အလုပ်သမား သတင်း

ထိုင်းနိုင်ငံမှာ ပြစ်ဒဏ်ကျခံပြီးတဲ့ မြန်မာနိုင်ငံသား ၁၇၀ ကျော်ကို နေရပ်ပြန်ပို့ ဇွန် ၉ ရက် ထွန်းနိုင်၊ Migrant Times ထိုင်းနိုင်ငံမှာ အကြောင်းအမျိုးမျိုးကြောင့် ပြစ်ဒဏ်ကျခံပြီးတဲ့ မြန်မာရွှေ့ပြောင်းလုပ်သား ၁၇၃ ဦးကို ဒီကနေ့ နေလယ်ပိုင်းမှာ ရနောင်းမြို့ကနေ ကော့သောင်းမြို့ကို ပြန်ပို့ခဲ့ပါတယ်။သူတို့ဟာ ထိုင်းနိုင်ငံတောင်ပိုင်းက အချုပ်တွေမှာ ပြစ်ဒဏ်ကျခံပြီးတာကြောင့် ထိုင်းအာဏာပိုင်တွေက မြန်မာနိုင်ငံဘက်ကို ပြန်ပို့ခဲ့တာဖြစ်ပါတယ်။သူတို့ကို ရနောင်းမြို့ကနေ စက်လှေနဲ့ ကော့သောင်းမြို့ကိုပြန်ပို့ခဲ့တာပါ။ အခု နေရပ်ပြန်ပို့ခံရသူတွေထဲမှာ မြန်မာနိုင်ငံသား အမျိုးသမီး ၄၉ ဦးနဲ့ အမျိုးသား ၁၂၇ ဦး ပါဝင်တယ်လို့ သိရပါတယ်။ ကော့သောင်းမြို့ကို ရောက်လာတဲ့ အဲဒီမြန်မာနိုင်ငံသားတွေကို ဒေသအာဏာပိုင်တွေက ကိုဗစ်-၁၉ စစ်ဆေးပြီး ကိုယ်ရေးအချက်အလက်စစ်ဆေးတာ၊ အသိပညာပေးတာတွေပြုလုပ်ပြီး သတ်မှတ်ထားတဲ့ အသွားအလာစောင့်ကြည့်ရေးစင်တာတွေမှာ ထားရှိမယ်လို့ သိရပါတယ်။အခုလထဲမှာ

ထိုင်းရောက် MoU သက်တမ်းပြည့်အလုပ်သမား​တွေကို ဖြေလျှော့ပေးထားမယ့် အတည်ပြုထားခြင်း မရှိသေး ဇွန် ၈ ရက် စကားဝါ၊ Migrant Times MoU သက်တမ်းပြည့် အလုပ်သမားတွေအတွက် ဖြေ​လျှော့ပေးထားတဲ့ အမိန့်ကြေညာချက်ကို အတည်ပြုနိုင်ဖို့အတွက် ဝန်ကြီးဌာနတွေရဲ့ အတည်ပြုကြေညာချက်လိုအပ်သေးတာကြောင့် အလုပ်သမားတွေအနေနဲ့ သတိလက်လွတ်မနေကြဖို့ အလုပ်သမားရေး လှုပ်ရှားသူတွေက သတိပေးနေကြပါတယ်။ပြီးခဲ့တဲ့ ဇွန်လ ၆ ရက်က ထွက်လာခဲ့တဲ့ MoU သက်တမ်းကုန် အလုပ်သမားတွေနဲ့ ထိုင်းနိုင်ငံအတွင်း အလုပ်လုပ်ကိုင်ရာမှာ လိုအပ်တဲ့ အထောက်အထားတွေကို သက်တမ်းတိုးမမီလိုက်တဲ့သူတွေအတွက် ဇူလိုင်လကုန်အထိ နေထိုင်ခွင့် သက်တမ်းတိုးပေးတယ်ဆိုတဲ့ ထုတ်ပြန်ချက်ကို သက်ဆိုင်ရာ ဝန်ကြီးဌာနတွေက အတည်မပြုရသေးဘူးလို့ သိရပါတယ်။ “ အခုက ခရိုင်ရုံးတွေကို ဒီလိုမျိုးဖြေလျော့ဖို့လုပ်ထားတယ်ဆိုပြီး သတင်းပို့တာမျိုးပါ။ အတည်ပြုဖို့အတွက်တော့ အလုပ်သမားဝန်ကြီးဌာနနဲ့ ပြည်ထဲရေးဝန်ကြီးဌာနက အတည်ပြုကြေညာချက်ကို စီစဉ်နေတုန်းဆိုပြီးတော့

