Blog

သင်္ကြန်ပိတ်ရက်အတွင်း အပိုဝင်ငွေရဖို့ အလုပ်ရှာသူတွေ များ မတ် ၂၉ ရက်၊ Migrant Times သင်္ကြန်ရက်ရှည်ပိတ်ရက်မှာ အပိုဝင်ငွေရဖို့ အဲဒီရက်အတွင်းနေ့စားနဲ့လုပ်နိုင်မယ့်အလုပ်ရှာသူတွေများနေတယ်လို့ အလုပ်သမားတွေဆီကသိရပါတယ်။ပိတ်ရက်မှာ ခရီးသွားဖို့မရှိသူတွေ၊ အပျော်ပါးအလည်ပတ်မလုပ်ချင်သူတွေထဲက အလုပ်သမားတချို့ဟာ အနားလည်းမယူဘဲ တခြားအလုပ်တစ်ခုလုပ်ချင်နေကြတာလို့ဆိုပါတယ်။”ဒီအတိုင်းကြီးနေနေရမှာထက် အဲဒီပိတ်ရက်မှာအပိုဝင်ငွေရအောင်ဆိုပြီးရှာနေကြတာ။သင်္ကြန်က အရင်လိုရေကစားတာတွေမရှိ​နိုင်ဘူးလေ” လို့ ကိုယ်တိုင်အလုပ်ရှာနေသူတစ်ဦးက ပြောပါတယ်။ လက်ရှိမှာ တစ်ပိုင်တစ်နိုင် အိမ်တွင်းအထည်ချုပ်ရုံတွေက ပိတ်ရက်အတွင်း အလုပ်လုပ်ချင်သူတွေကို နေ့စားနဲ့ အလုပ်ပေးတာမျိုးတွေ ရှိနေတယ်လို့လည်း သူတို့က ပြောပါတယ်။”နေ့စား ရှစ်ထောင်၊ တစ်သောင်းပေးမယ်ဆိုတာမျိုးတွေ ရှိတယ်။ တချို့ကျတော့အထည်အရေအတွက်ပေါ်မူတည်ပြီးပေးမယ်ဆိုတာရော၊ ဒါပေမဲ့ တစ်ပိုင်တစ်နိုင်လုပ်ငန်းတွေဆိုတော့အများကြီးခေါ်မခိုင်းနိုင်ဘူး”လို့ စက်ရုံအလုပ်သမားတစ်ဦးက ပြောပါတယ်။ဒီနှစ်သင်္ကြန်ပိတ်ရက်ဟာ ဧပြီလ ၈ ရက်ကနေ ၁၇ ရက်အထိ ဆယ်ရက်ကြာမှာဖြစ်ပြီး နယ်ဝေးကအလုပ်သမားအများစုက ဒေသတွင်းအခြေအနေတွေကြောင့် နေရပ်ပြန်ဖို့မရှိဘူးလို့သိရပါတယ်။

ထိုင်းနိုင်ငံ ဖက်အိစံမှာ သေဆုံးခဲ့တဲ့ လင်မယားနှစ်ဉီးအမှု တရားရုံးမတင်နိုင်သေး မတ် ၂၉ ရက်၊ Migrant Times ထိုင်းနိုင်ငံ ဥဘွန် ဖက်အိစံ ဒေသမှာ ဖြစ်ပေါ်ခဲ့တဲ့ မြန်မာနိုင်ငံသား လင်မယား သေဆုံးမှုနဲ့ ပတ်သက်ပြီး တရားရင်ဆိုင်နိုင်ဖို့ ခက်ခက်ခဲခဲ ကြိုးပမ်းနေရတယ်လို့ ဒီအမှုကို ကူညီပေးနေတဲ့ AAC (မဟာမိတ်) အဖွဲ့ရဲ့ သတင်းနဲ့ ပြန်ကြားရေး တာဝန်ခံ ကိုနေလင်းသူက ပြောပါတယ်။“ ကျွန်တော်တို့ကို မိသားစုက အကူညီတောင်းလာလို့ လိုက်ကူညီဖြစ်တာပေါ့နော်။ သူတို့က သေမှုသေခင်းနဲ့ဖွင့်ထားတယ် ကျွန်တော်တို့က အသတ်ခံရတယ်ဆိုတာကို သက်သေတွေရှာပြီး အမှုပြန်ဖွင့်တာပေါ့နော်။ အခုထိတော့ တရားရုံးတင်နိုင်ဖို့အတွက် ကြိုးစားနေရတုန်းပါပဲ” လို့ ကိုနေလင်းသူက ရှင်းပြပါတယ်။ သေဆုံးခဲ့သူ လင်မယားနှစ်ဉီးဟာ ရန်ကုန်တိုင်း၊ ခရမ်းမြို့နယ်ကနေ ထိုင်းနိုင်ငံအတွင်း အထောက်အထားမဲ့ ဝင်ရောက်လုပ်ကိုင်နေကြသူတွေ

