သတင်း

ကချင်ပြည်နယ် ဝိုင်းမော်မြို့သူတစ်ယောက်ဟာ လွန်ခဲ့တဲ့ ၂၁ နှစ်လောက်က နယ်စပ်ဖြတ်ကျော်လမ်းကြောင်းကနေ ထိုင်းနိုင်ငံထဲ ဝင်ရောက်ခဲ့ပါတယ်။ ထိုင်းမှာ ရွှေ့ပြောင်း အလုပ်သမားဘဝကိုရောက်ရှိခဲ့ပြီး အထောက်အထားမရှိခဲ့တာကြောင့် စိုးရိမ်ထိတ်လန့်မှုတွေ ရင်ဆိုင်ခဲ့ရပါတယ်။ အိမ်ဖော် ၊ ထမင်းချက်လုပ်ရာကနေ ကိုယ်ထူကိုယ်ထ ကြိုးစားရုန်းကန်ပြီး Thinking Classroom Foundation မှာ သင်တန်းဆရာမ ဖြစ်လာခဲ့တဲ့ အစိုင်းကို Migrant Times ကတွေ့ဆုံမေးမြန်းထားပါတယ်။ ရိုက်ကူး၊တည်းဖြတ် – Migrant Times

ထိုင်းနိုင်ငံတောင်ပိုင်း ဖန်ငပြည်နယ်တွင် ဆူနာမီ၊ ရေကြီးခြင်းစသည့် သဘာဝဘေးအန္တရာယ်များ ကျရောက်ပါက အရေးပေါ်ခိုလှုံရာနေရာ တစ်ခုပံ့ပိုးရန် အသင့်ပြင်ဆင်ထားကြောင်း ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း (FED) အမှုဆောင်ဒါရိုက်တာ ဦးထူးချစ်ကပြောသည်။ ဒေသတွင်း ထိုင်းအစိုးရဌာနများ၏ မေတ္တာရပ်ခံချက်အရ ဖန်ငခရိုင်၊ တကွာပါမြို့နယ်၊ ခီးခတ်တိုက်နယ်တွင် တည်ရှိသော FED/ULC မြန်မာရွှေ့ပြောင်းကလေးငယ်များ၏ သင်ကြားရေးစင်တာကို ယာယီအရေးပေါ်ခိုလှုံရာနေရာအဖြစ် အသုံးပြုခွင့်ပြုမည် ဖြစ်သည်။ ထိုင်းအစိုးရမှ အရေးပေါ်သတိပေးချက်များ ထုတ်ပြန်ပါက လူတိုင်းအား အသုံးပြုခွင့်ပြုမည် ဖြစ်ကြောင်း သိရသည်။ သဘာဝဘေးအန္တရာယ်ကြိုတင်ကာကွယ်သည့်အနေဖြင့် ထိုင်းနိုင်ငံတောင်ပိုင်း ပင်လယ်ကမ်းစပ်တွင် နေထိုင်လုပ်ကိုင်နေကြသည့် မြန်မာရွှေ့ပြောင်းလုပ်သားများအနေဖြင့် အဖိုးတန်ပစ္စည်းများ၊ အရေးကြီးသော စာရွက်စာတမ်းများကို သတိရှိရှိဖြင့် စနစ်တကျ ထိန်းသိမ်းထားကြရန် လိုအပ်ကြောင်း ဦးထူးချစ်ကပြောသည်။ သဘာဝဘေးအန္တရာယ်ကျရောက်ပါက အရေးပေါ်ခိုလှုံရာနေရာအဖြစ် အသုံးပြုမည့် အစီအစဉ်ကို တကွာပါမြို့နယ်၊ ခီးခတ်တိုက်နယ် စည်ပင်သာယာရေးအဖွဲ့အစည်းမှ တာဝန်ရှိသူများ၊