အလုပ်သမား သတင်း

ထိုင်းမှာ လေထု ညစ်ညမ်းမှုကြောင့် အိမ်မှာ အလုပ်လုပ်ဖို့ ဇင်းမယ် ပြည်နယ် အုပ်ချုပ်ရေးမှူးထုတ်ပြန် ဧပြီ ၈ ရက်၊ Migrant Times ထိုင်းနိုင်ငံ မြောက်ပိုင်းဒေသ ဇင်းမယ်ပြည်နယ်မှာ ဖုန်မှုန့်နဲ့ လေထုညစ်ညမ်းမှု အဆက်မပြတ် မြင့်တက်နေတာကြောင့် နေအိမ်မှ အလုပ်လုပ်ဖို့ အေဂျင်စီများအားလုံး ပူးပေါင်းဆောင်ရွက်ရန် ချင်းမိုင်အုပ်ချုပ်ရေးမှူးက ကြေညာချက်ထုတ်ပြန်ခဲ့ပါတယ်။လေထုအရည်အသွေးPM 2.5 ဟာ စံတန်ဖိုးထက် ကျော်လွန်နေတာကြောင့် အခုလို ကြေညာချက်ထုတ်ပြန်ရတာဖြစ်ပြီးဆက်တိုက် ဆိုးရွားလာရင် ထပ်မံ အ‌ကြောင်းကြားမယ်လို့ ဆိုပါတယ်။ဇင်းမယ်ပြည်နယ်ဟာ မြန်မာရွှေ့ပြောင်းအလုပ်သမား အများအပြား အလုပ် လုပ်နေတဲ့ဒေသဖြစ်ပါတယ်။

ဘတ်သက်တမ်းတိုးသွားမယ့် မြန်မာလုပ်သားတွေ စီးလာတဲ့ ကားတိမ်းမှောက်ပြီး ၈ ဦးသေဆုံး ဧပြီ ၈ ရက်၊ Migrant Times ထိုင်းနိုင်ငံ၊ချွန်ဘူရီခရိုင်၊ မင်မြို့၊ နောင်ခမ့်ခေါ့ကျေးရွာ၊ အုပ်စု ၇ ဖတ်ထရာ အဝင် အဝေးပြေးလမ်းမှာ ယာဥ်တိုက်မှု ဖြစ်ပွားခဲ့ရာမှာ ဘတ်သက်တမ်းတိုးသွားမယ့် ရွှေ့ပြောင်းလုပ်သား ၈ ဦး သေဆုံးသွားတယ်လို့ သိရပါတယ်။သေဆုံးသူတွေထဲမှာ ကိုယ်ဝန်ဆောင်တစ်ဦးလည်းပါတယ်လို့ သိရပါတယ်။ ကားသမား အပါအဝင် ထိခိုက်ဒဏ်ရာရသူတွေကို ချွန်ဘူရီဆေးရုံကို ပို့ဆောင်ထားပါတယ်။ကားပေါ်ပါလာသူတွေဟာ မြန်မာအလုပ်သမားနဲ့ ကမ္ဘောဒီယား အလုပ်သမားတွေဖြစ်ပြီး ဘန်ကောက်ကနေ ကျန်ထဘူရီကို ဘတ်သက်တမ်းတိုးဖို့ လာကြတာလို့ သိရပါတယ်။

