သတင်း

ထိုင်းနိုင်ငံ၊ တာ့ခ်ခရိုင် ၊ မဲဆောက်မြို့နယ်တွင် သုံးဘီးဆိုင်ကယ်မောင်းသည့် မြန်မာနိုင်ငံသား များနှင့် ထိုင်းလူမျိုးတို့၏ အလုပ်အကိုင်များဖြစ်သည့် ဆံပင်ညှပ်ဆိုင်များ၊ ကော်ဖီဆိုင်များနှင့် ကုန်စုံဆိုင်များအပါအဝင် ဆိုင်ပေါင်း ၁၀၀ ကျော်ကိုစစ်ဆေး အရေးယူခဲ့ကြောင်း ထိုင်းအစိုးရ CCTV ထိန်းချုပ်ရေးဌာနက ဇွန်လ ၂ဝ ရက်နေ့တွင်ထုတ်ပြန်သည်။ မဲဆောက်ရဲစခန်းမှ ရဲတပ်ဖွဲ့ဝင်များ၊ အုပ်ချုပ်ရေးအဖွဲ့ဝင်များ၊ လူဝင်မှုကြီးကြပ်ရေးအရာရှိများ၊ အလုပ်သမားရှာဖွေရေးအရာရှိများနှင့် သက်ဆိုင်ရာဌာနများမှ တာဝန်ရှိသူများသည် မဲဆောက်မြို့ရှိ ဈေးကြီးနှင့် အခြားနေရာများတွင် ခရီးသည်ပို့ဆောင်ခြင်းနှင့် ကုန်ပစ္စည်းပို့ဆောင်ခြင်းများ လုပ်ကိုင်နေသည့် မြန်မာလူမျိုး သုံးဘီးဆိုင်ကယ်မောင်းသူများကို ရှင်းလင်းရေးလုပ်ငန်းများ ပူးပေါင်းဆောင်ရွက်ခဲ့ကြသည်ဟုဖော်ပြထားသည်။ ဒေသခံပြည်သူများက လူမှုကွန်ရက်မီဒီယာများမှတစ်ဆင့် ထိုင်းလူမျိုးတို့၏ အလုပ်အကိုင်များကို လုယူလုပ်ကိုင်နေသော နိုင်ငံခြားသားများကို နှိမ်နင်းဖမ်းဆီးပေးရန် တောင်းဆိုပြီးနောက် ဆောင်ရွက်ခဲ့ခြင်း ဖြစ်ကြောင်းသိရသည်။ စစ်ဆေးရေးတာဝန်ရှိသူများက မှန်ကန်သော အလုပ်လုပ်ကိုင်ခွင့်ပါမစ်များနှင့် လူဝင်မှုကြီးကြပ်ရေးပါမစ်များကို စစ်ဆေးခြင်းအပေါ် အဓိကထားခဲ့ကြောင်း

