို့နယ်၊ နိုင်းဝုန်းနေ အုပ်စု၊ ဘန့်နိုင်းဝုန်းရွာအပိုင်း တစ်နေရာ ဖြတ်မောင်းလာတဲ့ ၆ ဘီးယာဉ်ပေါ်ကနေ ဖမ်းဆီးရမိခဲ့တာလို့ သိရပါတယ်။ အဲ့ဒီလမ်းမှာ ကုန်တင်ယာဉ်တွေ ဖြတ်သန်းသွားလာလေ့မရှိတာကြောင့် ထိုင်းနယ်စပ်လုံခြုံရေးတပ်ဖွဲ့ အမှတ် ၂၅ နဲ့ ထိပ်ဆသရီး စစ်ကြောင်းတို့က မသင်္ကာလို့ ရပ်တန့်စစ်ဆေးခဲ့ရာမှာ တရားမဝင် မြန်မာလူမျိုးတွေကို ဖမ်းဆီး ရမိခဲ့တာလို့ ဆိုပါတယ်။ ယာဉ်မောင်းရဲ့ ထွက်ဆိုချက်မှာ

ဒီဇင်ဘာ ၁၇၊ Migrant Time၊ မောင်နေ့သစ် ထိုင်းနိုင်ငံသားတွေ ဖြစ်တဲ့ ရေလုပ်သား (၄)ဦးအပါအ၀င် (၃၁)ဦးကို ဒီဇင်ဘာ ၁၆ ရက်နေ့က ထောင်ဒဏ်နဲ့ အတူ ငွေဒဏ်‌တွေ ချမှတ်ခဲ့တယ်လို့ စစ်ကောင်စီရဲ့ ကော့သောင်းမြို့ တရားရုံးကနေ သိရပါတယ်။ ထိုင်း ရေလုပ်သား (၄)ဦးထဲက (၃)ဦးကို ထောင်ဒဏ် (၄)နှစ်စီနဲ့ ငွေဒဏ် ကျပ် (၂)သောင်း စီ ချမှတ်ခဲ့ပြီး (ခေါင်းဆောင်) တစ်ဦးကိုတော့ ထောင်ဒဏ် (၆)နှစ်နဲ့ ငွေဒဏ် ကျပ် (၂)သိန်းချမှတ်ခဲ့တာလို့ သိရပါတယ်။ သူတို့တွေကို နိုဝင်ဘာ (၃၀)ရက်နေ့တုန်းက တနင်္သာရီတိုင်း၊ ကော့သောင်းမြို့၊ ဇာဒက်ကြီးကျွန်းအောက်ဘက်၊ သံကျွန်းနားမှာရှိတဲ့ မြန်မာရေပိုင်နက်ထဲမှာ ထိုင်းငါးဖမ်းစက်လှေ တစ်စီးပေါ်မှာ မြန်မာရေတပ်က ဖမ်းဆီးခဲ့တာ လို့ သိရပါတယ်။ ဖမ်းဆီးရမိတဲ့

ဒီဇင်ဘာ ၁၆ ရက်၊ မောင်နေ့သစ်၊ Migrant Times ဘန်ကောက်မြို့က ဆုခွန်ဝစ်နယ်မြေမှာ ငွေတောင်းရမ်းစားသောက်နေတဲ့ အဖွဲ့ကို ထိုင်းအာဏာပိုင်တွေက ဖမ်းဆီးခဲ့ပါတယ်။ တောင်းရမ်းစားသောက်သူတွေထဲမှာ မြန်မာရွှေ့ပြောင်း ၁ ဦး၊ ကမ္ဘောဒီးယားနိုင်ငံသား ၂ ဦး၊ လာအိုနိုင်ငံသား ၁ ဦးအပြင် ထိုင်းနိုင်ငံသား ၈ ဦး ပါဝင်ကြောင်း ထိုင်းသတင်းဌာနတွေက ဖော်ပြပါတယ်။ ဖမ်းဆီးခံရသူတွေကို စစ်ဆေးရာမှာ ဘတ် ၁သန်း ၃သိန်းကျော်အထိ ရခဲ့တယ်လို့လည်း သိရပါတယ်။ ဖမ်းဆီးခံရသူတွေထဲက ထိုင်းအမျိုးသမီးတစ်ဦးက အဲဒီငွေတွေဟာ တောင်းစားရာက ရတာမဟုတ်ဘဲ ငှက်ပျောသီးကြော် ရောင်းချပြီး စုဆောင်းထားတာလို့ ရဲတပ်ဖွဲ့ထံ ထွက်ဆိုထားပါတယ်။ ဖမ်းဆီးခံရသူတွေနဲ့ သံသယရှိသူတွေကို ဘန်ကောက်နယ်မြေ၊ လုမ္ဗိနီမြို့မရဲစခန်းကို လွှဲပြောင်းပေးအပ်ပြီး ဥပဒေအရ အရေးယူမယ်လို့ သိရပါတယ်။ #migranttimes #BreakingNews

