အလုပ်သမား သတင်း

စိတ်ကြွဆေးပြားကို လုပ်အားခနဲ့လဲပြီး လူပို့တဲ့ပွဲစားတစ်ဉီးအပါအဝင် တရားမဝင်မြန်မာ ၁၀ ဉီးကို ထိုင်းစစ်တပ်ဖမ်းဆီးမိ နိုင်၊ Migrant Times ထိုင်းလို (ယာဘား) ခေါ် စိတ်ကြွဆေးပြားကိုလုပ်အားခအစား ရရှိပြီး တရားမဝင်အလုပ်သမားပို့ဆောင်ရေးလုပ်ငန်းမှာ ပါဝင်ပတ်သက်သူတစ်ဉီးနဲ့ တရားမဝင်ဝင်ရောက်လာတဲ့ မြန်မာအလုပ်သမား ၁၀ ဉီးကို ရနောင်းခရိုင်ခြေစိုက် ထိုင်းစစ်သားတွေက မနေ့ကဖမ်းမိခဲ့ပါတယ်။ထိုင်းနိုင်ငံ၊ ရနောင်းခရိုင်ခြေစိုက် စု(က်)စမ်ရမ်စစ်ဆေးရေးဂိတ်က ထိုင်းတပ်ဖွဲ့ဝင်တို့က ကြိုတင်သတင်းရရှိမှုကြောင့် ကပေးမြို့နယ်၊ အုပ်စု ၄ မွမ့်ကလွမ်ကျေးရွာထဲက ဆိပ်ကမ်းနားမှာ နောက်ထပ်တစ်နေရာကိုဆက်သွားဖို့စောင့်စိုင်းနေကြတဲ့ တရားမဝင်မြန်မာအလုပ်သမား ( ကျား ၃ ဉီး၊ မ ၃ ဦး) တို့နဲ့ လိုက်ပို့ပေးပွဲစားတစ်ဉီးကို မနေ့ကဖြစ်တဲ့ မေလ ၇ ရကိနေ့မှာ စစ်ဆေးဖမ်းဆီးမိခဲ့တယ်လို့ အမှတ် ၂၅ ခြေလျင်တပ်ရင်း အထူးတပ်ဖွဲ့လူမှုကွန်ယက်စာမျက်နှာမှာ ဖော်ပြထားပါတယ်။ လူပို့ပေးတဲ့ပွဲစားကို

အပူလွန်ကဲတာကြောင့် စက်ရုံလုပ်သားတွေဖျားနာမှုများနေ အရုဏ်ဦး၊ Migrant Times အပူလွန်ကဲမှုကြောင့် ပြည်တွင်းက စက်ရုံတွေမှာ အလုပ်သမားတွေ ဖျားနာတဲ့အရေအတွက်တိုးလာနေတယ်လို့ အလုပ်သမားအရေးလှုပ်ရှားသူတွေနဲ့လုပ်သားတွေဆီက သိရပါတယ်။အပူရှိန်မြင့်တက်ကာ လျှပ်စစ်မီးရရှိမှုမမှန်တဲ့အတွက် အလုပ်သမားတွေအနေနဲ့ ကောင်းစွာအိပ်စက်အနားယူခွင့်မရသလို လုပ်ငန်းခွင်မှာလည်း ပူလောင်တဲ့ဒဏ်ကြောင့် ပိုပြီး ပင်ပန်းနေရတယ်လို့ဆိုပါတယ်။”ကျွန်တော်လည်းဖျားနေတယ်။ အားမရှိသလိုခံစားနေရတယ်။ကောင်းကောင်းမှမနားရတာ။စက်ရုံထဲမှာလည်းတော်တော်များများနေမကောင်းကြဘူး”လို့ မင်္ဂလာဒုံစက်မှုဇုန်မှ စက်ရုံလုပ်သားတစ်ဦးက ပြောပါတယ်။ စက်ရုံတွေမှာ အအေးပေးစနစ်ကောင်းစွာမထားပေးတဲ့အတွက် အလုပ်သမားတွေအနေနဲ့ချွေးတလုံးလုံးနဲ့ အလုပ်လုပ်ကိုင်နေကြရတယ်လို့လည်းဆိုပါတယ်။ဒါ့အပြင် ကိုဗစ်ရောဂါလက္ခဏာတွေနဲ့ဖျားနာနေတာကြောင့် အလုပ်သမားတွေကြားထဲ စိုးရိမ်မှုတွေရှိနေတယ်လို့ အလုပ်သမားအရေးလှုပ်ရှားသူတွေက ဆိုပါတယ်။”ဖြစ်နေကြတာကိုဗစ်လား၊ဘာလားတော့မသိဘူး။အဓိကကတော့ အလုပ်သမားတွေ ကောင်းကောင်းမနားရတော့ ကိုယ်ခံအားတွေ ကျနေကြတာတော့ အမှန်ပဲ”လို့ အလုပ်သမားသမဂ္ဂခေါင်းဆောင်တစ်ဦးက ပြောပါတယ်။ အဲဒီလို နေမကောင်း၊ ဖျားနာမှုတွေရှိနေပေမယ့် စက်ရုံအများစုက ခွင့်ရက်မပေးဘဲ အလုပ်ဆင်းခိုင်းတာတွေရှိနေတယ်လို့လည်း သူတို့က ဆိုပါတယ်။နေမကောင်းလို့အလုပ်မဆင်းဘဲ နားရင် လစာထဲကနေလုပ်ခ ဖြတ်တာ၊ အလုပ်မဆင်းခိုင်းတော့တာမျိုးတွေရှိနေတာကြောင့် မလွန်ဆန်နိုင်ဘဲ ဆင်းနေကြရတယ်လို့လည်း အလုပ်သမားတွေက ပြောပါတယ်။