ထိုင်းနိုင်ငံ၊ တာ့ခ်ခရိုင် ၊ မဲဆောက်မြို့နယ်တွင် သုံးဘီးဆိုင်ကယ်မောင်းသည့် မြန်မာနိုင်ငံသား ၁၈ ဦးကိုဖမ်းဆီးခဲ့ကြောင်း တာ့ခ်ခရိုင် လူဝင်မှုကြီးကြပ်ရေးရုံး စုံစမ်းစစ်ဆေးရေးဌာနမှထုတ်ပြန်သည်။ ယမန်နေ့ ၊ ဇွန်လ ၁၇ ရက်နေ့၊ နံနက်တွင် တာ့ခ်ခရိုင် လူဝင်မှုကြီးကြပ်ရေးရုံးတာဝန်ရှိသူများနှင့် ဒေသတွင်း လုံခြုံရေးအဖွဲ့များပူးပေါင်းကာ ၎င်းတို့တာဝန်ယူရသော နယ်မြေကို စစ်ဆေးခဲ့ပြီး သုံးဘီးဆိုင်ကယ်မောင်းနှင်သည့် မြန်မာနိုင်ငံသား ၁၈ ဦးကို ဖမ်းဆီးခဲ့ခြင်းဖြစ်သည်။ အဆိုပါ မြန်မာနိုင်ငံသားများကို ခွင့်ပြုချက်မရှိဘဲ ထိုင်းနိုင်ငံသို့ ဝင်ရောက်ပြီး နေထိုင်ခြင်း ၊ အလုပ်လုပ်ကိုင်ခွင့်ပါမစ်မရှိဘဲ (သို့မဟုတ်) လုပ်ကိုင်ခွင့်ရှိသည့် အလုပ်အမျိုးအစားထက် ကျော်လွန်၍ အလုပ်လုပ်ကိုင်သည့် နိုင်ငံခြားသားဖြစ်ခြင်း (ပုဒ်မ ၈) ဟူသော စွဲချက်များဖြင့် ဖမ်းဆီးခဲ့ခြင်းဖြစ်ကြောင်း တာ့ခ်ခရိုင် လူဝင်မှုကြီးကြပ်ရေးရုံးကဆိုသည်။ သုံးဘီးဆိုင်ကယ်မောင်းသည့် မြန်မာနိုင်ငံသား ၁၈ ဦးကို မဲဆောက်မြို့နယ်

ထိုင်းနိုင်ငံ၊ တာ့ခ်ခရိုင် ၊ ဖုတ်ဖရာမြို့နယ်တွင် တရားမဝင်ဝင်ရောက်သည့် မြန်မာနိုင်ငံသား ၁၁ ဦးကို ဖမ်းဆီးခဲ့ကြောင်း တာ့ခ်ခရိုင် လူဝင်မှုကြီးကြပ်ရေးရုံး မှ ယနေ့(ဇွန်လ ၁၈ရက်)ထုတ်ပြန်သည်။ ယနေ့ ဇွန်လ ၁၈ ရက်နေ့၊ နံနက် ၅ နာရီခန့်တွင် တာ့ခ်ခရိုင် လူဝင်မှုကြီးကြပ်ရေးရုံး စုံစမ်းစစ်ဆေးရေးဌာနမှအဖွဲ့သည် ဖုတ်ဖရာရဲစခန်းနှင့် ပူးပေါင်းကာ ဖုတ်ဖရာမြို့နယ်၊ ရွမ်ထိုင်းဖတ်ထနာမြို့၊ အမှတ် ၆ ရွမ်ထိုင်းဖတ်ထနာကျေးရွာ အနောက်ဘက်ရှိ ပြောင်းခင်းတစ်ခုတွင် မြန်မာနိုင်ငံသား ၁၁ ဦးကို ဖမ်းမိခဲ့ကြောင်းသိရသည်။ ၎င်းတို့ကို ထိုင်းနိုင်ငံသို့ တရားမဝင် ဝင်ရောက်လာသည့် အတွက်ဖမ်းဆီးခဲ့ခြင်း ဖြစ်ပြီး ဖုတ်ဖရာရဲစခန်းသို့ ဥပဒေအရ ဆက်လက်အရေးယူနိုင်ရန် လွှဲပြောင်းပေးခဲ့ကြောင်း တာ့ခ်ခရိုင် လူဝင်မှုကြီးကြပ်ရေးရုံးကထုတ်ပြန်သည်။ Photo – Tak Immigration Migrant Times 

