အလုပ်သမား သတင်း

အလုပ်သမားအခွင့်အရေးတောင်းဆိုသူတွေကို ဖမ်းဆီး ဇွန် ၂၉ ရက် အရုဏ်ဦး၊ Migrant Times အလုပ်သမားအခွင့်အရေးတောင်းဆိုခဲ့ကြတဲ့ အထည်ချုပ်စက်ရုံနှစ်ရုံက အလုပ်သမား ၇ဦးနဲ့ ကူညီသူ ၃ဦးတို့ကို ဆူပူဆန္ဒပြအောင်သွေးထိုးလှုံ့ဆော်လို့ဖမ်းဆီးထားတယ်လို့ စကစ ဘက်ကထုတ်ပြန်ပါတယ်။ဟိုစိမ့်(မြန်မာ)အထည်ချုပ်စက်ရုံက အလုပ်သမား ၅ဦးနဲ့ Sun Apperal Myanmar အထည်ချုပ်စက်ရုံက အလုပ်သမား ၂ဦးတို့ကို ဇွန်လ ၁၄ရက်နဲ့ ၁၇ ရက်တို့မှာဖမ်းဆီးလိုက်တာလို့ဆိုပါတယ်။ဒါ့အပြင် တရားဝင်အဖွဲ့အစည်းမဟုတ်တဲ့ Action Labor Rightsအလုပ်သမားအဖွဲ့ မှ နှစ်ဦးကိုလည်းဆူပူဆန္ဒပြမှုဖြစ်အောင် သွေးထိုးလှုံ ့ဆော်တယ်ဆိုပြီးဖမ်းဆီးခံထားရပါတယ်။ အဲဒီသူတွေကို ထိရောက်စွာအရေးယူဖို့ဆောင်ရွက်နေပြီး Action Labor Rightsမှ တိမ်းရှောင်နေသူနှစ်ဦးနဲ့နောက်ကွယ်ကသွေးထိုးလှုံ ့ဆော်ဝါဒဖြန့်နေသူတွေကိုဆက်လက်ဖော်ထုတ်အရေးယူသွားမယ်လို့လည်း ထုတ်ပြန်ချက်မှာဖော်ပြထားပါတယ်။အခုလိုဖမ်းဆီးခံထားရတဲ့သူတွေဟာ လုပ်ခလစာတိုးမြှင့်ပေးဖို့နဲ့ လုပ်ငန်းခွင်အတွင်းရပိုင်ခွင့်တွေကိုသာတောင်းဆိုသူတွေဖြစ်လို့ နိုင်ငံရေးပြစ်မှုတွေနဲ့ဖမ်းဆီးတဲ့အပေါ်ဝေဖန်မှုတွေရှိနေပါတယ်။”အလုပ်သမားတွေရဲ့ကိုယ့်အခွင့်အရေးလွတ်လပ်စွာတောင်းဆိုခွင့်ကိုပါတားဆီးပိတ်ပင်ခံလိုက်ရတဲ့သဘောဖြစ်နေတယ်။လုပ်ငန်းခွင်ပြသနာကို ဝင်ရောက်မပါဝင်သင့်ဘူး”လို့ အလုပ်သမားအရေးလှုပ်ရှားသူတစ်ဦးကပြောပါတယ်။ အခုလို အလုပ်သမားအခွင့်အရေးတောင်းဆိုသူတွေကို ဖမ်းဆီးတာမလုပ်ဖို့နဲ့ ဖမ်းဆီးထားသူတွေပြန်လွှတ်ပေးဖို့ အီးယူအပါအဝင်နိုင်ငံတကာအလုပ်သမားအဖွဲ့တွေကလည်း

