Thailand

ထိုင်းနိုင်ငံ၊ဘန်ကောက်မြို့၊စူကိုဝစ်ဆွယ်(၈၁)တွင် ရှိသောPower ပါဝါလိုင်း ခမ်းလ်ဒီကုမ္ပဏီ ဆောက်လုပ်ရေးလုပ်ငန်းအောက်ရှိ မြန်မာအလုပ်သမား ၄၆၁ ဦးသည် လုပ်ခလစာမရဖြစ်နေကြောင်း အကူအညီးတောင်းခံရသည့် WAG အလုပ်သမားမဟာမိတ်အဖွဲ့မှသိရသည်။ ၎င်းကုမ္ပဏီမှ မြန်မာအလုပ်သမားများသည် ထိုင်းနိုင်ငံ အနယ်နယ်အရပ်ရပ်ရှိ အလုပ်ဆိုဒ်(၁၅)ခုတွင်လုပ်ကိုင်နေကြသည်မှာ ၁ နှစ်မှ ၁ဝ နှစ်ကျော်အထိလုပ်သက်ရှိကြပြီး အလုပ်ရှင် မှလုပ်အားခ (၂)လစာပေးချေခြင်းမရှိခြင်းဖြစ်ကြောင်း WAG အဖွဲ့ကပြောသည်။ ရရန်ရှိသည့် မြန်မာအလုပ်သမားများ၏ လုပ်အားခ (၂)လစာ စုစုပေါင်းမှာ ထိုင်းဘတ် ၁၁ သိန်းကျော်ရှိကြောင်း သိရသည်။ ၎င်းတို့သည် လိုအပ်သည့် စာအုပ်သက်တမ်းတိုးရန်အတွက်လည်း ကုမ္ပဏီကို ပိုက်ဆံပေးသွင်းထားကြကြောင်း ၊ လုပ်အားခရှင်းပေးရန် ကုမ္ပဏီကိုတောင်းဆိုသော်လည်း တစ်ဝက်ခန့်သာရှင်းပေးနိုင်မည်ဟုပြောသည့်အတွက် စားဝတ်နေရေးအခက်အခဲများနှင့်ရင်ဆိုင်ကြုံတွေ့နေရကြောင်း မြန်မာအလုပ်သများများကပြောသည်။ ထိုအလုပ်သမားများရရန်ရှိသည့် လုပ်ခများရရှိရန် ယမန်နေ့ ဩဂုတ်လ ၁၉ ရက်နေ့တွင် တွေ့ဆုံးခဲ့ကြောင်း WAG အဖွဲ့ကထုတ်ပြန်သည်။

ထိုင်းနိုင်ငံတောင်ပိုင်း ၊ ဆုန်ခလာခရိုင်၊ ဟတ်ယိုင်မြို့နယ် ၊ဘန်ဖရူရပ်ကွက်ရှိ အပန်းဖြေစခန်းတစ်ခုတွင် တရားမဝင်ဝင်ရောက်နေထိုင်သည့် မြန်မာ ရွှေ့ပြောင်းလုပ်သား ၉ ဦးနှင့်ကူညီသည့် မြန်မာ ၂ ဦးကို ဖမ်းဆီးခဲ့ကြောင်း ဗဟိုစုံစမ်းစစ်ဆေးရေဗျုရို(CIB)က ယနေ့(ဩဂုတ် ၁၈) နံနက်တွင်ထုတ်ပြန်သည်။ CIB အောက်ရှိ ဆုန်ခလာ အဝေးပြေးလမ်းမရဲတပ်ဖွဲ့အဆိုအရ နိုင်ငံခြားသားများကို တင်ဆောင်လာသည်ဟု ယူဆရသော မသင်္ကာဖွယ် ပစ်ကပ်ကားတစ်စီးသည် ဟတ်ယိုင်မြို့နယ်၊ ဘန်ဖရူရပ်ကွက်ရှိ အပန်းဖြေစခန်းတစ်ခုသို့ လာရောက်ပို့ဆောင်ခဲ့ကြောင်း ဒေသခံများ၏ တိုင်ကြားချက်အရ ဝင်ရောက်စစ်ဆေးခဲ့ကြောင်းသိရသည်။ အဆိုပါ အပန်းဖြေစခန်းအနီးတွင် တရားမဝင် နိုင်ငံခြားသားများအား ကားပြောင်းရန်နှင့် မလေးရှားနိုင်ငံသို့ ဆက်လက်မပို့ဆောင်မီ တောင်ပိုင်းနယ်စပ် ၃ ခရိုင်သို့ ပို့ဆောင်ရန်အတွက် ခဏတာစောင့်ဆိုင်းရန် လူကုန်ကူးဂိုဏ်းများက မကြာခဏ အသုံးပြုလေ့ရှိသည်ဟူသော ဒေသတွင်းသတင်းများနှင့် ကိုက်ညီနေခဲ့ကြောင်း ရဲတပ်ဖွဲ့ကထုတ်ပြန်သည်။ ဆုန်ခလာ အဝေးပြေးလမ်းမရဲတပ်ဖွဲ့သည်

ထိုင်းနိုင်ငံ၊ ပါကျင်ဘူရီခရိုင်ရှိ စတီးသတ္တုကျိုစက်ရုံ (T.S.B STEEL)တွင် ဩဂုတ်လ ၁၂ ရက်နေ့၌ စတီးသတ္တုကျိုသည့် မီးဖိုပေါက်ကွဲမှုကြောင့် စက်ရုံတွင် အလုပ်လုပ်ကိုင် နေသည့် မြန်မာအလုပ်သမား (၁)ဦး မီးလောင်သေဆုံးပြီး (၁) ဦးထိခိုက်ဒဏ်ရာရခဲ့ကြောင်း အလုပ်သမားသံအရာရှိရုံးကထုတ်ပြန်သည်။ မြန်မာအလုပ်သမား ၂ ဦးနှင့်ပတ်သက်ပြီး ဩဂုတ်လ ၁၄ ရက်နေ့တွင် ထိုင်းအလုပ်အကိုင်ရှာဖွေရေးဌာနမှ တာဝန်ရှိသူများ၊ စက်ရုံမှ တာဝန်ရှိသူများနှင့် တွေ့ဆုံခဲ့ကြောင်း သံအရာရှိရုံး၏ ထုတ်ပြန်ချက်တွင်ဖော်ပြသည်။ သေဆုံး ထိခိုက်ခဲ့သည့် မြန်မာ ၂ ဦးအတွက် ထိုင်းနိုင်ငံ၊ လူမှုဖူလုံရေးဥပဒေနှင့်အညီ အကျိုးခံစားခွင့် အမြန်ဆုံးရရှိနိုင်ရေး၊ ထိခိုက်ဒဏ်ရာရရှိခဲ့သည့် အလုပ်သမားအတွက် ဥပဒေနှင့်အညီ ဆေးကုသခွင့်နှင့်အကျိုးခံစားခွင့်များရရှိရေး ညှိနှိုင်းဆောင်ရွက်ခဲ့ကြောင်း အလုပ်သမားသံအရာရှိရုံးကထုတ်ပြန်သည်။ ထိုင်းနိုင်ငံတွင် အလုပ်လုပ်ကိုင်နေကြသည့် မြန်မာရွှေ့ပြောင်းအလုပ်သမားများသည် မကြာခဏဆိုသလို လုပ်ငန်းခွင်တွင် ထိခိုက်ခြင်း ၊ သေဆုံးခြင်းများဖြစ်ပေါ်လေ့ရှိသည်။