ထိုင်းနိုင်ငံ၊ ဘန်ကောက်မြို့ရှိ အလုပ်သမားအားလုံး ဇူလိုင် ၁ ရက်မှစ၍ အနိမ့်ဆုံးလုပ်ခ ဘတ် ၄ဝဝ ရရှိမည်ဖြစ်ကြောင်း အမျိုးသားလုပ်ခကော်မတီက ဇွန်လ ၁၇ ရက်တွင် ပြောကြားသည်။ ထို့ပြင် အနိမ့်ဆုံးလုပ်ခ ဘတ် ၄ဝဝ ကို နိုင်ငံတစ်ဝန်းရှိ ဟိုတယ်အများစုနှင့် ဖျော်ဖြေရေးနေရာများရှိ အလုပ်သမားများအတွက်လည်း ကျင့်သုံးမည်ဖြစ်ကြောင်းသိရသည်။ လက်ရှိတွင် ဘန်ကောက်မြို့တော်နှင့် ပတ်ဝန်းကျင်ပြည်နယ်များတွင် အနိမ့်ဆုံးလုပ်ခသည် တစ်ရက်လျှင် ဘတ် ၃၇၂ သတ်မှတ်ထားသည်။ ထိုင်း၏ အခြားနေရာများတွင် အနိမ့်ဆုံးတစ်ရက်လုပ်ခသည် ပြည်နယ်အလိုက် ဘတ် ၃၃၇ မှ ၃၈၀ အထိရှိသည်။ ဘတ် ၄ဝဝ နှုန်းထားကို ဖူးခက်၊ ချွန်ဘူရီ၊ ရယောင်း၊ ချာချိုအန်ဆောင်းနှင့် ကော့စမွိုင်း ခရီးသွားကျွန်းတို့တွင်သာ ကျင့်သုံးထားသည်။ ထိုင်းလုပ်ခကော်မတီဥက္ကဌနှင့် အလုပ်သမားဝန်ကြီးဌာန အမြဲတမ်းအတွင်းဝန်လည်းဖြစ်သည့်

ထိုင်းနိုင်ငံတောင်ပိုင်း ချွန်ဖွန်ခရိုင်တွင် တရားမဝင် နယ်စပ်ဖြတ်ကျော်ဝင်ရောက်လာသည့် မြန်မာအလုပ်သမား ၂၆ ဦးကိုဖမ်းမိခဲ့ကြောင်း ကားလမ်းမကြီးဆိုင်ရာရဲတပ်ဖွဲ့(Highway Police)က ယနေ့(ဇွန်လ ၁၇) ထုတ် ပြန်သည်။ ချွန်ဖွန်ခရိုင်၊ ကားလမ်းမကြီးဆိုင်ရာရဲတပ်ဖွဲ့သည် ကင်းလှည့်အဖွဲ့နှင့်ပူးပေါင်းပြီး မြို့ရှောင်ကွင်းသည့် ကျေးလက်ကားလမ်းပေါ်တွင် သံသယဖြစ်ဖွယ် ပစ်ကပ်ကားတစ်စီးကိုတွေ့ရှိခဲ့ပြီး စစ်ဆေးရန် ရပ်တန့်ခိုင်းခဲ့သည်။ ကားနောက်ဖုံးကိုဖွင့်လိုက်သည့်အခါ မြန်မာနိုင်ငံသား ၂၆ ဦးကို ကားနောက်ဖုံး သေတ္တာပုံစံအတွင်းတွင်ပြည့်ကြပ်ကာ ခိုးယူသယ်ဆောင်လာသည်ကို တွေ့ရှိခဲ့သည်။ ကားအတွင်းတွင် လေဝင်လေထွက်ပန်ကာတပ်ဆင်ထားသည်ကို တွေ့ရှိရပြီး တရားမဝင်လုပ်သားများ သယ်ယူပို့ဆောင်ရန်အတွက် အသုံးပြုသည်ဟု ယူဆကြောင်း ရဲတပ်ဖွဲ့ကပြောသည်။ မြန်မာနိုင်ငံသားများသည် ထိုင်းနိုင်ငံအတွင်းသို့ ဝင်ရောက်လာသည့် တရားဝင်စာရွက်စာတမ်းများမရှိပဲ ၎င်းတို့အား ရာချ်ဘူရီပြည်နယ်မှ သခင်္လာခရိုင်၊ ရတ်ဖူမ်မြို့နယ်သို့ သယ်ယူပို့ဆောင်ရန်အတွက် ဘတ် ၅၀,၀၀၀ ဖြင့် ငှားရမ်းခြင်းခံရကြောင်း ယာဉ်မောင်းကရဲတပ်ဖွဲ့ထံ ဝန်ခံခဲ့သည်။ မြန်မာနိုင်ငံသား ၂၆