တောင်ကိုရီးယားမှာ မြန်မာသင်္ဘောသား နှစ်ဦး ပင်လယ်ထဲပြုတ်ကျလို့ ကယ်ဆယ်ခဲ့ရ အရုဏ်ဦး ဇွန်လ ၂၆ရက်၊Migrant Times တောင်ကိုရီးယားနိုင်ငံမှာ မြန်မာသင်္ဘောသား နှစ်ဦး သင်္ဘောပေါ်က ပင်လယ်ထဲပြုတ်ကျလို့ ကမ်းခြေစောင့်အဖွဲ့က ကယ်ဆယ်ခဲ့ရတယ်လို့ အဲဒီနိုင်ငံသတင်းတွေမှာ ဖော်ပြထားပါတယ်။ဇွန်လ၂၅ ရက် ညနေ ၃ နာရီခွဲလောက်က ကိုရီးယားနိုင်ငံ အရှေ့တောက်ဘက်ရှိ ဂယောင်ဆန်ဘွတ်ဒို ဖိုဟန်ရှီး နမ်ဂု ဟိုမီဂုတ် မြောက်ဘက် ၁၃ ကီလိုမီတာအကွာရှိ ပင်လယ်ပြင်ထဲမှာ တန်ချိန် ၇ ထောင်ရှိ ကားတင်သင်္ဘောပေါ်ကနေ အသက် ၃၀နှစ်နဲ့ ၄၀ နှစ်အရွယ်ရှိ မြန်မာ သင်္ဘောသား နှစ် ဦးပင်လယ်ထဲ ပြုတ်ကျသွားခဲ့တာလို့ သတင်းတွေက ဆိုပါတယ်။ အဲဒီ မြန်မာသင်္ဘောသား နှစ်ဦးကို ဖိုဟန် ပင်လယ်ကမ်းခြေစောင့် ရဲဝန်ထမ်းတွေက ကယ်ဆယ်ပြီး ဆေးရုံပို့ပေးခဲ့တာပါ။

မြန်မာသင်္ဘောသားတစ်ဦးဆေးခြောက်ပါဝင်တဲ့E-စီးကရက်သယ်လာလို့ဆိုပြီး တောင်ကိုရီးယားလေဆိပ်မှာဖမ်းဆီးခံရ ဇွန် ၂၅ ရက် အရုဏ်ဦး၊ Migrant Times မြန်မာသင်္ဘောသားတစ်ဦးဟာ ဆေးခြောက်အဆီပါဝင်တဲ့ E-စီးကရက်ယူလာလို့ဆိုပြီး တောင်ကိုရီးယားလေဆိပ်မှာ ဖမ်းဆီးခံထားရတယ်လို့ ရေကြောင်းပို့ဆောင်ရေးညွန်ကြားမူဦးစီးဌာနထံကသိရပါတယ်။အဲဒီမြန်မာသင်္ဘောသားမှာ ဘယ်ရက်ကဖမ်းဆီးခံရတယ်ဆိုတာတော့မသိရဘဲ လက်ရှိမှာ တောင်ကိုရီးယား နိူင်ငံမှာမူးယစ်ဆေးဝါးအမူနဲ့ အမူဖွင့်ခံထားရတယ်လို့ ရေကြောင်းပို့ဆောင်ရေးညွန်ကြားမူဦးစီးဌာန၊ သင်္ဘောသားဌာနခွဲ က မြန်မာနိူင်ငံပင်လယ်ကူးသင်္ဘောသားဝန်ဆောင်မူလုပ်ငန်းရှင်များအဖွဲ့ချုပ် (MSESF)ထံအကြောင်းကြားစာမှာဖော်ပြထားပါတယ်။ ဖမ်းဆီးခံရတဲ့မြန်မာသင်္ဘောသားဟာ ထိုင်းနိူင်ငံ ကတဆင့်တောင်ကိုရီးယားကိုသွားရောက်တဲ့ခရီးစဥ်မှာ အကောက်ခွန်ဌာနက ရှာတွေ့ခဲ့တာဖြစ်ပြီး အဲဒီဆေးခြောက်အဆီကို ထိုင်းနိူင်ငံကနေဝယ်ယူခဲ့တာဆိုပြီးထွက်ဆိုထားတယ်လို့ဆိုပါတယ်။အဲဒီဖြစ်ရပ်ကြောင့် ပြည်ပနိူင်ငံတွေဆီသင်္ဘောလိုက်ဖို့သွားကြမယ့်သူတွေအနေနဲ့ အလားတူဖြစ်စဥ်တွေထပ်မံမဖြစ်ပေါ်စေဖို့ MSESFကလိုအပ်သလိုအသိပေးဆောင်ရွက်ဖို့နဲ့ သင်္ဘောလိုင်းကုမ္ပဏီ( SRPS)တွေကို အသိပေးပေးဖို့ဆိုပြီးတော့လည်းဖော်ပြထားပါတယ်။ “အဲဒီသင်္ဘောသားအဖမ်းခံရတာရက်ပိုင်းဘဲရှိသေးတယ်ကြားတယ်။သူကထိုင်းမှာတရားဝင်သုံးလို့ရတော့ အမှတ်တမဲ့ပါသွားရင်းအဖမ်းခံရတာလို့သိရတယ်”လို့ ပင်လယ်ကူးသင်္ဘောသားတစ်ဦးကပြောပါတယ်။ကိုရီးယားနိူင်ငံမှာ မူးယစ်ဆေးဝါးကို အထူးကြပ်မက်ဖမ်းဆီးမူရှိနေပြီး မူးယစ်ဆေးဝါးသယ်ဆောင်၊သုံးစွဲလို့ဆိုပြီး နိူင်ငံခြားသားတွေဖမ်းဆီးခံရတာနေ့စဥ်နီးပါးရှိနေတယ်လို့လည်း အဲဒီနိူင်ငံရှိမြန်မာအသိုင်းအဝိုင်းကဆိုပါတယ်။