မလေးရှားသွားမယ့် ရိုဟင်ဂျာ ၉၆ ဦး ထိုင်းမှာ တရားမဝင် ဝင်ရောက်မှုနဲ့ ဖမ်းဆီးခံရ ဧပြီ ၇ရက်၊ Migrant Times ကန်ချနဘူရီရဲ့ Muang ခရိုင်မှာ တရားမဝင် ဝင်ရောက်လာတဲ့ ရိုဟင်ဂျာ ၉၆ ဦးဟာ ဗုဒ္ဓဟူးနေ့ညနှောင်းပိုင်းမှာ ဖမ်းဆီးခံခဲ့ရတယ်လို့ ဘန်ကောက်ပို့စ်သတင်းစာက ဖော်ပြပါတယ်။အဲဒီရိုဟင်ဂျာတွေဟာ လူကုန်ကူးခံရတာမဟုတ်ဘူးဆိုရင် သူတို့ကို ပြည်နှင်ဒဏ်ပေးသွားမယ်လို့ လူကုန်ကူးတိုက်ဖျက်ရေးဌာန(ATPD)အရ သိရပါတယ်။ဆန်ခလာဘူရီခရိုင်မှတဆင့် မြန်မာနိုင်ငံမှ တရားမဝင်ရွှေ့ပြောင်းအလုပ်သမားတွေ ဝင်ရောက်လာတဲ့အကြောင်း သတင်းပေးတိုင်ကြားချက်ရရှိလို့ ရဲတပ်ဖွဲ့က ဖမ်းဆီးခဲ့တာဖြစ်ပြီး ဖမ်းဆီးရေးအဖွဲ့တွေထဲက တစ်ဖွဲ့ဟာ သံသယဖြစ်ဖွယ်လမ်းကြောင်းတစ်လျှောက် Muang ခရိုင်အတွင်းရှိ စိုက်ခင်းတစ်ခုမှာ အင်အားချထားခဲ့ပါတယ်။ စိုက်ခင်းထဲမှာ အတန်းလိုက်သွားနေတဲ့ ပစ်ကပ်ကားငါးစီးကို တွေ့ရှိအပြီး အာဏာပိုင်တွေဟာ အဲဒီိဧရိယာကိိုပတ်ဆို့လိုက်ပြီး ရှာဖွေဖို့အတွက် ရပ်ခိုင်းခဲ့ပါတယ်။ခရီးသည်လိုက်ပါခြင်းမရှိတဲ့ ဦးဆောင်ယာဥ်ရဲ့ ယာဥ်မောင်းက ထွက်ပြေးဖို့ ကြိိုးစားခဲ့ပြီး အခြားယာဥ်လေးစီိးမှာ

ဂျပန်နိုင်ငံသွားဖို့ ဗီဇာလျှောက်သူတွေထဲ ကာလရှည်နေထိုင်ခွင့်ကို မမှန်မကန်လျှောက်တာတွေရှိနေ ဧပြီ ၆ ရက်၊ Migrant Times ဂျပန်နိုင်ငံကို သွားဖို့ ဗီဇာလျှောက်ထားသူတွေထဲမှာ ကာလရှည်နေထိုင်ခွင့်ကတ်(COE)ကို မမှန်မကန်ပြုလုပ်ထားတာတွေ ရှိနေတယ်လို့ မြန်မာနိုင်ငံရှိဂျပန်သံရုံးက သတင်းထုတ်ပြန်ပါတယ်။အဲဒီလို ဗီဇာလာရောက်လျှောက်ထားသူ​တွေအကြား လိုအပ်တဲ့ စာရွက်စာတမ်း မပြည့်စုံတဲ့ကိစ္စရပ်​တွေများပြားလာပြီး အထူးသဖြင့် ဂျပန်နိုင်ငံ လူဝင်မှုကြီးကြပ်ရေးဌာနက ထုတ်ပေးလျက်ရှိတဲ့ ကာလရှည်နေထိုင်ခွင့်ကတ် (COE) များ မှန်ကန်မှုမရှိကြောင်းကို ဗီဇာလျှောက်ထားချိန်မှာစစ်ဆေးတွေ့ရှိရတဲ့သာဓက အများအပြား ပေါ်ပေါက်လျက်ရှိတယ်လို့ဆိုပါတယ်။အဲဒီလို မမှန်ကန်တဲ့နည်းလမ်း​တွေကို ဘာသာစကားသင်တန်းကျောင်း​တွေနဲ့ပွဲစားတွေက လုပ်ဆောင်နေတာကို စိတ်မကောင်းဖွယ်တွေ့ရှိရပြီး သံရုံးအနေနဲ့ စစ်မှန်တဲ့ စာရွက်စာတမ်းအသုံးပြုထားခြင်းမရှိသူတွေကို ဗီဇာထုတ်ပေးမှာမဟုတ်ဘူးလို့လည်း ဖော်ပြထားပါတယ်။ အဲဒါကြောင့် ဂျပန်နိုင်ငံကိုသွားရောက်မယ့်သူတွေအနေနဲ့ ဗီဇာလျှောက်ထားတဲ့အခါမှာ မသမာသူ​တွေကြောင့် နစ်နာဆုံးရှုံးမှုမရှိစေရေး အထူးသတိပြုပေးဖို့ တိုက်တွန်းကြောင်း ဂျပန်သံရုံးက ဆိုပါတယ်။ဒါ့အ​ပြင် မြန်မာနိုင်ငံမှာ ဘာသာစကားသင်တန်းကျောင်း တက်ရောက်မယ်ဆိုရင် ယုံကြည်ရလောက်တဲ့ ကျောင်းဟုတ်၊

