အလုပ်သမား သတင်း

ထိုင်းမှာ တိုက်ပေါ်က ရေလှောင်ကန်ကို သန့်ရှင်းရေးလုပ်ရင်း မြန်မာလုပ်သား ဓာတ်လိုက် သေဆုံး မတ် ၂၂ ရက်၊ Migrant Times ထိုင်းနိုင်ငံ၊ ဘန်ကောက်မြို့၊ လတ်ချဒါမှာ တိုက်အပေါ်ဆုံးထပ်က ရေလှောင်ကန်ကို သန့်ရှင်းရေးလုပ်ရင်း မြန်မာလုပ်သား တစ်ဦးနဲ့ ထိုင်းအလုပ်သမား တစ်ဦး ဓာတ်လိုက်သေဆုံးသွားတယ်လို့ သိရပါတယ်။ဓာတ်လိုက်သတိလစ်နေတာကို တခြား လုပ်ဖော်ကိုင်ဖက်တွေက တွေ့ပြီး အ​ရေးပေါ်ကယ်ဆယ်ရေးလုပ်ပေးပေမယ့် သေဆုံးသွားတာလို့ ဆိုပါတယ်။သေဆုံးသူ ၂ ဦးဟာ ရေလှောင်ကန်သန့်ရှင်းရေး ပုံမှန်လုပ်နေကျသူတွေဖြစ်ပြီး အရင်က အခုလိုမျိုး မကြုံဖူးကြောင်း အလုပ်သမားတွေက ဆိုပါတယ်။ ရေစုပ်စက်နဲ့ ရေပိုက်ထဲဲမှာ လျှပ်စစ်မီးယိုစိမ့်မှုဖြစ်နိုင်တယ်လို့ အလုပ်သမား​တွေက သုံးသပ်ပေမယ့် တာဝန်ရှိသူတွေရဲ့ စစ်ဆေးချက်ကို စောင့်ကြည့်ရမှာလို့ ဆိုပါတယ်။အခုလိုဖြစ်ရပ်မျိုး နောက်ထပ်မဖြစ်စေဖို့ ရေ၊မီးလျှပ်စစ် လုပ်ငန်းလုပ်ရာမှာ အနည်းဆုံး ၂ ဦးအထက် ထားပေးရင်

မြန်မာဂဟေဆက်ကျွမ်းကျင်လုပ်သား ၃၆ ဦးကိုရီးယားကိုထပ်မံရောက်ရှိ မတ် ၂၂ ရက်၊ Migrant Times တောင်ကိုရီးယားနိုင်ငံရှိသင်္ဘောတည်ဆောက်ရေးလုပ်ငန်းတွေမှာဝင်ရောက်လုပ်ကိုင်မယ့် မြန်မာဂဟေဆက်ကျွမ်းကျင်လုပ်သား ၃၆ဦး ဟာမနေ့ကထပ်မံရောက်ရှိခဲ့တယ်လို့ သံရုံးရဲ့ထုတ်ပြန်ချက်အရသိရပါတယ်။ကျွမ်းကျင်လုပ်သားE-7-3 ဗီဇာနဲ့ ရောက်ရှိလာတဲ့အဲဒီအလုပ်သမား ၃၆ဦးဟာ Hyundai MIPO Dockyard သင်္ဘောကျင်းမှာဝင်ရောက်လုပ်ကိုင်ကြမှာလို့သိရပါတယ်။အဲဒီအလုပ်သမားတွေဟာ ဒီနှစ်ထဲတတိယအသုတ်အနေနဲ့ရောက်ရှိလာတာဖြစ်ပြီးမတ်လ၁၇ရက်က ၃၃ဦးနဲ့ မတ်လ၁၂ရက်က ၁၇ဦးရောက်ရှိခဲ့ကြတာဖြစ်တယ်လို့ဆိုပါတယ်။ ဒါကြောင့် ၁၀ရက်အတွင်း ဂဟေဆက်ကျွမ်းကျင်လုပ်သား ၈၆ဦးကို တောင်ကိုရီးယားနိူင်ငံဆီစေလွှတ်နိူင်ခဲ့တာဖြစ်ပါတယ်။တောင်ကိုရီးယားနိူင်ငံက