သတင်း

ကရင်ပြည်နယ်တွင် တိုက်ပွဲပြင်းထန်နေသည့်အတွက် ထိုင်းတပ်မတော်မှ ထိုင်း-မြန်မာနယ်စပ်၌ လုံခြုံရေးတိုးမြှင့်ထားကြောင်း ထိုင်းသတင်းအရ သိရသည်။ ထိုင်း-မြန်မာနယ်စပ်မှ ၄၂ ကီလိုမီတာ အကွာ ကရင်ပြည်နယ်၊ ကျုံဒိုးမြို့နယ်တွင် တိုက်ပွဲများ ဖြစ်ပွားပြီးနောက် ထိုင်းတပ်မတော်သည် တက်ခ်ပြည်နယ်ရှိ ထိုင်း-မြန်မာနယ်စပ်တလျှောက် လုံခြုံရေးတိုးမြှင့်နေခြင်းဖြစ်သည်။ ကရင်ပြည်နယ်၊ ကော့ကရိတ်မြို့နယ်၊ ကျုံဒိုးမြို့၊ ကမ်းနီစံပြကျေးရွာဘုန်းကြီးကျောင်းကို စစ်ကောင်စီတပ်က ဧပြီလ ၁၅ ရက်နေ့ နံနက်တွင် ဗုံးကြဲတိုက်ခိုက်မှုကြောင့် ကလေးငယ် ၄ ဦးအပါအဝင် ၆ ဦးသေဆုံးခဲ့ကြောင်း ကရင်အခြေစိုက် သတင်းများတွင်ဖော်ပြသည်။ ဌင်းအပြင် ယနေ့ ဧပြီလ ၁၆ ရက်နေ့ နံနက်တွင်လည်း စစ်ကောင်စီတပ်က ကျုံဒိုးမြို့နယ် ကျေးရွာများအား ဗုံးကြဲတိုက်ခိုက်နေကြောင်း သတင်းရရှိသည်။ Photo – Khaosod

ထိုင်းနိုင်ငံ၊ စမွတ်စခွန်ခရိုင် မဟာချိုင်မြို့နယ်တွင် ဧပြီလ ၁၄ ရက်နေ့က သင်္ကြန်လည်သည့် မြန်မာလူမျိုး အချင်းချင်း စကားများရာမှ ဓားထိုးမှုဖြစ်ကာ တစ်ဦးသေဆုံးခဲ့ကြောင်း ထိုင်း Siamrath သတင်းတွင်ဖော်ပြသည်။ မျက်မြင်များ၏ အဆိုအရ ယမန်နေ့ ဧပြီလ ၁၄ ရက်နေ့ ညနေ ၃ နာရီခန့်က မဟာချိုင်မြို့နယ် ဝီလ ၁၅ လမ်းထိပ်တွင် ရေကစားနေသည့် လူငယ်များက လမ်းလျှောက်လာသည့် အမျိုးသမီးတစ်ဦးအား မျက်နှာကို ပေါင်ဒါများဖြင့်သုပ်လိမ်းခဲ့ကြောင်း၊ အမျိုးသမီးနှင့်ပါလာသူများက ထိုလူငယ်များနှင့်စကားများရာမှ ခိုက်ရန်ဖြစ်ပွားခဲ့ကြောင်း သိရသည်။ အမျိုးသမီးနှင့်ပါလာသူများက ဓားထုတ်ကာ လိုက်လံတိုက်ခိုက်သဖြင့် သေဆုံးသူသည် ဝီလ ၁၇ လမ်းသို့ ထွက်ပြေးခဲ့ရာ ခြေချော်၍ လဲကျသွားခဲ့ရာမှ ဓားဒဏ်ရာများဖြင့် သေဆုံးခြင်းဖြစ်ကြောင်း သိရသည်။ သေဆုံးသူသည် အသက် ၂၆ နှစ်အရွယ်

