Myanmar

ထိုင်းနိုင်ငံ၊ အယုဒ္ဓယနယ်မြေတွင် အယုဒ္ဓယ အဝေးပြေးလမ်းမ ရဲတပ်ဖွဲ့မှ ကားတစ်စီးကို တားဆီးစစ်ဆေးရာ တရားမဝင် မြန်မာလုပ်သား ၅ ဦးကို တွေ့ရှိခဲ့သည့်အတွက် ထိန်းသိမ်းခဲ့ကြောင်း အဝေးပြေးလမ်းမ ရဲတပ်ဖွဲ့မှယနေ့(ဇွန်လ၁၀ရက်)ထုတ်ပြန်သည်။ ကားသမား၏ ထွက်ဆိုချက်အရ မြန်မာနိုင်ငံသားတစ်ဦးက စူဖန်ဘူရီမှ အလုပ်သမားများကို ပထုမ်ဌာနီသို့ ပို့ဆောင်ပေးရန် ငှားရမ်းခဲ့ခြင်းဖြစ်ပြီး တစ်ဦးလျှင် ဘတ် ၇၀၀ နှုန်းဖြင့် အခကြေးငွေ ရရှိခဲ့ကြောင်း သိရသည်။ မြန်မာနိုင်ငံသား ၅ ဦးသည် စာရွက်စာတမ်း အထောက်အထားများမရှိပဲ တာ့ခ်ခရိုင်၊ မဲဆောက်မြို့နယ်မှတစ်ဆင့် လှေဖြင့် ထိုင်းနိုင်ငံအတွင်းသို့ တရားမဝင် ဝင်ရောက်လာခဲ့ကြပြီးနောက် ကားဖြင့် ဆက်လက်ခရီးနှင်လာစဉ် ဖမ်းဆီးခံရခြင်းဖြစ်သည်။ ၎င်းတို့ကို အယုဒ္ဓယခရိုင်၊ ဘန်ပါဟန်မြို့နယ် ရဲစခန်းသို့ ဥပဒေအရ အရေးယူဆောင်ရွက်နိုင်ရန် လွှဲပြောင်းပေးခဲ့ကြောင်း အဝေးပြေးလမ်းမ ရဲတပ်ဖွဲ့မှထုတ်ပြန်သည်။

ထိုင်းနိုင်ငံအနောက်ပိုင်း ကန်ချနပူရီခရိုင်၊ ထားမခါမြို့နယ်၊ အူလုတ်ဆီမုန်ရပ်ကွက်တွင် ဆံပင်ညှပ်ဆိုင်နှစ်ဆိုင်ကို စစ်ဆေးခဲ့ပြီး မြန်မာ ၃ ဦးကိုဖမ်းဆီးခဲ့ကြောင်း ကန်ချနပူရီပြည်နယ် လူဝင်မှုကြီးကြပ်ရေးမှူးရုံး မှထုတ်ပြန်သည်။ ကန်ချနပူရီပြည်နယ် လူဝင်မှုကြီးကြပ်ရေးမှူးရုံး ဦးဆောင်သော အဖွဲ့သည် မြန်မာနိုင်ငံသားများ တရားမဝင် ဆံပင်ညှပ်ဆိုင်များ ဖွင့်လှစ်ထားကြောင်း လူမှုကွန်ရက် မီဒီယာမှ သတင်းရရှိပြီးနောက် ဇွန်လ ၈ ရက်တွင် စစ်ဆေးမှုများ ပြုလုပ်ခဲ့ခြင်းဖြစ်ပြီး ထိုင်းနိုင်ငံသားတို့၏ အသက်မွေးဝမ်းကြောင်းကို လုယူမှုဖြင့် ဖမ်းဆီးခြင်းဖြစ်ကြောင်း ထုတ်ပြန်ချက်ကဆိုသည်။ ပထမဆံပင်ညှပ်ဆိုင်တွင် မြန်မာနိုင်ငံသားနှစ်ဦးဖြစ်သော အသက် ၂၀ နှစ်အရွယ် အမျိုးသားနှင့် အသက် ၂၉ နှစ်အရွယ်အမျုးသမီးတို့ကို ဖောက်သည်များကို ဝန်ဆောင်မှုပေးနေသည်ကို တွေ့ရှိရကြောင်း၊ ပန်းသခင်ဟုအမည်ပေးထားသည့် ဒုတိယဆိုင်တွင် အသက် ၃၀ နှစ်အရွယ် မြန်မာနိုင်ငံသား လိင်ပြောင်းထားသူ ဆိုင်ပိုင်ရှင်အား ဖောက်သည်တစ်ဦးကို ခေါင်းလျှော်ပေးနေသည်ကို