တောင်ကိုရီးယားကို မြန်မာလုပ်သား ၁၄၉ ဦး စေလွှတ် မေ ၉ ရက်၊ Migrant Times တောင်ကိုရီးယားနိုင်ငံကို EPS မြန်မာလုပ်သား ၁၄၉ဦး ဒီကနေ့ ထပ်မံစေလွှတ်ခဲ့တယ်လို့ သိရပါတယ်။တောင်ကိုရီးယားနိုင်ငံမှာ အလုပ်လုပ်ဖို့ အစိုးရပြည်ပအလုပ်အကိုင်အေဂျင်စီ EPS စနစ်နဲ့ ကုန်ထုတ်လုပ်သား ၁၄၉ ဦး စေလွှတ်ခဲ့တယ်လို့ မြန်မာသံရုံးက သတင်းထုတ်ပြန်ထားတာဖြစ်ပါတယ်။

လှည်းကူးမြို့နယ်က Billion Smileအထည်ချုပ်စက်ရုံ လစာထုတ်မပေးဘဲ ပိတ်ထားတယ်လို့ဆို အရုဏ်ဦး၊ Migrant Times ရန်ကုန်တိုင်း​​သေကြီး၊ လှည်းကူးမြို့နယ်၊ အင်းတိုင်ကျေးရွာမှာဖွင့်ထားတဲ့ Billion Smileအထည်ချုပ်စက်ရုံက လစာထုတ်မပေးဘဲ ပိတ်ထားတာကြောင့် အလုပ်သမားတွေ မကျေနပ်လို့ အဲဒီစက်ရုံရှေ့မှာ စုဝေးစောင့်ဆိုင်းနေကြတယ်လို့ ဒေသခံတွေထံက သိရပါတယ်။အဲဒီစက်ရုံက ဒီနေ့မှာ ဧပြီလအတွက် လစာ ထုတ်ဖို့ အလုပ်သမားတွေ အလုပ်လာချိန်မှာ စက်ရုံတံခါးပိတ်ထားပြီး ပေးမဝင်လို့ အပြင်မှာ စောင့်ဆိုင်းနေကြရတာဖြစ်တယ်လို့ ဆိုပါတယ်။”အလုပ်သမားတွေကတော့ တော်တော်မကျေမချမ်း ဖြစ်နေကြတယ်။ အော်ဟစ်ဆန္ဒပြတာမျိုးတော့ မရှိဘူး။ ဒီအတိုင်း လာစောင့်နေကြတာ ” လို့ အင်းတိုင်ကျေးရွာမှာနေထိုင်သူတစ်ဦးက ပြောပါတယ်။ အဲဒီစက်ရုံသာ မြန်မာနိုင်ငံသားပိုင်လို့သိရ​ပြီး မေလ ၅ ရက်ကတည်းက လစာထုတ်​ပေးရမှာကို မ​ပေးဘဲ​ ရှောင်​နေတာလို့လည်း သူက ဆိုပါတယ်။မနေ့ကလည်း လစာထုတ်ဖို့ အလုပ်သမားတွေ စက်ရုံကို

