အလုပ်သမား သတင်း

နိုဝင်ဘာ၂၆ရက်၊အရုဏ်ဦး ပြည်ပကို အလုပ်သမားစေလွှတ်ခွင့်အကျိုးဆောင်လိုင်စင်ရယူထားတဲ့ အေဂျင်စီ ၆၀၀ ကျော်အထိရှိလာပြီလို့ စစ်ကောင်စီအလုပ်သမားဝန်ကြီးဌာနရဲ့ထုတ်ပြန်ချက်အရ သိရပါတယ်။ နိုဝင်ဘာလဒုတိယအပတ်အတွင်း အေဂျင်စီအသစ် ၅ခုတိုးလာပြီး လက်ရှိ အေဂျင်စီအရေအတွက်မှာ ၆၀၁ခု ရှိလာတာဖြစ်ပါတယ်။ အဲဒီထဲကမှ အေဂျင်စီ ၄ခုက ယာယီပိတ်သိမ်းအရေးယူခံထားရတာကြောင့် လုပ်ငန်းလည်ပတ်နေတဲ့အေဂျင်စီ ၅၉၇ခု ရှိတယ်လို့ ထုတ်ပြန်ချက်မှာ ဖော်ပြထားပါတယ်။ မြန်မာနိုင်ငံမှာ ၂၀၂၁မတိုင်ခင်က ပြည်ပအလုပ်အကိုင်အေဂျင်စီ ၃၀၀ လောက်သာရှိခဲ့ပြီး ဒီဖက်နှစ်တွေမှာ အေဂျင်စီအသစ်တွေတရှိန်ထိုးဖွင့်လှစ်လုပ်ကိုင်လာကြတာ ဖြစ်ပါတယ်။ “လုပ်ငန်းကောင်းလို့မဟုတ်ဘူး။ စမ်းလုပ်ချင်တဲ့သဘောနဲ့ဝင်လာကြတာများတယ်။ အေဂျင်စီတွေများလာတော့လုပ်ငန်းပြိုင်ဆိုင်အားထုတ်ရတာတွေတော့ရှိတယ်”လို့ အေဂျင်စီလုပ်ငန်းရှင်တစ်ဦးက ပြောပါတယ်။ အဲဒီလို အေဂျင်စီအရေအတွက်များလာပေမယ့် အလုပ်သမားမပို့နိုင်တဲ့ အေဂျင်စီအများအပြားရှိနေတယ်လို့လည်း အဲဒီလုပ်ငန်းလုပ်ကိုင်နေသူတွေက ပြောပါတယ်။ ​(၂၀၂၂ မေလ ၁၀ရက်က ကော့သောင်းမြို့သို့ ​ရောက်ရှိလာ​သော MoU လုပ်သားများအား ​တွေ့ရစဥ်၊ ဓာတ်ပုံ – ကော့သောင်းမြို့ MoU

နိုဝင်ဘာ ၂၆ရက်၊ Migrant Times မြန်မာနိုင်ငံ မြ၀တီမြို့ဘက်ခြမ်းမှာ အခြေပြုလုပ်ကိုင်တဲ့ တရားမဝင်လုပ်ငန်းတစ်ခုကနေ ထွက်ပြေးလွတ်မြောက်လာတဲ့ နိုင်ငံခြားသား (၃၉)ဦးကို ထိုင်းအာဏာပိုင်တွေက ကယ်တင်ထားနိုင်ခဲ့တယ်လို့ သိရပါတယ်။ ထွက်ပြေးလွတ်မြောက်လာသူတွေရဲ့ ထွက်ဆိုချက်အရ တာ့ခ်ခရိုင် မဲဆောက်မြို့နဲ့ အရှေ့ဘက် မြန်မာနယ်စပ် မြဝတီမြို့က တရုတ်နိုင်ငံသားတွေရဲ့ ခေါ်ဆိုရေးစင်တာ ဂိုဏ်းတစ်ခုမှာ အတင်းအကျပ် အလုပ်ခိုင်းစေခဲ့တယ်လို့ ဆိုပါတယ်။ ထွက်ပြေးလွတ်မြောက်လာသူတွေဟာ သောင်ရင်းမြစ်ကို ဖြတ်ကျော်လာပြီး တာ့ခ်ခရိုင်အတွင်းမှာ ထိုင်းအာဏာပိုင်တွေရဲ့ နယ်စပ်နယ်မြေ ကင်းလှည့်နေချိန် နိုဝင်ဘာ ၂၅ ရက် နံနက် အစောပိုင်းက တွေ့ရှိခဲ့ကြတာလို့ သိရပါတယ်။ သီရိလင်္ကာနိုင်ငံသား (၃၂) ဦး၊ နီပေါနိုင်ငံသား (၅)ဦး၊ ရုရှားနိုင်ငံသား (၁)ဦးနဲ့ မလေးရှားနိုင်ငံသား (၁)ဦးတို့ ပါဝင်တယ်လို့ ထိုင်းသတင်းဌာနတွေရဲ့ ဖော်ပြချက်အရ သိရပါတယ်။ ထွက်ပြေးလွတ်မြောက်လာသူတွေအတွက်