ကိုရီးယားရောက်မြန်မာ လုပ်သား တစ်ဦး လုပ်ငန်းခွင်အတွင်းထိခိုက်မိပြီး ကွယ်လွန် ဧပြီ ၆ ရက်၊ Migrant Times တောင်ကိုရီးယားနိုင်ငံမှာ မြန်မာလုပ်သားတစ်ဦး ဒီနေ့ လုပ်ငန်းခွင်အတွင်း မတော်တဆထိခိုက်မှုဖြစ်ကာ သေဆုံးသွားတယ်လို့ ကိုရီးယားရောက်မြန်မာအသိုင်းအဝိုင်းဆီက သိရပါတယ်။ဧပြီလ ၆ ရက် နေ့လယ်က ကိုရီးယားနိုင်ငံ၊ ကင်ဖိုမြို့ ပလပ်စတစ် ပစ္စည်း ထုတ် စက်ရုံမှာ အလုပ် လုပ်ကိုင်နေတဲ့အသက်၂၉နှစ်အရွယ် ကိုသော်ထက်အောင် ဟာ ပစ္စည်းရွှေ့ သံချိန်းကြိုးစက်နဲ့ ဦးဂေါင်းကို ရိုက်မိကာ ရုတ်တရက် ကွယ်လွန်သွားခဲ့တာလို့ဆိုပါတယ်။ ကိုသော်ထက်အောင်ဟာ မြင်းခြံမြို့ကနေလာရောက်လုပ်ကိုင်သူ ဖြစ်ပြီး သေဆုံးမှုနဲ့ ပတ်သက်ပြီး ကင်ဖို ရဲစခန်း ရဲဝန်ထမ်းများက စက်ရုံ တာဝန်ရှိသူများကို စစ်ဆေးနေပါတယ်လို့ ကိုရီးယားရောက်မြန်မာလုပ်သားအရေးကူညီနေသူ ကိုဇော်မိုးအောင်ကပြောပါတယ်။”ရဲစစ်ချက်ပြီးဆုံးပြီး သဂြိုဟ်ခွင့် ရရှိပါက ကျန်ရစ်သူ မိသားစုနဲ့ တိုင်ပင်ကာ

ဟတ်ယိုင်ကို ပို့ဆောင်ဖို့ပြင်ဆင်နေတဲ့ ရိုဟင်ဂျာ ၈၉ ဦးကို ထိုင်းရဲ ဖမ်းဆီး ဧပြီ ၅ ရက်၊ Migrant Times ထိုင်းနိုင်ငံ၊ ဟတ်ယိုင်ကို ပို့ဆောင်ဖို့ပြင်ဆင်နေတဲ့ ရိုဟင်ဂျာ ၈၉ ဦးကို ထိုင်းရဲတွေက ဖမ်းဆီးလိုက်ပါတယ်။ဧပြီလ ၅ ရက်က အမြန်လမ်းမကြီး ရဲစခန်း (၄)၊ အမှတ် (၂)၊ Chumphon Highway Police Division က ဒုရဲမှူးကြီး Jirapat Buathong နဲ့လဝက ရဲတပ်ဖွဲ့တို့ပူးပေါင်းဖမ်းဆီးပြီး လူကုန်ကူမှုနဲ့ စွဲချက်တင်ထားတယ်လို့ သိရပါတယ်။သူတို့ကို လိုက်ပို့တဲ့ ကားတစ်စီးကို ပို့ဆောင်ခ ဘတ် ၃၀,၀၀၀ ပေးခဲ့ရကြောင်း အဖမ်းခံရတဲ့ ထိုင်းယာဉ်မောင်းက ဝန်ခံခဲ့ပါတယ်။