မြန်မာရွှေ့ပြောင်းတွေ အနေနဲ့ ထိုင်းနိုင်ငံရေးဖြစ်စဉ်တွေမှာ မပါဝင်ဖို့နဲ့ ဉပဒေလိုက်နာဖို့ သတိပေးမှုများရှိနေ စကားဝါ၊ Migrant Times ထိုင်းရောက် မြန်မာရွှေ့ပြောင်းအလုပ်သမားတွေအနေနဲ့ ထိုင်းနိုင်ငံရဲ့ တည်ဆဲဉပဒေတွေကို အတိအကျလိုက်နာဖို့လိုပြီး ထိုင်းနိုင်ငံရဲ့ နိုင်ငံရေးဖြစ်စဉ်တွေမှာ မပါဝင်ဖို့ အလုပ်သမားရေးလှုပ်ရှား သူတွေက သတိပေးထားကြပါတယ်။ထိုင်းနိုင်ငံရဲ့ ဘုရင်စနစ်နဲ့ပတ်သက်ပြီး ထိပါးစော်ကားမှုပြုလုပ်တဲ့ နိုင်ငံခြားသား အလုပ်သမားတွေကို အလုပ်လုပ်ကိုင်ခွင့်ရုတ်သိမ်းပြီး ပြည်နှင်ဒဏ်ပို့ခွင့်ရှိတယ်လို့ ထိုင်းနိုင်ငံ အလုပ်သမား ညွှန်ကြားမှု ဉီးစီးဌာနက မေလ ၃ ရက်နေ့က သတင်းထုတ်ပြန်ထားပါတယ်။ပြီးခဲ့တဲ့ အပြည်ပြည်ဆိုင်ရာ အလုပ်သမားနေ့ (မေဒေး) အထိမ်းအမှတ်အဖြစ် ထိုင်းနိုင်ငံမှာရောက်ရှိနေတဲ့ မြန်မာရွှေ့ပြောင်းလုပ်သားတွေ အပါအဝင် နိုင်ငံခြားသား အလုပ်သမားတွေက သူတို့ရဲ့ရပိုင်ခွင့်တွေကို စုပေါင်းချီတက် တောင်းဆိုခဲ့ကြပါတယ်။ ဒီနေရာမှာ ရွှေ့ပြောင်းအလုပ်သမား မဟုတ်သူဟု ယူဆရတဲ့အစုအဖွဲ့တစ်ခုက ရာဇ၀တ်မှု ကျင့်ထုံးဥပဒေပုဒ်မ ၁၁၂ ကိုဖောက်ဖျက်ပြီး ဘုရင်စနစ်ဖျက်သိမ်းဖို့ကို

မလေးရှားက မြန်မာလုပ်သားခေါ်တာနည်းလို့ သွားရောက်လိုသူတွေနဲ့အေဂျင်စီတွေအခက်တွေ့ မေ ၆ ရက်၊ အရုဏ်ဦး မလေးရှားက မြန်မာလုပ်သားခေါ်ယူတာ လျော့နည်းလာလို့ သွားရောက်လုပ်ကိုင်လိုသူတွေနဲ့အေဂျင်စီတွေအခက်တွေ့နေတယ်လို့ သိရပါတယ်။မလေးရှားက ပြီးခဲ့တဲ့နှစ်ကတည်းက ကိုဗစ်မတိုင်ခင်က ခေါ်စာကျထားတဲ့အလုပ်သမားတွေကိုသာ အဓိကခေါ်ယူခဲ့ပြီး လုပ်သားအသစ်ခေါ်ယူမှုနည်းခဲ့ကာအခုဆိုရင် အေဂျင်စီအများစု အလုပ်သမားမပို့နိုင်လောက်တဲ့အခြေအနေအထိ ဖြစ်လာတယ်လို့ ဆိုပါတယ်။”တစ်ဖက်ကမခေါ်တော့ ဒီဘက်က ဘာမှမတတ်နိုင်ဘူး။ခေါ်စာအသစ်တွေဝင်မလား၊ ဝင်မလားနဲ့စောင့်နေကြတာ”လို့ အဲဒီနိုင်ငံကို အလုပ်သမားစေလွှတ်နေတဲ့အေဂျင်စီလုပ်ငန်းရှင်တစ်ဦးက ပြောပါတယ်။လက်ရှိမှာ အလုပ်ခေါ်စာကို တစ်ဆင့်ပြန်ဝယ်ပြီး အလုပ်သမားပို့ပေးနေရတဲ့ ဖြစ်ရပ်တွေရှိနေပြီး အနည်းအကျဥ်းကပဲ ပြန်ရောင်းပေးနေတာလို့ အေဂျင်စီအသိုင်းအဝိုင်းထံက သိရပါတယ်။ မလေးရှားနိုင်ငံမှာ ပြီးခဲ့တဲ့နှစ်ကုန်ပိုင်းက ရွေးကောက်ပွဲနဲ့အစိုးရအပြောင်းအလဲရှိခဲ့ပြီး အလုပ်သမားခေါ်ယူတဲ့မူဝါဒအသစ်နဲ့ မြန်မာလုပ်သားတွေ တိုးခေါ်ဖို့ အေဂျင်စီတွေက မျှော်လင့်ခဲ့ကြတာဖြစ်ပါတယ်။”ရွေးကောက်ပွဲပြီးတော့လည်း ဆက်ငြိမ်နေတာ။ သွားချင်တဲ့ အလုပ်သမားတွေလည်း ပုံနေပြီ” လို့ အေဂျင်စီလုပ်ငန်းရှင်တစ်ဦးက ပြောပါတယ်။မလေးရှားနိုင်ငံကိုသွားရောက်ဖို့စောင့်ဆိုင်းနေသူတစ်ဦးကလည်း သွားရဖို့ထပ်ကြာဦးမယ်ဆိုရင် ထိုင်းကိုသွားဖို့စဥ်းစားနေတယ်လို့ဆိုပါတယ်။” မနှစ်ကတည်းက မလေးသွားမလို့ လိုက်ချိတ်နေတာ