စက်ရုံတချို့မှာ အလုပ်ရှင်ဘက်က အလုပ်ခန့်ထားမှုဆိုင်ရာသဘောတူစာချုပ်(အီးစီ)ကို ပြောင်ပြောင် တင်းတင်းချိုးဖောက်နေတယ်လို့ဆို မတ် ၂၈ ရက်၊ Migrant Times ပြည်တွင်းစက်ရုံတချို့မှာ အလုပ်ရှင်တွေဘက်က အလုပ်ခန့်ထားမှုဆိုင်ရာသဘောတူစာချုပ်(အီးစီ)ကို တစ်ဖက်သတ်ပြောင်ပြောင်တင်းတင်းချိုးဖောက်နေတယ်လို့ အလုပ်သမားတွေနဲ့အလုပ်သမားအရေးလှုပ်ရှားသူတွေထံက သိရပါတယ်။အလုပ်ရှင်နဲ့အလုပ်သမားအကြား ရပိုင်ခွင့်နဲ့ လုပ်ငန်း တာဝန်တွေကို ထည့်သွင်းထားတဲ့ အီးစီစာချုပ်ကို အလုပ်ရှင်နဲ့စက်ရုံတာဝန်ရှိသူတွေက တစ်ဖက်သတ်ချိုးဖောက်မှုတွေ ရှိ​ေနတာလို့ သူတို့က ဆိုပါတယ်။”စာချုပ်ပါ အခွင့်အရေးတွေ မပေးတော့တာမျိုး၊ ပြစ်ချက်မရှိဘဲ အလုပ်ထုတ်တာမျိုးတွေ အလုပ်သမားတွေကြားမှာ ပိုကြုံလာရတယ်” လို့ ရွှေပြည်သာမြို့နယ်မှအထည်ချုပ်စက်ရုံလုပ်သားတစ်ဦးက ပြောပါတယ်။ ဒါ့အပြင်တချို့စက်ရုံတွေမှာ အခုနောက်ပိုင်းခန့်တဲ့အလုပ်သမားတွေနဲ့ အီးစီစာချုပ်ချုပ်ဆိုဖို့ ပျက်ကွက်မှုတွေရှိလာနေတယ်လို့လည်း အလုပ်သမားအရေးလှုပ်ရှားသူတွေက ဆိုပါတယ်။အဲဒီလို အီးစီစာချုပ် ချိုးဖောက်တာ၊ စာချုပ်ချုပ်ဆိုဖို့ပျက်ကွက်တာတွေရှိရင် သက်ဆိုင်ရာမြို့နယ်အလုပ်သမားဦးစီးမှူးက တရားစွဲဆိုရမှာဖြစ်ပေမယ့် သူတို့ကိုယ်တိုင်က နှုတ်ပိတ်နေတယ်လို့ အလုပ်သမားအရေးလှုပ်ရှားသူတစ်ဦးက ပြောပါတယ်။ “အလုပ်သမားဦးစီးတွေက အလုပ်ရှင်ကို မလွန်ဆန်ရဲတဲ့အခြေအနေ ဖြစ်နေတာ။ အရေးယူမှုမရှိတော့

