စီးပွားရေး

တိုက်ပွဲကြောင့် ထိုင်း – မြန်မာ အမှတ်(၁) တံတား ယာယီပိတ်ခဲ့သော်လည်း အခု ပြန်ဖွင့် မတ်လ ၂၅ ရက်၊ Migrant Times မြဝတီ ကုန်သွယ်ရေးဇုန် တိုက်ပွဲကြောင့် မြဝတီ – မဲဆောက် အမှတ် (၁) တံတားကို မြန်မာဘက်အခြမ်းက ယာယီပိတ်ထားခဲ့ပြီး ယခုအခါပြန်လည်ဖွင့်လှစ်ထားပြီဖြစ်တယ်လို့ သိရပါတယ်။ဒီကနေ့ မတ်လ ၂၅ ရက် နံနက်ပိုင်းက KNU/KNLA ပူးပေါင်းတပ်တွေက ကုန်သွယ်ရေးဇုန်မှာရှိနေတဲ့ စစ်တပ်ကို ဝင်ရောက်တိုက်ခိုက်ခဲ့တာဖြစ်ပြီး တိုက်ပွဲပြင်းထန်တယ်လို့ ဒေသခံတွေက သူတို့ရဲ့ လူမှုကွန်ရက် စာမျက်နှာတွေမှာ ဖော်ပြထားကြပါတယ်။ “ တိုက်ပွဲကြောင့် မနက်က တံတားကို ပိတ်လိုက်သေးတယ်။ ပိတ်တယ်ဆိုတာက ပြည်သူတွေကို မကပ်ခိုင်းတာပေါ့ ဂိတ်တွေချပြီး ပိတ်တာမျိုးတော့ မဟုတ်ဘူး။ အခုတော့ (မွန်းလွဲ

ထိုင်းနိုင်ငံက နိုင်ငံခြားသားရွှေ့ပြောင်းလုပ်သားတွေထဲမှာ မြန်မာ အများဆုံးဖြစ် မတ် ၂၃ ရက်၊ Migrant Times ထိုင်းနိုင်ငံဟာ စီးပွားရေးဖွံ့ဖြိုးတိုးတက်တာကြောင့်ဈေးကွက်မှာ လုပ်သားတွေ ပိုလိုအပ်လာပါတယ်။ထိုင်းအလုပ်သမားတွေအပြင် တခြားနိုင်ငံတွေက အလုပ်သမားတွေပါ လိုအပ်နေတာပါ။လာအို၊ ကမ္ဘောဒီးယား၊ ဗီယက်နမ်၊ မြန်မာနိုင်ငံသားတွေဟာ ထိုင်းမှာ ရွှေ့ပြောင်းလုပ်သားတွေအဖြစ် လာအလုပ်လုပ်နေကြပါတယ်။ ထိုင်းနိုင်ငံမှာ မှတ်ပုံတင်ထားတဲ့ တရားဝင် နိုင်ငံခြားသား ရွှေ့ပြောင်းအလုပ်သမား ၂,၆၄၂,၀၆၉ ဦး ရှိပါတယ်။အဲဒီအလုပ်သမားတွေထဲမှာ မြန်မာနိုင်ငံသားက အမ်ားဆုံးပါဝင်ပါတယ်။မြန်မာလုပ်သား ၁၉၁,၆၈၇၉ ဦး၊ ကမ္ဘောဒီးယားလုပ်သား ၄၉၈,၅၁၂ ဦး၊ လာအိုလုပ်သား ၂၂၅,၄၁၄ ဦးနဲ့ ဗီယက်နမ် လုပ်သား ၁,၂၆၄ ဦး ထိုင်းနိုင်ငံမှာ အလုပ်လုပ်ကိုင်နေပါတယ်။