ဘင်္ဂလားဒေ့ရှ် နိုင်ငံသား ၁၉ ဦး တင်ဆောင်ပြီး ထိုင်းနိုင်ငံထဲ တရားမဝင် ဝင်လာတဲ့ကား ၅ စီး ကို ဆောင်ခလာပြည်နယ် လ၀ကရဲ ဖမ်းဆီး ဇွန် ၂၄ ရက် ခွန်သောမတ်၊ Migrant Times ထိုင်းနိုင်ငံတောင်ပိုင်း၊ ဆောင်ခလာပြည်နယ်၊ ရတ်တဖွန်မြို့နယ် စစ်ဆေးရေးဂိတ်မှာ ဘင်္ဂလားဒေ့ရှ် နိုင်ငံသား ၁၉ ဦး တင်ဆောင်ပြီး ထိုင်းနိုင်ငံထဲ တရားမဝင် ဝင်ရောက်လာတဲ့ ကား ၅စီးကို ကြားဖြတ်တားဆီး စစ်ဆေးဖမ်းဆီးရမိကြောင်း လူဝင်မှုကြီးကြပ် ရေး TM.6 နဲ့ Immigration 6 Bang Klam ရဲစခန်းမှ ရဲမှူးကြီး Pongphasit Thongduang က သတင်းစာရှင်းလင်း ပြောကြားခဲ့ပါတယ်။Rattaphum မြို့နယ်နဲ့ Bang Klam မြို့နယ်အကြား

ထိုင်းမှာ ဒူးရင်းသီးနဲ့ သီးစုံဖျော်ရည်ရောင်းတဲ့ ရွှေ့ပြောင်းလုပ်သား ၂ ဦး ဖမ်းဆီးခံရ ဇွန် ၂၃ ရက် ခွန်သောမတ်၊ Migrant Times ထိုင်းနိုင်ငံ၊ နွန်ထဘူရီပြည်နယ်၊ ဘန်ဗိုထောင်မြို့နယ်၊ ဘန်ရက်ယိုင်းရပ်ကွက်ရှိ ရွှေ့ပြောင်းအလုပ်သမား မြန်မာ ၁ ဦး နဲ့ လာအို ၁ ဦးဟာ တားမြစ်ထားတဲ့လုပ်ငန်းကို လုပ်ကိုင်လို့ ဖမ်းဆီးခံရကြောင်း ဘန်ဗိုထောင်မြို့နယ် ရဲစခန်းမှ ရဲမှူးကြီး ဖရွူဆတ် စျမ်နွန်ရွန်က ပြောပါတယ်။တားမြစ်ထားသော ဥပဒေကို ချိုးဖောက်တဲ့ ​ေရွှ့ပြောင်းအလုပ်သမားများကို တားဆီးစစ်ဆေးနှိမ်နှင်းဖို့ အထူးစစ်ဆင်ရေးတွေလုပ်ဖို့ အမိန့်ထုတ်ခဲ့ပြီး ရှာဖွေစစ်ဆေးစဥ် သစ်သီးစုံ ဖျော်ရည်ရောင်းသူ အသက် ၃၇ နှစ် အရွယ် မြန်မာနိုင်ငံသား မစ္စတာ ရန်သွန်းနဲ့ ဒူးရင်းသီး ရောင်းသူအသက် ၃၀ အရွယ် လာအိုနိုင်ငံသား