ဒီနှစ်မှာ သင်္ဘောကျင်းလုပ်ငန်းအတွက် မြန်မာလုပ်သား ၅၀၀ ကိုခေါ်ယူဖို့သတ်မှတ်ထားပြီး ပုဂ္ဂလိကအေဂျင်စီ ၆ခုနဲ့သဘောတူညီမူရရှိထားတာဖြစ်ပါတယ်။” ဆက်တိုက်ထပ်လွှတ်ဖို့ရှိတယ်၊တချို့တွေကသင်တန်းမပြီးသေးဘူး” လို့ မြန်မာပြည်ပအလုပ်အကိုင်ဝန်ဆောင်မူလုပ်ငန်းရှင်များအဖွဲ့ချုပ်မှတာဝန်ရှိသူတစ်ဦးကပြောပါတယ်။ သင်္ဘောကျင်းအတွက်ကျွမ်းကျင်လုပ်သားကို မနှစ်ကမြန်မာနိူင်ငံကနေ ဦးရေ ၁၀၀ ကျော်ခေါ်ယူဖို့ကိုရီးယားနိူင်ငံက ကမ်းလှမ်းခဲ့ပြီး ဒီနှစ်မှာ ဦးရေ ၅၀၀ အထိတိုးမြှင့်သွားတာဖြစ်ပါတယ်။အဲဒီလုပ်ငန်းအတွက်ကို ပုဂ္ဂလိကအေဂျင်စီတွေနဲ့ချိတ်ဆက်ခေါ်ယူတာဖြစ်ပြီး EPSစနစ်နဲ့အလုပ်သမားတွေကိုတော့ အစိုးရပြည်ပအလုပ်အကိုင်အေဂျင်စီ(POEA)ကသာစေလွှတ်တာဖြစ်ပါတယ်။လက်ရှိအဲဒီနိူင်ငံမှာ မြန်မာလုပ်သားဦးရေ ၅၀၀၀၀ နီးပါးရောက်ရှိလုပ်ကိုင်နေကြတယ်လို့လည်း

စက်ရုံလုပ်သားအများစု သင်္ကြန်ပိတ်ရက်မှာ နေရပ်ပြန်ဖို့ဝေခွဲမရသေးလို့ဆို မတ် ၂၁ ရက်၊ Migrant Time ရန်ကုန်က စက်ရုံလုပ်သားအများစုဟာ သင်္ကြန်ပိတ်ရက်မှာနေရပ်ပြန်ဖို့ဝေခွဲမရသေးဘူးလို့ပြောပါတယ်။အလုပ်သမားတွေအနေနဲ့ ပိတ်ရက်အတိအကျကိုစက်ရုံဘက်ကမထုတ်ပြန်သေးတာ၊ ယာဥ်စီးခမြင့်တက်တာ၊ နယ်မြေမတည်ငြိမ်တာမျိုးတွေရှိနေတာကြောင့် ခရီးသွားဖို့အတွက် အကြပ်ရိုက်နေတယ်လို့ဆိုပါတယ်။” တစ်နှစ်တစ်ခါတော့ကိုယ့်ဒေသကိုယ်ပြန်ချင်တာပေါ့၊အခြေအနေတွေကဘာမှန်းမသိတော့ မဆုံးဖြတ်ရသေးဘူး။နယ်တူအသိတွေလည်း အဲဒီအတိုင်းပဲ” လို့ စစ်ကိုင်းတိုင်းကနေလာရောက်လုပ်ကိုင်နေသူတစ်ဦးကပြောပါတယ်။ ဒါ့အပြင် မှတ်ပုံတင်ရှိသူတွေကိုသာ အဝေးပြေးလိုင်းတွေက လက်မှတ်ရောင်းပေးပြီး လမ်းမှာလည်း စစ်ဆေးတာများတဲ့အတွက် မှတ်ပုံတင်မရှိတဲ့အလုပ်သမားတွေ အခက်တွေ့နေတယ်လို့လည်း