နိုဝင်ဘာ ၂၅ ရက်၊Migrant Times ရုရှားနိုင်ငံကနေ မြန်မာအလုပ်သမားတွေ ခေါ်ယူမှု စတင်နေပြီလို့ MOEAF တာဝန်ရှိသူတစ်ဦးက ပြောပါတယ်။ ရုရှားနိုင်ငံဟာ မြန်မာအလုပ်သမားတွေ ခေါ်ယူရေး လုပ်ဆောင်နေတယ်လို့ မြန်မာနိုင်ငံ ပြည်ပ အလုပ်အကိုင် အေဂျင်စီများအဖွဲ့ချုပ် (MOEAF) တာဝန်ရှိသူတစ်ဦးက ပြောပါတယ်။ ကုန်ထုတ်လုပ်ငန်း၊ စိုက်ပျိုးရေး၊ မွေးမြူရေးကဏ္ဍတွေအတွက် နိုင်ငံခြားအလုပ်သမားတွေ ခေါ်ယူမယ့် အစီအစဉ်ရှိပြီး တချို့ဟာ အခု ပြင်ဆင်နေပြီလို့ ဆိုပါတယ်။ “ရုရှားဟာ အလုပ်သမားသစ်တွေအတွက် ဘာသာစကားသင်တန်း ပေးနေပါတယ်။ လုပ်သားဈေးကွက်သစ် အကောင်အထည် ဖော်နေပါတယ်။ အေဂျင်စီတွေကတဆင့် အလုပ်အကိုင်တွေ စီစဉ်ပေးတယ်”လို့ MOEAF တာဝန်ရှိသူက ပြောပါတယ်။ ရုရှားကို အလုပ်သမားစေလွှတ်​ရေးမှာ အလုပ်သမားဘက်က အခြေခံကုန်ကျစရိတ် တချို့ပဲလိုအပ်တယ်လို့ ၎င်းက ဆိုပါတယ်။ လက်ရှိမှာ မြန်မာရွှေ့ပြောင်းအလုပ်သမားအများစုဟာ ထိုင်းနိုင်ငံ၊

နိုဝင်ဘာ၂၄ရက်၊ အရုဏ်ဦး ရန်ကုန်မြို့မှာနေထိုင်စရိတ်နဲ့ကုန်စျေးနှုန်းကြီးမြင့်နေတာကြောင့် လစာကိုအိမ်ပြန်မပို့နိုင်တဲ့အလုပ်သမားတွေများလာတယ်လို့ အလုပ်သမားအသိုင်းဝိုင်းဆီက သိရပါတယ်။ အဆောင်နဲ့အိမ်ခန်းငှားရမ်းခတွေ တိုးလာသလို အထွေထွေကုန်ကျစရိတ်ကြီးမြင့်လာလို့ ရတဲ့လစာမှာ တကိုယ်ရေအတွက်ပဲ သုံးနိုင်တဲ့အနေအထားဖြစ်နေတယ်လို့ ဆိုပါတယ်။ ရွှေပြည်သာမြို့နယ်မှ စက်ရုံလုပ်သားတစ်ဦးက “အရင်ကလတိုင်းမဟုတ်တောင် လခြားပြီးအိမ်ကို ငွေထောက်နိုင်သေးတယ်။အခုက ကိုယ်တယောက်စာလုံလောက်ဖို့တောင်မနည်း ချွေတာနေရတယ်၊ကိုယ့်လိုပဲအိမ်ကိုငွေမလွဲနိူင်တော့တဲ့သူအများကြီး”လို့ ပြောပါတယ်။ သာမန်အထည်ချုပ်လုပ်သားတစ်ဦးရဲ့လစာမှာ ကျပ်နှစ်သိန်းနဲ့ သုံးသိန်းဝန်းကျင်လောက်သာရှိပြီး မိသားစုနဲ့နေထိုင်သူတွေအတွက် လုံလောက်မူရှိမနေဘူးလို့ အလုပ်သမားတချို့က ဆိုပါတယ်။ လက်ရှိမှာ အဆောင်နဲ့အိမ်ငှားရမ်းခတွေကလည်း အနည်းဆုံးကျပ်နှစ်သောင်းကနေ ငါးသောင်းနီးပါးအထိတိုးလာသလို လျှပ်စစ်မီတာခမှာလည်းနှစ်ဆနီးပါးတိုးလာလို့ ကုန်ကျစရိတ်ပိုများလာတယ်လို့ သူတို့က ပြောပါတယ်။ “လစာသာ တိုးမလာတာ၊ ကုန်ကျစရိတ်တွေက ဘယ်ဟာမဆိုနှစ်ဆလောက်တက်နေတော့ ဘယ်လိုမှအဆင်ပြေမနေဘူး။မိသားစုများတဲ့သူတွေဆိုပိုဒုက္ခရောက်ကြတယ်”လို့ လှိုင်သာယာမြို့နယ်မှ အထည်ချုပ်စက်ပြင် လုပ်သားတစ်ဦးက ပြောပါတယ်။ အဲဒီလို ကျပ်တည်းမှုတွေများလာတာကြောင့် စက်ရုံလုပ်သားတွေအနေနဲ့ ပြည်ပကိုသွားရောက်ကြတာရှိသလို ပြည်ပထွက်ဖို့ပြင်ဆင်နေသူတွေများစွာရှိနေတယ်လို့လည်း သူတို့က ပြောပါတယ်။ လက်ရှိမှာ ပြည်တွင်းကအလုပ်သမားတွေရဲ့တစ်ရက်အနည်းဆုံးအခကြေးငွေမှာ ၄,၈၀၀