ဘုရားသုံးဆူအနီး စစ်ဆေးရေးဂိတ်မှာ တရားမဝင် မြန်မာအလုပ်သမား ၁၉ဦး အဖမ်းခံရ ဧပြီ ၅ ရက်၊ Migrant Times ထိုင်းနိုင်ငံ၊ ကန်ကျနဘူရီခရိုင်၊ စိုင်ယို့မြို့၊ ထာ့စောင်ကျေးရွာ၊ ဘန်ယန်အိမ်ယာ အုပ်စု ၃ မှာ တရားမဝင်အလုပ်သမားတွေ ဖမ်းဆီးခံခဲ့ရတယ်လို့ ထိုင်ရတ်သတင်းဌာနက ဖော်ပြပါတယ်။သံသယဖြစ်ဖွယ်ကားတစ်စီးမောင်းနှင်လာတာကို စစ်ဆေးဖို့ အချက်ပေးတားဆီးခဲ့တာကြောင့်ကားပေါ်လိုက်ပါလာတဲ့ အလုပ်သမားတွေက ထွက်ပြေးဖို့ကြိုးစားခဲ့ပေမယ့် ဖမ်းဆီးခံခဲ့ရတာပါ။ ကားမောင်းသူက​ေတ့ာထွက်ပြေးလွတ်မြောက်သွားတယ်လို့ သိရပါတယ်။ ဖမ်းဆီးခံရသူတွေဟာ က​န်ကျနဘူရီခရိုင်ကို တောလမ်းကတစ်ဆင့်ဝင်လာကြတာဖြစ်ပြီး စစ်ဆေးရေးဂိတ်ကို ရှောင်ရှားနိုင်ရန် လမ်း​ပြတစ်ယောက်ကလာကြိုတာလို့ သိရပါတယ်။စမွတ်ပရာကန်နဲ့ ရာချ်ဘူရီဒေသကို သွားရောက်အလုပ်လုပ်ကိုင်ကြမှာဖြစ်ပြီး တစ်ဦးကိ ဘတ် ၂၃,၀၀၀ ပေးရတယ်လို့ သိရပါတယ်။ တချို့အလုပ်သမားတွေဟာပွဲစားခအားလုံးပေးခဲ့ရတယ်လို့ သိရပါတယ်။

ကိုရီးယားက ပြန်လာပြီးပြန်သွားမယ့်လုပ်သားဟောင်းတွေ နိုင်ငံကူးလက်မှတ် အမြန်သက်တမ်းတိုးဖို့အသိပေး ဧပြီ ၄ ရက်၊ Migrant Times တောင်ကိုရီးယားနိုင်ငံက ပြန်လာပြီး ပြန်လည်သွားရောက်လုပ်ကိုင်ကြမယ့်လုပ်သားဟောင်း (Re-entry)တွေအနေနဲ့ နိုင်ငံကူးလက်မှတ်သက်တမ်းအမြန်တိုးထားဖို့ အစိုးရပြည်ပအလုပ်အကိုင်အေဂျင်စီ(POEA)ကအသိပေးထားပါတယ်။အလုပ်သမား​ခေါ်ယူတာကိုတာဝန်ယူထားတဲ့HRD Korea ရဲ့ မူလသတ်မှတ်ချက်အရ ပထမအကြိမ် ၄ နှစ် ၁၀ လပြည့်လို့ စာချုပ် ထပ်မံ ချုပ်ဆိုပြီး ကိုရီးယားနိုင်ငံသို့ ပြန်လည်ဝင်ရောက်မယ့် Re-entry အလုပ်သမားတွေအနေနဲ့ နိုင်ငံကူးလက်မှတ် သက်တမ်း အနည်းဆုံး (၁) နှစ် ကျန်ရှိရမှာဖြစ်တယ်လို့ဆိုပါတယ်။ အဲဒါနဲ့ပတ်သက်လို့ HRD Korea နဲ့ ဆွေးနွေးညှိနှိုင်းချက်အရ မြန်မာနိုင်ငံကို ပြန်လည်ရောက်ရှိကြောင်း အလုပ်သမားကPOEA ရုံးဆီ သတင်းပေးပို့ ချိန်မှာနိုင်ငံကူးလက်မှတ်သက်တမ်းအနည်းဆုံး (၈) လ ကျန်ရှိဖို့၊HRD Korea ဘက်မှ CCVI လျှောက်ထားပေးပြီး CCVI