ဆိုပါတယ်။မှတ်ပုံတင်မူရင်းပြနိုင်တဲ့သူကိုပဲ လက်မှတ်ရောင်းပေးဖို့ကို ပြီးခဲ့တဲ့သင်္ကြန်ရုံးပိတ်ရက်ကတည်းက ကျင့်သုံးခဲ့တာကြောင့် အဲဒီတုန်းကလည်း နေရပ်မပြန်လိုက်ရသူတွေရှိခဲ့တယ်လို့ အလုပ်သမားတွေက ပြောပါတယ်။” မှတ်ပုံတင်မရှိလို့ မနှစ်ကလည်းမပြန်ဖြစ်ဘူး။ဒီနှစ်လည်းပြန်ဖြစ်မယ်မထင်ဘူး” လို့ ရွှေပြည်သာစက်မှုဇုန်မှစက်ရုံလုပ်သားတစ်ဦးက ပြောပါတယ်။ လက်ရှိမှာသင်္ကြန်ရုံးပိတ်ရက်အတွက် အဝေးပြေးကားလက်မှတ်တွေကို ကြိုတင်ရောင်းပေးနေပေမယ့် ဝယ်ယူသူနည်းနေသေးတယ်လို့လည်း အဝေးပြေးယာဥ်လိုင်းတွေထံကစုံစမ်းသိရပါတယ်။အဝေးပြေးလိုင်းတွေအနေနဲ့ ကိုဗစ်ကပ်ရောဂါစတင်ချိန်ကစပြီး သင်္ကြန်ပိတ်ရက်ခရီးသွားကျဆင်းမှုနဲ့ကြုံခဲ့ကြရတာဖြစ်ပြီး ဒီနှစ်လည်းအများကြီးမျှော်လင့်မထားဘူးလို့ဆိုပါတယ်။

ထိုင်းမှာ တရားမဝင်မြန်မာလုပ်သား တင်ဆောင်လာတဲ့ကား ဖမ်းဆီးခံရ မတ် ၂၁ ရက်၊ Migrant Times ထိုင်းနိုင်ငံ၊ ကန်ကျနဘူရီခရိုင်၊ မင်မြို့၊ ဝမ်ဒို့ကျေးရွာ စမ်ဖရန်မှာ မြန်မာလုပ်သားတွေ လိုက်ပါလာတဲ့ပစ်ကပ်ကားတစ်စီး မနေ့က ဖမ်းဆီးခံခဲ့ရပါတယ်။အဲဒီကားဟာ စစ်ဆေးရေးဂိတ်ကနေ မောင်းပြေးပေမယ့်ဝမ်ဖာရဖီမြို့အနီးမှာ ဖမ်းဆီးခံခဲ့ရတာပါ။ကားပေါ်မှာ မြန်မာလုပ်သား ၁၂ ဦး၊ ကျား ၄ ဦး၊ မ ၇ ဦး၊ ကလေးငယ်တစ်ဦးကို လိုက်ပါလာတယ်လို့ သိရပါတယ်။စံခလဘူရီးမြို့၊ ပရန်ဖဲကျေးရွာကနေ ကန်ကျနဘူရီမြို့ကို သွားရောက်ပို့ဆောင်မှာဖြစ်ပြီး ပို့ဆောင်ခ ဘတ် ၇၀၀၀ ကနေ ၈၀၀၀ထိရရှိပြီး ၄ ကြိမ်ခန့် ပို့ဆောင်ဖူးတယ်လို့ ကားသမားက ထွက်ဆိုခဲ့ပါတယ်။ဖမ်းဆီးမိသူအားလုံးကို ဥပဒေအတိုင်း ဆက်လက်ဆောင်ရွက်ဖို့ ကန်ကျနဘူရီ ရဲစခန်းကို ပို့ဆောင်မှာဖြစ်တယ်လို့ ကျိုချိုသတင်းဌာနမှာ ဖော်ပြထားပါတယ်။