ဒီဇင်ဘာ ၁၅ရက်၊ Migrant Time ၂၀၂၄ခုနှစ် ကိုရီးယားဘာသာအရည်ချင်းစစ်မေးပွဲ (EPS- TOPIK)နဲ့ Skills Test (ကုန်ထုတ်လုပ်ငန်း ပထမအသုတ်နှင့် ဝန်ဆောင်မှုလုပ်ငန်းအုပ်စု – ၁) အောင်မြင်ထားသူတွေကို လပိုင်းအတွင်း အလုပ်လျှောက်လွှာ ခေါ်ယူတော့မယ်လို့ အစိုးရပြည်ပအလုပ်အကိုင်အေဂျင်စီ (POEA- EPS)က အသိပေးပြောဆိုလာပါတယ်။ အလုပ်လျှောက်လွှာတွေကို ၂၀၂၄ ခုနှစ်၊ ဒီဇင်ဘာနောက်ဆုံးရက် သတ္တပတ်အတွင်း ခေါ်ယူဖို့ လုပ်ဆောင်နေပြီး အဲ့ဒီအချိန်အတွင်း မခေါ်ယူဖြစ်ပါက ၂၀၂၅ ခုနှစ်၊ ဇန်နဝါရီလဆန်းပိုင်းမှာ ခေါ်ယူနိုင်အောင် ဆောင်ရွက်သွား မှာ ဖြစ်တယ်လို့ ဆိုပါတယ်။ စာမေးပွဲအောင်မြင်ထားသူတွေကိုလည်း ကျန်းမာရေး ဂရုပြုကြဖို့နဲ့ နိုင်ငံကူး လက်မှတ် သက်တမ်းအနည်းဆုံး (၁)နှစ်အထက်ရှိကြဖို့အတွက်ကိုလည်း POEA- EPS တိုက်တွန်း အသိပေးပြောဆိုထားပါသေးတယ်။ ကုန်ထုတ်လုပ်ငန်း ပထမအသုတ်မှာ လူဦးရေ (၅၃၀၀)ကျော်

ဒီဇင်ဘာ ၁၅ ရက်၊ Migrant Times ထိုင်းနိုင်ငံတောင်ပိုင်း၊ Samui ကျွန်းက ဆောက်လုပ်ဆဲ အဆောက်အအုံတစ်ခုမှာ ဒီကနေ့ မနက်ပိုင်းက မြေပြိုမှု ဖြစ်ပွားခဲ့ပြီး မြန်မာလုပ်သား နှစ်ဦး ပျောက်ဆုံးနေတယ်လို့ သိရပါတယ်။ မိုးဆက်တိုက်ရွာသွန်းမှုကြောင့် ဒီနေ့ မနက် ၆ နာရီလောက်မှာ အဲဒီ ဆောက်လုပ်နေဆဲ အဆောက်အအုံ ဧရိယာမှာ မြေပြိုကျမှု ဖြစ်ပွားခဲ့တာပါ။ မြေပြိုကျမှုမှာ အသက် ၂၇ နှစ်အရွယ်နဲ့ အသက် ၃၇ နှစ်အရွယ် မြန်မာအလုပ်သမား အမျိုးသား နှစ်ဦး ပျောက်ဆုံးနေတာဖြစ်ပြီး သူတို့ကို ရှာဖွေနေတယ်လို့ သိရပါတယ်။ ကိုးကား၊ ဓာတ်ပုံ- Khaosod News