နိုဝင်ဘာ ၂၂ ရက်၊ Migrant Times ထိုင်းနိုင်ငံ၊ Muang ပြည်နယ်က စက်ရုံမှာ အလုပ်ရဖို့ ပွဲစားကို ငွေပေးခဲ့ပေမယ့် အလုပ်မရတဲ့အတွက်ကြောင့် မြန်မာလုပ်သား ၁၀၀နီးပါးဟာ အဲဒီစက်ရုံရှေ့မှာ နိုဝင်ဘာ ၂၀ ရက်က ဆန္ဒပြခဲ့ကြပါတယ်။ အဲဒီစက်ရုံမှာ အလုပ်ရမယ်ဆိုပြီး အမျိုးသမီးငယ် နှစ်ဦးကို ပွဲစားခအ​နေနဲ့ အလုပ်သမားတစ်ဦးကို ဘတ် ၃၀၀၀ ကနေ ၇၀၀၀ အထိ ပေးခဲ့ရပေမယ့် အလုပ်လုပ်ဖို့ သွားတဲ့အခါမှာ စက်ရုံအတွင်းကို ဝင်ခွင့်မရခဲ့ဘူးလို့ ဆန္ဒပြသူတွေက ဆိုပါတယ်။ အဲဒီစက်ရုံမှာ နိုဝင်ဘာလ ၂၀ ရက်ကစပြီး အလုပ်ဆင်းရမယ်လို့ ပွဲစားက လိမ်လည်ပြီး ငွေကြေးရယူခဲ့တာပါ။ တချို့က ငွေသားနဲ့ ပွဲစားခ ပေးခဲ့ပြီး တချို့က အကောင့်ကနေ ငွေလွှဲခဲ့တယ်လို့ ဆိုပါတယ်။ အလုပ်လုပ်ဖို့

နိုဝင်ဘာ ၂၂။ မောင်နေ့သစ်၊Migrant Times မဟာချိုင်မြို့၊ စမုဆာခွန်ခရိုင်အတွင်းက မြန်မာရွှေ့ပြောင်းအလုပ်သမား ၁၀၀ ကျော် နိုဝင်ဘာလ ၂၁ရက်နေ့က အစာငတ်ခံဆန္ဒပြခဲ့တယ်လို့ သိရပါတယ်။ အဆိုပါလုပ်သား ၁၀၀ ကျော်သည် အလုပ်ရရှိရန်အတွက် အလုပ်ပွဲစားကို တစ်ဦးလျှင် ၃၀၀၀ -ဘတ်မှ၅၀၀၀-ဘတ်အထိ အလုပ်စမက်ကြေးအဖြစ်ပေးဆောင်ထားရပြီး ချိန်းထားတဲ့ရပ်အတွင်း အလုပ်မရရှိသဖြင့် ယခုလိုအစာငတ်ခံ ဆန္ဒပြတာလည်းဖြစ်ပါတယ်။ “အလုပ်စမက်ကြေးအဖြင့် ကောက်ခံပြီးအလုပ်သွင်းပေးမည်ဟုပြောကာ လိမ်လည်နေတဲ့ မြန်မာပွဲစားနဲ့ ထိုင်းလူမျိုးပွဲစားတွေကြောင့် ငွေကြေးလိမ်လည်ခံရမှုတွေက မဟာချိုင်နယ်မြေဘက်မှာ အများဆုံးပဲ ကျွန်မကိုယ်တိုင်လည်း အလိမ်ခံထားရတာ ၁သောင်း ၄ထောင် အခုထိ အလုပ်လည်းမရ ပိုက်ဆံလည်းမရဘူး” ဟု မြန်မာရွှေ့ပြောင်း အမျိုးသမီးတစ်ဦးက Migrant Times ကိုပြောပါတယ်။ ဆန္ဒပြနေသည့် မြန်မာရွှေ့ပြောင်းအလုပ်သမားများ၏ ပြသာနာကိုဖြေရှင်းပေးရန်အတွက် ထိုင်းနယ်မြေခံရဲများကလာရောက်ဖြေရှင်းခဲ့တယ်လို့လည်း သိရပါတယ်။ #migranttimes #BreakingNews #news