ပိတ်သိမ်းလိုက်တဲ့စက်ရုံ​တွေက အလုပ်သမားတွေ အလု​ပ်သစ်ရဖို့ ခက်ခဲနေ မတ် ၇ ရက်၊ Migrant Times မကြာခင်က စက်ရုံပိတ်သိမ်းလိုက်လို့ အလုပ်လက်မဲ့ဖြစ်နေတဲ့ အလုပ်သမားတွေအနေနဲ့ နောက်အလုပ်တစ်ခုရဖို့ ခက်ခက်ခဲခဲရှာနေကြရတယ်လို့ အဲဒီအလုပ်သမားတွေဆီက သိရပါတယ်။ဖေဖော်ဝါရီလကုန်ပိုင်းက ရွှေပြည်သာမြို့နယ်က GTIG အထည်ချုပ်စက်ရုံနဲ့ GY Sen အထည်ချုပ်စက်ရုံတို့ ပိတ်သိမ်းလိုက်တာကြောင့် အလုပ်သမား ၂၀၀၀ ကျော်ဟာအလုပ်လက်မဲ့ဖြစ်ခဲ့ရတာဖြစ်ပါတယ်။”တစ်ပတ်ရှိပြီး အလုပ်လိုက်ရှာတာ မရသေးဘူး။ ကိုယ့်ရှေ့မှာတင် လူကမနည်းဘူး ” လို့ GTIGမှ အလုပ်သမားတစ်ဦးက ပြောပါတယ်။ အခုလို အလုပ်သမား အစုအပြုံလိုက် အလုပ်လက်မဲ့ဖြစ်သွားတာကြောင့် လူခေါ်တဲ့စက်ရုံတွေမှာ သွားပြီးစုပြုံလျှောက်နေကြရတာလို့ ဆိုပါတယ်။”ခေါ်တဲ့ရုံက လူနည်းနည်းခေါ်တာ၊လျှောက်မယ့်သူကအဆမတန်များနေတာ။ သင်္ကြန်ပိတ်ရက်လည်း ကပ်လာတော့ အလုပ်သမားခေါ်တာတွေလည်း နည်းလာတယ်” လို့ အလုပ်သမားသမဂ္ဂခေါင်းဆောင်တစ်ဦးက ပြောပါတယ်။ ဒီနှစ်အတွင်း စက်ရုံနှစ်ရုံပိတ်သွားသလို နောက်ထပ်စက်ရုံတချို့ပိတ်သိမ်းဖို့ ရှိတယ်ဆိုတဲ့သတင်းကြောင့်

ပတ်စပို့၊ CI စာအုပ်နဲ့ ရနောင် – ကော့သောင်းဂိတ်ကနေ ယနေ့ စတင်ဖြတ်သန်းခွင့်ပြု မတ်လ ၇ရက်၊ Migrant Times ရနောင်း – ကော့သောင်း နယ်စပ်ဂိတ်ကနေ ပတ်စပစာအုပ်နဲ့ ထိုင်း – မြန်မာနိုင်ငံကို အလည်ဝင်ရောက်နိုင်ပြီဖြစ်ပါတယ်။ဒါ့အပြင် ပတ်စပို ၊ CI စာအုပ်များနဲ့ မြန်မာနိုင်ငံကို ပြန်လည်ဝင်ရောက်ခြင်းကိုလည်း မြန်မာနိုင်ငံနဲ့ ထိုင်းနိုင်ငံ လူဝင်မှုကြီးကြပ်ရေးဌာနက ဒီကနေ့ (မတ်လ ၇ ရက်)မှာ စတင်ဖြတ်သန်းသွားလာခွင့် ခွင့်ပြုလိုက်တာဖြစ်ပါတယ်။ထိုသို့ခွင့်ပြုလိုက်တာကြောင့် မြန်မာရွှေ့ပြောင်းအလုပ်သမားတွေ အနေနဲ့ သွားလာရလွယ်ကူပြီ မိသားစု၊ သာရေးနားရေးကိစ္စတွေအတွက် သွားလာနိုင်ပြီလို့ မြန်မာပြည်ကို ပြန်လည်ဝင်ရောက်လာတဲ့ အလုပ်သမားတစ်ဦးက Migrant Times ကို ပြောပြပါတယ်။ “အခုလို ဗီဇာစာအုပ် သွားလာခွင့်ပြုလိုက်တဲ့အခါကျတော့ ကျမတို့ ကုန်ကျစရိတ်တော်တော်ကြီးကိုသက်သာသွားတယ်။အရင်ကဆို ဘန်ကောက်ကနေပဲသွားလို့ရတာလေ။