ထိုင်းနိုင်ငံထဲ ခိုးဝင်လာတဲ့ ကမ္ဘောဒီးယားအလုပ်သမား ၉ ဦးကို ဖမ်းဆီး ဇွန် ၈ ရက် ခွန်သောမတ်၊ Migrant Times ထိုင်းနိုင်ငံ အရှေ့ဘက်၊ Sa Kaeo ပြည်နယ်၊ Aranyaprathet မြို့နယ်၊ Thap Prik Sub ကျေးရွာအုပ်စု၊ Khlong Somboon ရွာအနီး စစ်ဆေးရေးဂိတ်မှာကမ္ဘောဒီးယားနိုင်ငံသား တရားမဝင် ​ေရွှ့ပြောင်းအလုပ်သမား ၉ ဦးကို ဖမ်းဆီးမိခဲ့တယ်လို့ သိရပါတယ်။နယ်ခြားစောင့်ရဲ တပ်ဖွဲ့ခွဲ ၁၊ နယ်ခြား စောင့်ရဲ ကွပ်ကဲမှု အဖွဲ့ ၁၂ က ကြံတောဧရိယာအတွင်း ကမ္ဘောဒီးယားအလုပ်သမား ၉ ဦးကို တွေ့ရှိဖမ်းဆီးခဲ့ကြောင်း ရဲမှူးကြီး Thapanon Nongpong နဲ့ ရဲမှူးကြီး Sarawut Iamsamang အဖွဲ့ထံက သိရပါတယ်။

တောင်ကိုရီးယားကို မြန်မာလုပ်သား ၁၅၀ ဦး စေလွှတ် ဇွန် ၇ ရက်၊ Migrant Times တောင်ကိုရီးယားနိုင်ငံကို EPS မြန်မာလုပ်သား ၁၅၀ဦး ဒီကနေ့ ထပ်မံစေလွှတ်ခဲ့တယ်လို့ သိရပါတယ်။တောင်ကိုရီးယားနိုင်ငံမှာ အလုပ်လုပ်ဖို့ အစိုးရပြည်ပအလုပ်အကိုင်အေဂျင်စီ EPS စနစ်နဲ့ ကုန်ထုတ်လုပ်သားသစ် (၁၂၁) ဦး၊ ဆောက်လုပ်ရေးလုပ်သားသစ် (၂၉)ဦးဟာ ဒီ​ေန့အင်ချွန်းအပြည်ပြည်ဆိုင်ရာလေဆိပ်ကို ရောက်ရှိလာတယ်လို့ မြန်မာသံရုံး၊ ဆိုးလ်မြို့က သတင်းထုတ်ပြန်ထားပါတယ်။ပြီးခဲ့တဲ့မေလက ​မြန်မာလုပ်သား ၂၉၉ ဦးကို တောင်ကိုရီးယားကို စေလွှတ်ခဲ့ပါတယ်။ ဓာတ်ပုံ- မြန်မာသံရုံး၊ ဆိုးလ်မြို့