ထိုင်းနိုင်ငံ ၊ချွန်ပူလီခရိုင်၊လယောင်မြို့ရှိ အလူမီနီယံ ခဲဘတ်ထုတ်လုပ်သည့် စက်ရုံမှ အလုပ်ဖြုတ်ခံလိုက်ရသည့် မြန်မာအလုပ်သမား ၂ဝဝ ကျော်၏ လုပ်ခလစာများ ပြန်လည်ရရှိခဲ့ကြောင်း အလုပ်သမားမဟာမိတ် WAG Myanmar အဖွဲ့မှသိရသည်။ ထိုစက်ရုံတွင် MOU /Name List /CI ကိုင်ဆောင်ထားသော မြန်မာအလုပ်သမားစုစုပေါင်း ၃ဝဝ ကျော်သည် ၂၀၂၄ ခုနှစ် ဩဂုတ်လ ၈ ရက်နေ့တွင် ကြားစပ်ကုမ္ပဏီမှတစ်ဆင့် အလုပ်စတင်ဝင်ရောက်ခဲ့သည်။ ယခုနှစ် ဇွန်လ ၁၁ ရက်နေ့တွင် အလူမီနီယံ ခဲဘတ်စက်ရုံမှ ကြားစပ်ကုမ္ပဏီကို နာမည်စာရင်းသာပါသည့် အလုပ်သမား ၆၅ ဦးသာလက်ခံမည်ဟု အကြောင်းကြားခဲ့ပြီး မြန်မာအလုပ်သမား ၂ဝဝ ကျော်ကို အလုပ်ဖြုတ်ခဲ့ခြင်းဖြစ်သည်။ အလုပ်ထုတ်ခံရသော အလုပ်သမား ၂ဝဝ ကျော်သည် မေလ ၁ဝ ရက်နေ့မှမှစ၍ လုပ်အားခ

ထိုင်းနိုင်ငံ၊ စမွန်စာခွန်မြို့နယ် ပလတ်စတစ်စက်ရုံတွင် အကြောင်းမဲ့အလုပ်ထုတ်ခံရသည့် မြန်မာအလုပ်သမားတစ်ဦး၏ နစ်နာကြေးငွေပြန်ရှိခဲ့ကြောင်း အလုပ်သမားအခွင့်အရေးဖောင်ဒေးရှင်း – LRF မှသိရသည်။ ထိုအလုပ်သမား သည် ၂၀၂၃ ခုနှစ်တွင် အလုပ်ထုတ်ခံရပြီးနောက် LRF ရုံးသို့လာရောက် အကူအညီတောင်းခံခဲ့ကြောင်း၊ တိုင်ချက်ဖွင့်ရန် လမ်းညွှန်ပေးခဲ့မှုကြောင့် အလုပ်သမားကိုယ်တိုင် ထိုင်းအလုပ်သမားကားကွယ်စောင့်ရှောက်ရေးရုံးသို့ သွားရောက်တိုင်ချက်ဖွင့်ခဲ့ပြီး မြန်မာနိုင်ငံသို့ပြန်သွားခဲ့ကြောင်းသိရသည်။ ၂၀၂၄ ခုနှစ်ကုန်ပိုင်းတွင် ထိုင်းနိုင်ငံသို့ တဖန်ပြန်လည် ဝင်ရောက်၍ အခြားအလုပ်ရုံတစ်ခုတွင် လုပ်ကိုင်နေသည်ကိုသိရှိပြီး ဇွန်လ ၁ဝ ရက်နေ့တွင် ၎င်းရထိုက်သည့် အလုပ်ထုတ်နစ်နာကြေး (၁၃၄၀၀) ဘတ် ကိုခေါ်ယူကာ ပေးအပ်ခဲ့ကြောင်း LRF ကထုတ်ပြန်သည်။ News- Migrant Times