ထိုင်း-မြန်မာ နယ်စပ်မျဉ်းပေါ်က ဈေးဆိုင်တွေကို ထိုင်းအာဏာပိုင်တွေ ဖမ်းဆီး မတ် ၁ ရက်၊ Migrant Times မြဝတီ- မဲဆောက်ကြား နှစ်နိုင်ငံ နယ်စပ်မျဥ်းပေါ်မှာရှိတဲ့ ရေလည်ကျွန်းက ဈေးဆိုင်တွေမှာ ဆေးလိပ်နဲ့ အရက်တွေ တရားမဝင်ရောင်းချနေတယ်ဆိုတဲ့ တိုင်ကြားချက်ကြောင့် ထိုင်းအာဏာပိုင်တွေက ဖေဖော်ဝါရီလ ၂၈ ရက်မှာ ဝင်ရောက်ရှာဖွေဖမ်းဆီးခဲ့ပါတယ်။ဒီဒေသမှာ မြန်မာနိုင်ငံသားအများစုနေထိုင်ကြတာဖြစ်ပြီး အဲ့ဒီကနေတစ်ဆင့် မဲဆောက်ကို ဆေးလိပ်နဲ့ အရက်တွေမှောင်ခိုတင်ပို့နေတယ်ဆိုပြီး ထိုင်းနိုင်ငံသားတွေက တိုင်ကြားခဲ့တာ ဖြစ်တယ်လို့ သိရပါတယ်။ ဒီဖမ်းဆီးမှုမှာ တရားမဝင်ရောင်းချနေတဲ့ ပစ္စည်းတွေကို ဖမ်းဆီးသိမ်းဆည်းခဲ့တာဖြစ်ပြီး ရောင်းချသူတွေကိုတော့ နယ်စပ်မျဉ်းပေါ်မှာဖြစ်တာကြောင့် မဖမ်းဆီးခဲ့ပါဘူး။ထိုင်းအာဏာပိုင်တွေက ဝင်ရောက်ရှာဖွေခဲ့ရာမှာ ဆေးလိပ်နဲ့ အရက်အမျိုးအစား (၁၅)မျိုးကို သိမ်းဆည်းရမိခဲ့ပြီး အရက်အမျိုးအစားအစုံ(၁၀)ပုလင်း၊ ဆေးလိပ်အမျိုးအစားအစုံ(၄၈၀) တောင့်တို့ကို သိမ်းဆည်းရမိခဲ့တယ်လို့ မဲဆောက်ရဲတပ်ဖွဲ့က သတင်းထုတ်ပြန်ထားပါတယ်။

ထိုင်းက ရွှေ့ပြောင်းလုပ်သားတွေ အလုပ်လုပ်ခွင့်သက် တမ်းတိုးရက် တိုးမြှင့် ဖေဖော်ဝါရီ ၁၀ ရက်၊ Migrant Times ထိုင်းက ရွှေ့ပြောင်းလုပ်သားတွေရဲ့ အလုပ်လုပ်ခွင့်သက်တမ်းတိုးဖို့အတွက် မှတ်ပုံတင်ရက်ကို တိုးမြှင့်ပေးဖို့ အလုပ်သမားဝန်ကြီးဌာနရဲ့အဆိုပြုချက်ကို ထိုင်းအစိုးရအဖွဲ့က သဘောတူလိုက်ပါတယ်။မြန်မာ၊ လာအို၊ ကမ္ဘောဒီးယားနဲ့ ဗီယက်နမ်အပါအဝင် ပြည်ပရွှေ့ပြောင်းအလုပ်သမားတွေ ထိုင်းနိုင်ငံအတွင်း ဆက်လက်အလုပ်လုပ်နိုင်ဖို့ မှတ်ပုံတင်နောက်ဆုံးရက်ကို အရင်က ဖေဖော်ဝါရီ ၁၃ ရက် နေ့ သတ်မှတ်ခဲ့ပေမယ့် အခု မေလလယ် ၁၅ ရက်အထိ ရက်ပေါင်း ၉၀ ထပ်မံတိုးမြှင့်ခွင့်ပြုလိုက်တာလို့ ပြီးခဲ့တဲ့ဗုဒ္ဓဟူးနေ့မှာ အစိုးရအဖွဲ့ ပြောရေးဆိုခွင့်ရှိသူ ဒုတိယအကြီးအကဲ Traisuree Traisaranakul က ပြောပါတယ်။ လိုအပ်တဲ့စာရွက်စာတမ်းတွေ ပြင်ဆင်ဖို့ အဲဒီလို တိုးမြှင့်ခွင့်ပြုထားတဲ့ကာလအတွင်း ရွှေ့ပြောင်းအလုပ်သမားတွေအတွက် ဘယ်လိုဗီဇာအမျိုးအစားမဆို ရက်ကျော်လွန်နေထိုင်မှု ပြစ်ဒဏ်တွေကို ထိုင်းအစိုးရက