ရွှေ့ပြောင်းလုပ်သားတွေ ထပ်ခေါ်ဖို့ ထိုင်းအစိုးရ စီစဥ် မတ် ၂၀ ရက်၊ Migrant Times လာအို ၊ မြန်မာ၊ ကမ္ဘောဒီးယားနဲ့ ဗီယက်နမ် ရွေ့ပြောင်းအလုပ်သမားသစ်တွေ ထပ်မံခေါ်ယူဖို့ ထိုင်းအစိုးရက စီစဥ်နေပါတယ်။အိမ်နီးချင်း လေးနိုင်ငံကနေ အလုပ်သမားသစ်ခေါ်ယူဖို့ စာရင်း ထပ်မံလက်ခံမယ်လို့ ထိုင်းအလုပ်သမားရေးရာဝန်ကြီးဌာနရဲ့ ဒီကနေ့ ကျင်းပတဲ့ အစည်းအ‌​ဝေးမှာ အတည်ပြုခဲ့တာပါ။ထိုင်းနိုင်ငံရဲ့ အောက်ခြေသိမ်းအလုပ်သမား လိုအပ်ချက်အရ ​ပြည်ပကနေ အလုပ်သမားထပ်မံ​ခေါ်ယူဖို့ အလုပ်အကိုင်ဦးစီးဌာန ညွှန်ကြားရေးမှူးချုပ်က အစည်းအဝေးမှာ ဆွေးနွေးခဲ့တာလို့ သိရပါတယ်။

ထိုင်းရောက်ရွှေ့ပြောင်း​မြန်မာလုပ်သားတစ်ဦး တခြားသူ ကျွေးတဲ့မုန့်စားပြီး ပစ္စည်းတွေ အခိုးခံရ မတ်၂၀ ရက်၊ Migrant Times ထိုင်းနိုင်ငံ၊ ဆာမွန်ပါရာကန်ပြည်နယ်၊ ဘန်ကောက်အနီး ဘန်နာမှာ ရွှေ့ပြောင်းမြန်မာလုပ်သားတစ်ဦးလိုင်းကားစောင့်နေတုန်း အမည်မသိ လူတစ်ဦးဆီကနွားနို့နဲ့ မုန့် စားသုံးမိပြီး သတိချို့ယွင်းခဲ့တယ်လို့ သိရပါတယ်။သူ့ကိုယ်မှာ ပါလာတဲ့ တန်ဖိုးရှိပစ္စည်း၊ ငွေ၊ ပတ်စပိုစ့်တွေပျောက်ဆုံးသွားတယ်လို့လည်း သိရပါတယ်။အခန်းပြန်ရောက်တဲ့အခါ သတိမရှိ​တော့လို့ ဆေးရုံပို့ခဲ့ရတယ်လို့ သူရဲ့ ဆွေမျိုးဖြစ်သူက ဆိုပါတယ်။

ဟတ်ရိုင်မှာတွေ့တဲ့ အလောင်း သုံးလောင်းနဲ့ ပတ်သက်ပြီး သံသယရှိသူတွေ ဖမ်းမိ မတ် ၂၀ ရက်၊ Migrant Times ထိုင်းနိုင်ငံတောင်ပိုင်း စုန်ခလာခရိုင်၊ ဟတ်ရိုင်မြို့မှာ မြန်မာနိုင်ငံသားတွေလို့ ယူဆရတဲ့ အလောင်း သုံးလောင်း တွေ့ရှိခဲ့ပြီး ကျူးလွန်သူလို့ ယူဆရသူ ထိုင်းနိုင်ငံသား ၅ ဉီးကို ဒီကနေ့ ဖမ်းဆီးမိခဲ့တယ်လို့ သိရပါတယ်။ပြီးခဲ့တဲ့ မတ်လ ၁၅ ရက်က လည်ပင်းကို ဓားနဲလှီးဖြတ်ပြီး အသတ်ခံထားရတဲ့ အလောင်းသုံးလောင်းကို ဒေသခံတစ်ဉီးက အမှိုက်ကောက်ရင်း တွေ့ရှိခဲ့တာပါ။သုံးဉီးအနက် တစ်ဉီးဟာ အသက် ၁၄ နှစ်သာရှိသေးတယ်လို့ ထိုင်းမှုခင်းဌာနက