အထည်အော်ဒါပြန်တက်လာလို့ လုပ်သားခေါ်ယူတာ များလာတယ်လို့ဆို ဇွန် ၆ ရက် အရုဏ်ဦး၊ Migrant Times ပြည်တွင်းက အထည်ချုပ်လုပ်ငန်းတွေအနေနဲ့ ပြည်ပအပ်ထည်အော်ဒါတွေ ပြန်တက်လာတာကြောင့် လုပ်ငန်း​တိုးချဲ့မှုတွေနဲ့အတူ လုပ်သားခေါ်ယူစုဆောင်တာတွေများလာတယ်လို့ အဲဒီလုပ်ငန်းအသိုင်းအဝိုင်းထံက သိရပါတယ်။ပြီးခဲ့တဲ့နှစ်ပိုင်းအတွင်း အော်ဒါကျဆင်းလို့ဆိုပြီး အထည်ချုပ်လုပ်ငန်းတွေရပ်နားခဲ့တာတွေရှိခဲ့ပေမယ့် ဒီနှစ်ထဲမှာတော့ အသစ်တိုးချဲ့ဖွင့်လှစ်တာတွေပြန်များလာနေတယ်လို့ အလုပ်သမားအဖွဲ့တွေက ဆိုပါတယ်။”ကျွန်တော်တို့ Brandတွေနဲ့ စကားပြောကြည့်တော့လည်း အော်ဒါအသစ်တွေထပ်ချပေးနေတယ်လို့ သိရတယ်။လုပ်ငန်းရှင်တချို့ဆီကလည်း အဲဒီမက်ဆေ့ရတယ်”လို့ မြန်မာနိုင်ငံစက်မှု လက်မှုနှင့်ဝန်ဆောင်မှုလုပ်ငန်းပေါင်းစုံအလုပ်သမားသမဂ္ဂများအဖွဲ့ချုပ်(MICS-TUsF)မှတာဝန်ရှိသူတစ်ဦးက ပြောပါတယ်။ အခုလို လုပ်ငန်းအသစ်တိုးချဲ့လာမှုနဲ့ပတ်သက်လို့ စာရင်းအတိအကျကိုတော့ မသိရသေးပေမယ့် မြေပြင်မှာလုပ်သားခေါ်ယူစုဆောင်းတဲ့စက်ရုံတွေများလာနေတယ်လို့လည်း အလုပ်သမားအရေးလူပ်ရှားသူတွေက ဆိုပါတယ်။ဒီလို လုပ်ငန်းတိုးချဲ့မှုတွေရှိလာတာဟာ အော်ဒါတိုးမြင့်လာမှုအပြင် မြန်မာနိုင်ငံမှာ နည်းပါးတဲ့လုပ်အားခနဲ့ အလုပ်သမားပေါများစွာ ခိုင်းစေနိုင်တဲ့အတွက်ကြောင့်လည်း ဖြစ်နိုင်တယ်လို့ အလုပ်သမားသမဂ္ဂခေါင်းဆောင်တစ်ဦးက ပြောပါတယ်။”ဒီကာလမှာစျေးပေါပေါနဲ့ ခိုင်းလို့ရနေတာ လုပ်ငန်းရှင်တွေအကြိုက်ဖြစ်နေတယ်”လို့ သူကပြောပါတယ်။မြန်မာနိုင်ငံအထည်ချုပ်လုပ်ငန်းရှင်များအသင်းရဲ့ထုတ်ပြန်ချက်အရ လက်ရှိမှာ နိုင်ငံတဝန်းအထည်ချုပ်စက်ရုံ ၈၀၀ ကျော်ဖွင့်လှစ်လည်ပတ်နေတယ်လို့ သိရပါတယ်။

ပင်စင်သက်တမ်းမတိုးဖို့ ပြင်သစ်အလုပ်သမားများ ဆန္ဒပြ ဇွန် ၆ ရက် ခွန်သောမတ်၊ Migrant Times ပြင်သစ်သမ္မတ Emmanuel Macron ရဲ့ ပင်စင်ပြုပြင်ပြောင်းလဲရေးဥပဒေမှာ ပြင်သစ် အလုပ်သမားတို့ရဲ့ အငြိမ်းစားယူမယ့် အသက် ၆၂ နှစ်အစား ၆၄ နှစ်အထိ တိုးမြှင့်ဖို့ စီစဉ်ထားတာကို ပြင်သစ်အလုပ်သမားသမဂ္ဂက ဒီနေ့ ဦးဆောင် ဆန္ဒပြခဲ့ပါတယ်။ပြင်သစ်သမ္မတ Emmanuel Macron အစိုးရဟာ ပင်စင်ပြုပြင်ပြောင်းလဲရေး ဥပဒေအသစ်ကို ပြဌာန်းဖို့ လုပ်ဆောင်နေတာပါ။”ဒီဆန္ဒပြပွဲဟာ ခြောက်လလောက် ကြာလာခဲ့ပြီး ဒါဟာ မကြုံစဖူးပါပဲ။ ပြင်သစ်လူထုက အလွန်ကို ဒေါသထွက်ခဲ့ပြီး အခုတော့ အားနည်းသွားပြီ ”လို့ CGT အလုပ်သမားသမဂ္ဂ ခေါင်းဆောင်အသစ် Sophie Binet က BFM TV သို့ ပြောကြားခဲ့ပါတယ်။