မန္တလေးတွင် ငလျင်ကယ်ဆယ်ရေး ထိုင်းနိုင်ငံက ရွေ့လျားဆေးခန်းဖွင့်
ထိုင်းအရေးပေါ်လှုပ်ရှားမှုအဖွဲ့သည် မန္တလေးမြို့၌ လူမှုကယ်ဆယ်ရေးနှင့် ပြန်လည် ထူထောင်ရေးလှုပ်ရှားမှုများကို အဖွဲ့ (၂)ဖွဲ့ ခွဲကာ ဆောင်ရွက်ခဲ့ကြောင်း မြန်မာနိုင်ငံ ဆိုင်ရာ ထိုင်းသံရုံးကထုတ်ပြန်သည်။
ဌင်းအဖွဲ့သည် ဦးပွားစေတီတွင် ရွေ့လျားဆေးခန်းတည်ဆောက်ကာ နံနက် ၉ နာရီမှ ညနေ ၄ နာရီအထိ လူနာ ၂၂၀ ဦးအား အခြေခံဆေးဝါး ကုသမှုများပေးနိုင်ခဲ့ကြောင်း သိရသည်။
လူနာအများစုတွင် ကြွက်သားနှင့်ပတ်သက်သောပြဿနာများ၊ အသက်ရှုလမ်းကြောင်းစနစ်နှင့်ဆိုင်သောပြဿနာများနှင့် အရေပြားနှင့်ဆိုင်သောပြဿနာများကို တွေ့ရှိရကြောင်းထိုင်းအရေးပေါ်လှုပ်ရှားမှုအဖွဲ့ ကပြောသည်။
အရေးပေါ်လှုပ်ရှားမှုအဖွဲ့ ဆရာဝန်များမှ အခြေခံစမ်းသပ် ကုသမှုများပေးခဲ့ပြီး လူနာတစ်ချို့အား ဆေးရုံတွင် ဆက်လက်ကုသရန် ပို့ဆောင်ပေးခဲ့ကြောင်းသိရသည်။
ထိုင်းအင်ဂျင်နီယာတပ်ဖွဲ့မှ အဖွဲ့ ၁ သည် မင်္ဂလာဈေးဟောင်းတွင် ပြည်သူများယာယီတည်းခိုနိုင်သည့် တည်းခိုဆောင်များတည်ဆောက်ပေးခဲ့ကြောင်း၊ အဖွဲ့ ၂ သည် မဟာချက်ကရီသီရိဒုံ၏ တော်ဝင်စီမံကိန်းအောက်ရှိ အခြေခံပညာကျောင်းနှစ်ကျောင်းဖြစ်သော (၁) ပုသိမ်ကြီးမြို့နယ်၊ ကျောက်မီးရွာ၊ အခြေခံပညာအထက်တန်းကျောင်း နှင့် (၂) ချမ်းငြိမ်းသာဇံမြိုနယ်၊ အမှတ် ၂၂ အခြေခံပညာအထက်တန်းကျောင်းတို့အား ပြန်လည်ပြုပြင်မွမ်းမံနိုင်ရန်ကွင်းဆင်း၍ အကဲဖြတ်လေ့လာခဲ့ကြောင်း သိရသည်။
မန္တလေးနိုင်ငံခြားဘာသာတက္ကသိုလ်၊ ထိုင်းဘာသာဌာနမှ ကျောင်းသားကျောင်းသူ ၅ ဦးတို့မှလည်း စေတနာ့ဝန်ထမ်း စကားပြန်များအဖြစ် ထိုင်းအရေးပေါ်လှုပ်ရှားမှုအဖွဲ့အတွက် ပါဝင်ပံ့ပိုးအားဖြည့်ပေးခဲ့ကြောင်း ထိုင်းသံရုံးကထုတ်ပြန်သည်။
- Migrant Times