နိုဝင်ဘာ၂၁ရက်၊အရုဏ်ဦး စေလွှတ်ထားတဲ့ အလုပ်သမားစာရင်းပေးပို့ဖို့ပျက်ကွက်တဲ့ ပြည်ပအလုပ်အကိုင်အေဂျင်စီတချို့အရေးယူခံနေရတယ်လို့ အဲဒီလုပ်ငန်းအသိုင်းအဝိုင်းဆီက သိရပါတယ်။ စစ်ကောင်စီအလုပ်သမားဝန်ကြီးဌာနက ဒီနှစ်လယ်ပိုင်းလောက်ကစပြီး ပြည်ပကိုစေလွှတ်ခဲ့တဲ့ အလုပ်သမားစာရင်းကို လအလိုက်ပေးတောင်းယူနေတာဖြစ်ပြီးမပေးပို့တဲ့ အေဂျင်စီတွေကို အရေးယူတာတွေ ဆက်တိုက်လုပ်နေတယ်လို့ဆိုပါတယ်။ “တချို့က အကြောင်းအမျိုးမျိုးကြောင့်စာရင်းမပို့နိူင်ဘူး။လိုင်စင်ယူထားပြီးလုပ်ငန်းလည်ပတ်မူမရှိတဲ့အေဂျင်စီတွေလည်းရှိတယ်။အဓိကအဲဒီလိုအေဂျင်စီတွေအရေးယူခံရလေ့ရှိတယ်”လို့ ပြည်ပအလုပ်အကိုင်အေဂျင်စီလုပ်ငန်းရှင်တစ်ဦးက ပြောပါတယ်။ အောက်တိုဘာလမှာ စေလွှတ်တဲ့ အလုပ်သမားစာရင်းပေးပို့ဖို့ပျက်ကွက်တဲ့ အေဂျင်စီ ၃၀ ကျော်ရှိပြီး အရေးယူခံရတဲ့အခြေအနေကိုတော့သက်ဆိုင်ရာဌာနက ထုတ်ပြန်ထားတာ မရှိသေးပါဘူး။ စာရင်းပေးပို့ဖို့ပျက်ကွက်တဲ့ အေဂျင်စီတွေကို ဒဏ်ကြေးကောက်တဲ့အပြင် အလုပ်ခေါ်စာအသစ်တင်ခွင့်ကိုပါ ဆိုင်းငံ့အရေးယူနေတာဖြစ်တယ်လို့ ထုတ်ပြန်ချက်တွေအရ သိရပါတယ်။ အေဂျင်စီတွေအနေနဲ့ စေလွှတ်အလုပ်သမားစာရင်းအပြင် အဲဒီအလုပ်သမားတွေရဲ့လအလိုက် မိသားစုဆီလွှဲပို့ငွေအထောက်အထားကိုပါ တင်ပြနေရတာဖြစ်ပါတယ်။ ဒါကြောင့် စေလွှတ်ဦးရေနဲ့အညီ ငွေလွှဲပို့တဲ့စာရင်းကွာဟမှုတွေကြောင့် အေဂျင်စီတွေအခက်တွေ့နေရတယ်လို့လည်း အဲဒီလုပ်ငန်းအသိုင်းဝိုင်းက ဆိုပါတယ်။ “စာရင်းမကိုက်ရင်လည်းပြဿနာ၊ လုပ်ရတာလည်းတဖြေးဖြေးကျပ်လာတော့စိတ်ပျက်နေကြပြီ”လို့ ပြည်ပအလုပ်အကိုင်အေဂျင်စီဒါရိုက်တာအဖွဲ့ဝင်တစ်ဦးက ပြောပါတယ်။ လက်ရှိမှာ ပြည်ပကိုအလုပ်သမားစေလွှတ်ခွင့်လိုင်စင်ရယူထားတဲ့အေဂျင်စီ ၆၀၀ နီးပါးအထိရှိနေတာဖြစ်ပါတယ်။