တောင်ကိုရီးယားကို မြန်မာလုပ်သား ၁၃၀ ကျော် စေလွှတ် မတ် ၂၈ ရက်၊ Migrant Times တောင်ကိုရီးယားနိုင်ငံကို EPS မြန်မာလုပ်သား ၁၃၈ဦး ဒီကနေ့ ထပ်မံစေလွှတ်ခဲ့တယ်လို့ သိရပါတယ်။တောင်ကိုရီးယားနိုင်ငံ မှာ အလုပ်လုပ်ဖို့ အစိုးရပြည်ပအလုပ်အကိုင်အေဂျင်စီ EPS စနစ်နဲ့ ကုန်ထုတ်လုပ်သားသစ် (၅၃) ဦး၊ စိုက်ပျိုး/မွေးမြူရေးလုပ်သားသစ် (၄၂) ဦး၊ Re-entry ကုန်ထုတ်လုပ်သား (၃၈) ဦး၊ Re-entry စိုက်ပျိုး/မွေးမြူရေးလုပ်သား (၄) ဦး၊ စုစုပေါင်း (၁၃၈) ဦးစေလွှတ်ခဲ့တယ်လို့ မြန်မာသံရုံးက သတင်းထုတ်ပြန်ထားတာဖြစ်ပါတယ်။ (မတ်လ ၂၈ ရက်က တောင်ကိုရီးယားနိုင်ငံကို ရောက်ရှိလာသည့် မြန်မာလုပ်သားများကို တွေ့ရစဉ်၊ ဓာတ်ပုံ – Myanmar Embassy, Seoul)

ထိုင်းနိုင်ငံ၊ ဘန်ကောက်ပတ်ဝန်းကျင်က ဆောက်လုပ်ရေးလုပ်ငန်းခွင်တွေမှာ ထိုင်းလဝက စစ်ဆေးမှုများလာ မတ် ၂၆ ရက်၊ Migrant Times ထိုင်းနိုင်ငံ၊ ဘန်ကောက်မြို့ပတ်ဝန်းကျင်က ရွှေ့ပြောင်းလုပ်သားတွေ အလုပ်လုပ်တဲ့ ဆောက်လုပ်ရေးလုပ်ငန်းခွင်တွေကို ထိုင်းလူဝင်မှုကြီးကြပ်ရေးက အခုရက်ပိုင်း ဝင်ရောက်စစ်ဆေးမှုတွေ များနေတယ်လို့ သိရပါတယ်။”ရိုးရိုးရဲ ပုလိပ်ဝင်ရင် သိပ်ကြောက်စရာမလိုဘူး။ဒီလို လဝက ဝတ္စုံ ဝတ်ပြီး ဝင်လာရင်တော့ဘတ်ရှိဘာညာ စိတ်မဝင်စားဘူး။ အကုန်စစ် ဖမ်းတာပဲ”လို့ အလုပ်သမားတစ်ဦးက ဆိုပါတယ်။အလုပ်လုပ်ကိုင်ခွင့်ပြုစာအုပ်ထဲက အလုပ်ရှင်အမည်နဲ့လက်ရှိလုပ်ကိုင်နေတဲ့ လုပ်ငန်းခွင်က အလုပ်ရှင်အမည်မတူဘူးဆိုရင်လည်း ဖမ်းဆီးခံရတယ်လို့ သိရပါတယ်။