မလေးရှားမှာ မြန်မာလုပ်သားတွေ အုပ်စုလိုက်ရန်ဖြစ်ပြီး တစ်ဦးသေ၊ ရှစ်ဦးအဖမ်းခံရ ဧပြီ ၃ရက်၊ Migrant Times မလေးရှားနိုင်ငံ Johor Bahru ပြည်နယ်မှာ မြန်မာလုပ်သား အမျိုးသား ခုနစ်ဦးနဲ့ အမျိုးသမီး တစ်ဦးတို့ကို ရန်ဖြစ်ပြီး လူသတ်မှုတစ်ခုမှာ ပါဝင်ပတ်သက်မှုနဲ့ မနေ့က ဖမ်းဆီးလိုက်တယ်လို့ The Sun သတင်းက ဖော်ပြထားပါတယ်။အဖမ်းခံရတဲ့ မြန်မာလုပ်သားအမျိုးသား ခုနစ်ဦးဟာ အသက် (၂၂)နှစ်နဲ့ (၅၁)နှစ်ကြားအရွယ်တွေဖြစ်ပြီး အမျိုးသမီးကတော့ အသက် (၃၅)နှစ်ဖြစ်တယ်လို့ သတင်းမှာ ဖော်ပြထားပါတယ်။မြန်မာလုပ်သားတွေစုပြီး ငှားရမ်းနေထိူင်ကြတဲ့ အိပ်ခန်းတစ်ခုထဲမှာ အုပ်စုလိုက် ရန်ဖြစ်ခဲ့ကြကြောင်း သတင်းပေးပို့လာလို့ သွားရောက်ရာမှာ မြန်မာလုပ်သား အသက် (၃၂)နှစ်အရွယ် အမျိုးသားတစ်ဦး ဓားနဲ့ ထိုးခံရပြီး သေဆုံးနေရာ (၅၁)နှစ်အရွယ် အမျိုးသားတစ်ဦးကတော့ ဒဏ်ရာရရှိထားတယ်လို့ ခရိုင်ရဲတပ်ဖွဲ့မှူးက ပြောပါတယ်။အခင်းဖြစ်ပွားရာမှာရှိနေသူ

နယ်စပ်ဖြတ်ကျော် နိုင်ငံသားများ ခေါင်းစဉ်နဲ့ တတိယအကြိမ်မြောက် ပြည်သူ့ဖိုရမ်ကို ဘန်ကောက်မှာ ကျင်းပ မတ် ၃ ရက်၊ Migrant Times အာရှဘာသာစကားနှင့် ယဉ်ကျေးမှုဆိုင်ရာ သုတေ သနဌာနက “နယ်စပ်ဖြတ်ကျော် နိုင်ငံသားများ” ခေါင်းစဉ်နဲ့တတိယအကြိမ် ပြည်သူ့ဖိုရမ်ကို မနေ့က ကျင်းပခဲ့‌ပါတယ်။Mahidol University အာရှဘာသာစကားနှင့် ယဉ်ကျေးမှုဆိုင်ရာ သုတေသနဌာန တွဲဖက်ပါမောက္ခ ဒေါက်တာ Morakot Meyerက အဖွင့်အမှာစကားပြောကြားခဲ့ပါတယ်။ဒီအခမ်းအနားဟာ “Some One-ASEAN Buddy: Let’s be Friends” လှုပ်ရှားမှုဖြစ်တဲ့ ထိုင်း-အာဆီယံ ယဉ်ကျေးမှုပေါင်းစုံ လူ့အဖွဲ့အစည်းအတွင်း အတူယှဉ်တွဲနေထိုင်ရေး မြှင့်တင်တဲ့လှုပ်ရှားမှုဖြစ်ပါတယ်။ အလုပ်သမားအခွင့်အရေးမြှင့်တင်ရေးကွန်ရက်ဖောင်ဒေးရှင်း (LPN)ကလည်း မြန်မာရွှေ့ပြောင်းအလုပ်သမားအခွင့်အရေး မြှင့်တင်ခြင်းကို ဆွေးနွေးခဲ့ပါတယ်။ထိုင်းနိုင်ငံပြင်ပ အခြားနိုင်ငံများသို့ ပြောင်းရွှေ့နေထိုင်ကြသော ထိုင်းလူမျိုးများနှင့် ထိုင်းနိုင်ငံတွင် ပြောင်းရွှေ့နေထိုင်ကြသော အခြားနိုင်ငံမှ ရွှေ့ပြောင်းနေထိုင်သူများအကြောင်းကိုလည်း