ကမ္ဘောဒီးယားများအပြန် မြန်မာရွှေ့ပြောင်းလုပ်သား အခွင့်အလမ်း ဖြစ်မလား
၂ဝ၂၅ ခုနှစ် ဇူလိုင်လ ၂၄ ရက်က ဖြစ်ပွားခဲ့သော ထိုင်း–ကမ္ဘောဒီးယား ပဋိပက္ခကြောင့် သိန်းနှင့်ချီသည့် ကမ္ဘောဒီးယား ရွှေ့ပြောင်းအလုပ်သမားများသည် မိခင်နိုင်ငံသို့ ပြန်လည်ထွက်ခွာနေကြသည်။ ထိုင်းနိုင်ငံတွင်းရှိ လယ်ယာ၊ စိုက်ပျိုးရေး၊ ဆောက်လုပ်ရေး၊ ပင်လယ်ငါးဖမ်းလုပ်ငန်းနှင့် ပင်လယ်စာထုတ်ပိုးသည့် စက်ရုံများနှင့် စက်မှုထုတ်လုပ်မှု စသည်တို့တွင် မြန်မာရွှေ့ပြောင်းအလုပ်သမားများကဲ့သို့ပင် ကမ္ဘောဒီးယား အလုပ်သမားများလည်း အများပြား ဝင်ရောက်လုပ်ကိုင်နေကြသည်။ ထိုင်းနိုင်ငံ၏ သတင်းများအရ လက်ရှိတွင် ကမ္ဘောဒီးယား အလုပ်သမား ၃ သိန်းကျော်ခန့် နေရပ်ပြန်နေပြီး ကမ္ဘောဒီးယား အစိုးရကလည်း မပြန်လာသည့် အလုပ်သမားများ၏ ပစ္စည်းပိုင်ဆိုင်မှုများကို သိမ်းဆည်းမည်ဟု ကြေညာထားသည်။ အချို့သောထိုင်း အစွန်းရောက် လူမျိုးရေးမုန်းတီးသည့် အဖွဲ့များအနေနှင့် လူမှု ကွန်ယက် အွန်လိုင်းမီဒီယာများတွင် ကမ္ဘောဒီးယား အလုပ်သမားများ အား မုန်းတီးရေးကို တက်ကြွစွာ လှုံ့ဆော်နေပြီး