စက်ရုံတွေမှာ နေ့စားအလုပ်သမားခန့်တာတွေပိုများလာ မတ် ၂၄ ရက်၊ Migrant Times စက်ရုံလုပ်ငန်းတွေမှာ လခစားထက် နေ့စားဝန်ထမ်းခန့်ထားမှုတွေပိုများလာတယ်လို့ အလုပ်သမားတွေထံက သိရပါတယ်။စက်ရုံတွေအနေနဲ့ လုပ်ခလစာ ပေးရတာသက်သာဖို့နဲ့ ဥပဒေပါအတိုင်း​ပေးရမယ့်အလုပ်သမားအခွင့်အရေးတွေကို ရှောင်လွှဲနိုင်ဖို့အတွက် နေ့စားအလုပ်သမားတွေကိုသာ ပိုပြီးအသုံးပြုလာကြတာလို့ သူတို့က ဆိုပါတယ်။”လခစားအမြဲတမ်းဝန်ထမ်းဆိုရင် ရုံးပိတ်ရက်တွေအတွက် လုပ်အားခခံစားခွင့်ရှိတယ်။နေ့စားတွေကျတော့အဲဒီလို    အခွင့်အရေးမရှိဘူး။နောက်ဆုံးအလုပ်ထုတ်ရင်တောင် ဥပဒေပါရပိုင်ခွင့်တွေမရနိုင်တာမျိုးတွေရှိတယ်”လို့ အထည်ချုပ်စက်ရုံအလုပ်သမားခေါင်းဆောင်တစ်ဦးက ပြောပါတယ်။ အဲဒါကြောင့် စက်ရုံတချို့ဟာ လခစားဝန်ထမ်းတွေကိုအကြောင်းအမျိုးမျိုးနဲ့အလုပ်ထုတ်ပြီး နေ့စားဝန်ထမ်းတွေနဲ့အစားထိုးတာမျိုးတွေလုပ်လာတာရှိတယ်လို့လည်း လုပ်သားတွေကဆိုပါတယ်။”အလုပ်သမားခေါ်ရင် နေ့စားလုပ်နိုင်မယ့်သူတွေက အလုပ်ရဖို့အခွင့်အရေးပိုများတယ်။စက်ရုံတော်တော်များများမှာနေ့စားသမားတွေကတစ်ဝက်လောက်ရှိတယ်”လို့ ရွှေပြည်သာစက်မှုဇုန်မှအလုပ်သမားတစ်ဦးကပြောပါတယ်။နေ့စားအလုပ်သမားတွေဟာများသောအားဖြင့်တစ်ရက်လုပ်ခ ၄၈၀၀ ကျပ်ထက်မပိုတဲ့လုပ်အားခသာရရှိနေကြပြီး လုံလောက်မှုမရှိပေမယ့်အလုပ်အကိုင်ရှားပါးတာကြောင့် စိတ်မပါဘဲလုပ်နေကြရတာလို့ဆိုပါတယ်။လက်ရှိမှာ စက်ရုံတချို့ပိတ်သိမ်းတာ၊ လုပ်သားလျှော့ချတာတွေကြောင့် အလုပ်လက်မဲ့ဦးရေတိုးပွားနေပြီး အလုပ်ပြန်ရဖို့ခက်ခဲမူတွေရှိနေတယ်လို့လည်းသူတို့ကဆိုပါတယ်။

မဲဆောက်တွင် မြန်မာများနေထိုင်သော အဆောက်အဦးများ ထိုင်းစစ်တပ် စီးနင်း၊ မြန်မာ ၈၀ကျော် ဖမ်းဆီးခံရ မတ်လ ၂၃ရက်၊ Migrant Times ထိုင်းအာဏာပိုင်တွေဟာ မြန်မာနိုင်ငံမှ တရားမဝင်ရွှေ့ပြောင်းအလုပ်သမား ၈၃ဦးကို ဖမ်းဆီးခဲ့ပြီး မဲဆောက်ရှိ အဆောက်အဦများကို ဝင်ရောက်စီးနင်းစဥ် စစ်ဘက်ဆိုင်ရာ ပစ္စည်းများနဲ့ ဆေးဝါးပစ္စည်းများကို သိမ်းဆည်းရမိတယ်လို့ Bangkok Post သတင်းဌာနက ဖော်ပြပါတယ်။မနေ့ နေ့ခင်းပိုင်းက ထိုင်း-မြန်မာ နယ်စပ် မဲဆောက်မြိို့ မယ်ပရှိ လေးခန်းတွဲအဆောက်အဦး အခန်း ၄၀ နီးပါးကို ထိုင်းစစ်သား၊ လူဝင်မှုကြီးကြပ်ရေးအရာရှိများ၊ ဒေသဆိုင်ရာအရာရှိများပူးပေါင်း တပ်ဖွဲ့က ဝင်ရောက်စီးနင်းခဲ့တာပါ။ ထိုင်းထောက်လှမ်းရေးအစီရင်ခံစာများအရ မြန်မာနိုင်ငံမှာ စစ်အာဏာရှင်ဆန့်ကျင်ရေးအဖွဲ့များရဲ့ တပ်ဖွဲ့ဝင်များ အထူးသဖြင့် ပြည်သူ့ကာကွယ်ရေးတပ်ဖွဲ့ဝင်များ(PDF)က မြောက်ပိုင်းနယ်စပ်ကို ဖြတ်ကျော်လာပြီး နေထိုင်ခိုလှုံနေတယ်လို့ တင်ပြမှုများရှိလို့ ဝင်ရောက်စီးနင်းခဲ့တာလို့ ဆိုပါတယ်။စီးနင်းမှုအတွင်း ကလေးငယ်များအပါအဝင်