YFAစက်ရုံလုပ်ငန်းရှင်ကို တရားစွဲဆိုမှု တိုင်းဥပဒေရုံးမှာစေ့စပ်ညှိနှိုင်းဖို့ တရားသူကြီးဆုံးဖြတ် မေ ၅ ရက် အရုဏ်ဦး၊ Migrant Times YFAစက်ရုံပိုင်ရှင်ကိုအလုပ်သမားက တရားစွဲဆိုမှုနဲ့ပတ်သက်လို့ ဒီနေ့ရုံးချိန်းမှာ တရားသူကြီးက တိုင်းဥပဒေရုံးမှာ စေ့စပ်ညှိနှိုင်းဖို့အဆုံးအဖြတ်ပေးခဲ့တယ်လို့ အဲဒီစက်ရုံအလုပ်သမားအရေးကူညီပေးနေတဲ့သွေးစည်းညီညွတ်သောသမဂ္ဂများအဖွဲ့ချုပ်(STUM)ထံကသိရပါတယ်။ဒီ​နေ့ရုံးချိန်းမှာစက်ရုံ ပိုင်ရှင်ကိုယ်တိုင် လာရောက်ခြင်းမရှိဘဲ မန်နေဂျာ ဒေါ်စုမြတ်မြတ်လွင်မှ ကိုယ်စားလှယ်လွဲစာဖြင့် အမှုကို လာရောက် ရင်ဆိုင်ခဲ့တယ်လို့လည်းသိရပါတယ်။ တရားသူကြီးမှ အမှုမှာငွေရလိုမှုပါတဲ့အတွက်မေလ ၁၉ရက်မှာ တိုင်းရုံးသို့ စေ့စပ်ညှိနှိုင်းရေး သွားဖို့နဲ့ အဆင်ပြေသည်ဖြစ်စေ၊ မပြေသည်ဖြစ်စေတရား ရုံးဆီမေလ၂၀ရက်မှာ ပြန်လာဖို့ဆုံးဖြတ်ပေးခဲ့တယ်လို့ STUMမှ တာဝန်ရှိသူက ဆိုပါတယ်။”အလုပ်ရှင်၊အလုပ်သမားနဲ့ နှစ်ဖက်ဥပဒေအကျိုးဆောင်တွေညှိကြမှာ။အဲဒီမှာအဆင်ပြေရင်လည်းပြေသွားမယ်ပေါ့။မပြေလည်းဆက်သွားလို့ရတယ်။အဲဒါကြောင့်အလုပ်သမားကလည်းလက်ခံလိုက်တာ”လို့ သူကပြောပါတယ်။ YFAစက်ရုံက အလုပ်သမားဖြစ်သူ မအိပိုပိုလှိုင်ကို အလုပ်ခန့်ထားမှုဆိုင်ရာသဘောတူစာချုပ်နဲ့မညီဘဲအလုပ်ထုတ်လိုက်တာကိုမကျေနပ်လို့ တရားစွဲဆိုမှုဖြစ်လာတာပါ။အရင်ရုံးချိန်းတွေမှာ အလုပ်ရှင်ဘက်ကလာရောက်တရားရင်ဆိုင်တာမရှိလို့ ကြန့်ကြာခဲ့ပြီး ဒီနေ့ရုံးချိန်းမှသာ အလုပ်ရှင်ကိုယ်စားလှယ်လာရောက်ခဲ့တာဖြစ်ပါတယ်။