သတင်းထုတ်ပြန်ထားပါတယ်။ အလောင်းတွေကို တွေ့ရှိချိန်မှာ သေဆုံးပြီး သုံးရက်ကြာမြင့်နေပြီဖြစ်တာကြောင့် အသေးစိတ်စစ်ဆေးဖို့ မလွယ်ကူပေမယ့် သေဆုံးသူတွေရဲ့လက်မှာ ပတ်ထားတဲ့ လူကုန်ကူးပွဲစားတွေရဲ့ အမှတ်သကေင်္ တကိုအခြေခံပြီး ကျူးလွန်သူတွေကို

အခုရက်ပိုင်း ထိုင်းမှာ ဖမ်းဆီးခံနေရတဲ့ မြန်မာလုပ်သားတွေ နေရပ်ပြန်ပို့ခံရနိုင်ဖွယ်ရှိ မတ် ၂၀ ရက်၊ Migrant Times ထိုင်းနိုင်ငံအတွင်းကို တရားမဝင် ဝင်ရောက်လာတဲ့ မြန်မာနိုင်ငံသားတွေ ဆက်တိုက်ဖမ်းဆီးခံနေရပြီး မြန်မာနိုင်ငံပြန်ပို့ခံရနိုင်ဖွယ်ရှိတယ်လို့ အလုပ်သမားရေးလှုပ်ရှားသူတွေက ယူဆနေပါတယ်။“ အခုက တစ်ခါဖမ်းမိရင် ဆယ်ဂဏန်းလောက်ရှိနေတော့ သူတို့လည်း ထိန်းသိမ်းရတာ အခက်အခဲရှိတာမျိုး ရှိတယ်ထင်တယ်။ ကျွန်တော်တို့ ကြားထားတာတော့ ရာဂဏန်းလောက်ရှိလာရင် ရနောင်းကနေ ပြန်ပို့မယ်ပေါ့ ” လို့ AAC (မဟာမိတ်) အဖွဲ့ရဲ့ သတင်းနဲ့ ပြန်ကြားရေးတာဝန်ခံ ကိုနေလင်းသူက ဆိုပါတယ်။ အခုနှစ်ဆန်းပိုင်းကစလို့ ထိုင်းနိုင်ငံကို တရားမဝင် ဝင်ရောက်လာတဲ့ မြန်မာနိုင်ငံသားတွေဟာ ရာနဲ့ချီရှိနေနိုင်ပြီး ဒါဟာ နိုင်ငံကူးလက်မှတ်တွေ အလွယ်တကူလုပ်လို့မရနိုင်တာနဲ့ နိုင်ငံရေးအခြေအနေတွေကြောင့် ဖြစ်တယ်လို့ အလုပ်သမားရေးလှုပ်ရှားသူတွေက သုံးသပ်နေကြပါတယ်။ထိုင်းနိုင်ငံ ပရကျွပ်ခီရီခန်ခရိုင်နဲ့ ကချနဘူရီခရိုင်အတွင်း မတ်လ

ထိုင်းရာဘာခြံထဲမှာ အစာရေစာပြတ်နေတဲ့ မြန်မာတွေကို ထိုင်းအာဏာပိုင်တွေ ကယ်ဆယ် မတ် ၂၀ ရက်၊ Migrant Times ထိုင်းနိုင်ငံ နခွန်ရာ့ချ်စီမာခရိုင်မှာရှိတဲ့ ရာဘာခြံတစ်ခုမှာ လူတစ်စု ပုန်းခိုနေတယ်ဆိုတဲ့ တိုင်ကြားချက်ကြောင့် ထိုင်းအာဏာပိုင်တွေက သွားရောက်ရှာဖွေခဲ့ရာကနေ အစာရေစာပြတ်နေတဲ့ မြန်မာနိုင်ငံသား ၃၉ ဉီးကို ကယ်ဆယ်နိုင်ခဲ့တယ်လို့ ထိုင်းသတင်းဌာနတွေက ဖော်ပြပါတယ်။ထိုင်းအာဏာပိုင်တွေက