ချင်းမိုင်မြို့နယ်သည် ထိုင်းသင်္ကြန်ကာလ ၃ ရက်တာအတွင်း အရက်သောက်ပြီး ကားမောင်းမှုအများဆုံး ခရိုင်အဖြစ် နံပါတ် ၁ နေရာတွင် ရပ်တည်နေကြောင်း အကျင့်စာရိတ္တထိန်းသိမ်းရေး ဦးစီးဌာနက ထုတ်ပြန်သည်။ ဆုန်ခရမ် သင်္ကြန်ပွဲတော်ကာလ ပထမ ၃ ရက်ဖြစ်သည့် ဧပြီလ ၁၁ ရက်မှ ၁၃ ရက်အတွင်း စုစုပေါင်းမှုခင်း ၁,၅၇၉ မှုရှိခဲ့ပြီး “ချင်းမိုင်” သည် အရက်သောက်ပြီး ကားမောင်းမှုအများဆုံးခရိုင်အဖြစ် နံပါတ် ၁ နေရာတွင် ရပ်တည်ခဲ့ခြင်းဖြစ်သည်။ သင်္ကြန်ပွဲတော်ကာလ ပထမ ၃ ရက်အတွင်း စုစုပေါင်းမှုခင်း ၁,၅၇၉ မှုရှိပြီး လူပေါင်း ၁၅ ဦးအား အီလက်ထရောနစ် စောင့်ကြပ်ကြည့်ရှုသည့် ကိရိယာ (EM)တပ်ဆင်ခဲ့သည်။ ယင်းအမှုများတွင် အရက်သောက်ပြီး ကားမောင်းမှု ၁,၄၇၂ မှု ၊

ဧပြီလ ၁၃ ရက်နေ့မှာ ထိုင်းနိုင်ငံတောင်ပိုင်း၊ ဖန်င ခရိုင်အတွင်းက ခေါက်လတ်မြို့နယ်မှာ သင်္ကြန်ပွဲတော် ပြုလုပ် ခဲ့ပါတယ်။ ဖန်င ခရိုင်းအတွင်းက ခေါက်လတ်မြို့နယ်မှာ ထူးထူးခြားခြားအနေနဲ့ သင်္ကြန်ပွဲတော်ကို ဧပြီလ ၁၃ ရက်နေ့ တရက်ထဲ ကျင်းပတာပါ။ ဒီပွဲတော်ကို ဖိတ်ကြားခံရတဲ့ ပညာရေးနှင့်ဖွံ့ဖြိုးတိုးတက်ရေးဖောင်ဒေးရှင်း (FED) ရဲ့အမှုဆောင် ဒါရိုက်တာ ဦးထူးချစ်ကလည်း မြန်မာလူမျိုးတွေ ထိုင်း သင်္ကြန်ပွဲတော်ဆင်နွှဲရာမှ ဂရုစိုက် ကြဖို့ပြောပါတယ်။ သင်္ကြန်ပွဲတော်ကို ထိုင်းနိုင်ငံတောင်းပိုင်းက လွှတ်တော်အမတ်တွေ ခရိုင်လူကြီးတွေ ရပ်ကွက်လူကြီးတွေ ၊စစ်တပ်နှင့်ရဲ အရာရှိတွေ တက်ရောက်ပြီး အမှတ်တရစကား ပြောကြားခဲ့ပါတယ်။ ဒါ့အပြင် ရိုးရာဓလေ့ဖြစ်တဲ့ ရေလောင်းခြင်းနဲ့ ကံကောင်းအောင် ဆုတောင်းပေးခြင်းတွေ ပြုလုပ်ခဲ့ကြပါတယ်။ ထိုင်းနိုင်ငံ မြောက်ပိုင်းမှာတော့ ဆုန်ခရမ်လို့ခေါ်တဲ့ သင်္ကြန်ပွဲတော်ကို ဧပြီလ ၁၃ ရက်နေ့ကနေ