တိုင်ကြားချက်ကို လက်ခံရရှိပြီး မတ်လ ၁၇ ရက်မှာ သွားရောက်ရှာဖွေခဲ့တာ ဖြစ်ကြောင်းနဲ့ အာဟာရ ပြတ်လပ်မှုကြောင့် လမ်းလျှောက်ဖို့တောင် အခက်အခဲရှိနေသူတွေ ရှိနေတယ်လို့ သိရပါတယ်။ “ ကျွန်တော်တို့ သိသလောက်တော့ ကယ်တင်တယ်ဆိုတာထက် သွားဖမ်းတာပေါ့နော်။ အဲဒီမှာ လူတွေက အခြေအနေဆိုးနေတယ်။ ပွဲစားက ဒီဘက်ကို ခေါ်လာပြီးကတည်းက အဲ့ဒီရာဘာခြံထဲမှာ ပစ်ထားခဲ့တာလို့ ပြောတယ်။ ဘာဆက်လုပ်မယ်တော့ မသိရသေးဘူး ”

တရားမဝင်လူပို့ကားကို ထိုင်းအာဏာပိုင်တွေ ခြေရာခံလိုက်ဖမ်းဆီးရာ ပွဲစားဇော်မင်းအပါအဝင် မြန်မာ ၇ ဦးဖမ်းဆီးမိ မတ် ၁၉ ရက်၊ Migrant Times တရားမဝင်အလုပ်သမားသယ်ယူပို့ဆောင်ကားဖြစ်နိုင်တယ်လို့ သံသယရှိတဲ့ ထိုင်းလူဝင်မှုကြီးကြပ်ရေးအာဏာပိုင်တွေခြေရာခံပြီး လိုက်လံဖမ်းဆီးမှုဗီဒီယိုဖိုင်ကို ထိုင်းရတ်သတင်းဌာနက ဖော်ပြထားပါတယ်။လွန်ခဲ့တဲ့ မတ်လ ၁၇ ရက်နေ့က ထိုင်းနိုင်ငံ၊ စမွတ်ပရာကန်ခရိုင်လူဝင်မှုကြီးကြပ်ရေးဌာနက တာဝန်ရှိသူတွေ တရားမဝင်အလုပ်သမားပို့ဆောင်ရေးကားတစ်စီးကို ခြေရာခံလိုက်လံဖမ်းဆီးရာမှာ ကားပေါ်လိုက်ပါတဲ့ ကားမောင်းသမားပွဲစား ဇော်မင်းအပါအဝင် တရားမဝင်မြန်မာအလုပ်သမား ၇ ဦးကို အဲ့ဒီခရိုင်ရဲ့မြို့ထဲမှာ တားဆီးဖမ်းဆီးခဲ့ပါတယ်။ အာဏာပိုင်တွေရဲ့ ခြေရာခံလိုက်လံဖမ်းဆီးရတဲ့အကြောင်းရင်းမှာ အဲ့ဒီပွဲစားတွေဟာ ဖေ့ဘုတ်လူမှုကွန်ယက်ပေါ်မှာ “ ကားငှားချင်သူများ အနီးအဝေးဝန်ဆောင်မှုပေးပါတယ်၊ ဘန်ကောက်ကိုမြန်မာပြည်ကနေတက်လာချင်သူများလည်း ၁၀၀ ရာခိုင်နှုန်း အဖမ်းဆီးကင်းအာမခံနဲ့ခေါ်တယ်” ဆိုပြီး ကြော်​ငြာထားတာကြောင့် အာဏာပိုင်တွေစုံစမ်းအချက်အလက်ရထားမှုနဲ့တကွ အဲ့ဒီပွဲစားနဲ့ မြန်မာအလုပ်သမားတွေ အဖမ်းခံရခြင်းဖြစ်ပါတယ်။ ဖမ်းဆီးခံရခြင်းရဲ့ လွတ်အောင် အဲတရားမဝင်အလုပ်သမားများကို ခိုအောင်းရန်