အလုပ်သမား သတင်း

စက်တင်ဘာ ၂၉ ၊ Migrant Times ။ ထိုင်းနိုင်ငံသို့ တရားမဝင် ဝင်ရောက်လာသည့် မြန်မာအလုပ်သမား ၂၈ ဦးလိုက်ပါလာသည့်ကားသည် စစ်ဆေးရေးဂိတ်ကို အရှိန်ပြင်းစွာဖြတ်သန်းပြီးနောက် လမ်းဘေးမြောင်းထဲ ထိုးကျကာ ဖမ်းဆီးခံခဲ့ရကြောင်း ထိုင်းသတင်းကဖော်ပြသည်။ ယနေ့ စက်တင်ဘာ ၂၉ ရက်နေ့ နံနက်အစောပိုင်း ၁ နာရီခွဲခန့်တွင် မြန်မာအလုပ်သမား ၂၈ ဦးပြည့်ကြပ်စွာလိုက်ပါလာသည့်ကားအား ကန်ချနဘူရီပြည်နယ်၊ထောင်းဖာဖုမ်မြို့နယ် လမ်းဆုံ စစ်ဆေးရေးဂိတ်တစ်ခုတွင် ရပ်တန့်ခိုင်းသော်လည်း မောင်ပြေးခဲ့ကြောင်း သတင်းကဖော်ပြသည်။ ထို့နောက်ရဲတပ်ဖွဲ့က လိုက်လံ ဖမ်းဆီးခဲ့ရာ ၎င်းကားသည် ကားတစ်စီးနှင့်တိုက်မိပြီး လမ်းဘေး ရေနုတ်မြောင်းထဲသို့ ထိုးကျသွားခဲ့ကာ ယာဉ်မောင်းထွက်ပြေးသွားခဲ့ကြောင်း ၊ ကားအတွင်တွင် အထောက်အထားစာရွက်စာတမ်းမပါရှိသည့် မြန်မာနိုင်ငံသား အမျိုးသား ၁၉ ဦးနှင့် အမျိုးသမီး ၉ ဦး စုစုပေါင်း ၂၈

Photo News စက်တင်ဘာ ၂၉ ၊ Migrant Times ။ ထိုင်း-မြန်မာနယ်စပ် မဲဆောက်မြို့တွင် မြန်မာရွှေ့ပြောင်းအလုပ်သမား အမျိုးသမီး ဘောလုံးပြိုင်ပွဲအား ယမန်နေ့ စက်တင်ဘာလ ၂၈ ရက်နေ့ ညနေပိုင်းတွင် ကျင်းပခဲ့သည်။ ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း (FED) မှ ဦးစီး၍ ရွှေ့ပြောင်းမြန်မာအလုပ်သမားများ အခွင့်အရေးကာကွယ်မြှင့်တင်ရေး အစီအစဉ်အနေဖြင့် ကျင်းပပြုလုပ်ခဲ့ခြင်းဖြစ်သည်။ မဲဆောက်မြို့ ၊ မယ်ပ ရပ်ကွက် ဝန်းကျင်ရှိ စက်ရုံ (၄) ရုံ မှ မြန်မာရွှေ့ပြောင်းအလုပ်သမား အမျိုးသမီး (၄) သင်းမှ ပါဝင်ယှဉ်ပြိုင်ကစားခဲ့ပြီး ချန်ပီယံ ဖလားနှင့် ပထမ၊ ဒုတိယ၊ တတိယဆုများ အသီသီးချီးမြှင့်ခဲ့သည်။ မြန်မာရွှေ့ပြောင်းအလုပ်သမား အမျိုးသမီး ဘောလုံးပြိုင်ပွဲအား မြန်မာရွှေ့ပြောင်းလုပ်သား ၁ဝဝ ခန့်က တက်ရောက်အားပေးခဲ့ကြသည်။

စက်တင်ဘာ ၂၇၊ Migrant Timse။ ထိုင်းနိုင်ငံတောင်ပိုင်း ၊ ဖန်ငခရိုင်ရှိ ခေါက်လတ်ကမ်းခြေ၊ ခီခက်ကမ်းခြေနှင့် ပါကလန်ကမ်းခြေများတွင် ယနေ့ နံနက် ၈ နာရီခွဲ မှ ၁ဝ နာရီခွဲ အထိ တစ်ချိန်တည်းတွင် စုပေါင်း အ​မှိုက်ကောက်ခဲ့ကြသည်။ “ ကျွန်တော်ဒီပွဲကိုပူးပေါင်းရတာအရမ်းကိုပီတိဖြစ်တယ်၊ ဒီလိုသဘာဝပတ်၀န်းကျင်ထိန်းသိမ်းတဲ့နေရာမှာ ​စိတ်အားထက်သန်တဲ့ လူငယ်တစ်ယောက်ဖြစ်ပါတယ်” ဟု မြန်မာရွှေ့ပြောင်းကျောင်းသားတစ်ဦးက Migrant Times ကိုပြောသည်။ ထိုင်းတောင်ပိုင်း ကမ်းခြေ ၃ ခုတွင် အမှိုက်ကောက်ခြင်းကို လူ ၅ဝဝ ခန့်ပါ၀င် ဆင်နွှဲခဲ့ပြီး ထိုင်းစည်ပင်သာယာရေးအဖွဲ့၊ သက်ဆိုင်ရာရပ်ကွက်အုပ်ချုပ်ရေးအဖွဲ့၊ ဟိုတယ်ခရီးသွားလုပ်ငန်းရှင်များ၊ရွှေ့ပြောင်းအလုပ်သမားများ၊ ထိုင်းနှင့် မြန်မာရွှေ့ပြောင်းကျောင်းသားကျောင်းသူများလည်းပါဝင်ဆင်နွှဲခဲ့ကြသည်။ Photo – Migrant Times #Migranttime #မြန်မာ #ထိုင်း #ရွှေ့ပြောင်း #thailand YouTube

စက်တင်ဘာ ၂၇ ၊ Migrant Times ။ ထိုင်းနိုင်ငံတောင်ပိုင်း ၊ တကွာပါမြို့နယ် ဘန်နယန်းရက်ကွက်တွင် အလုပ်လုပ်နေသော မြန်မာ အလုပ်သမား ၆ ဦးသည် အလုပ်ရှင်မှ ၁ လစာ မပေးသဖြင့် အကူအညီတောင်းမှုအရ ဖြေရှင်းပေးခဲ့ရာ လစာ ဘတ် ၅ သောင်းကျော်ပြန်ရခဲ့ကြောင်း ပညာရေးနှင့်ဖွံဖြိုးတိုးတက်ရေးဖောင်ဒေးရှင်း – FED အလုပ်သမားရေးရာ ဌာနတာဝန်ရှိသူကပြောကြားသည်။ “ ဇူလှိုင်လ ၁၉ ရက်နေ့မှာ ဖန်ငမြို့နယ် အလုပ်သမားကာကွယ်စောင့်ရှောက်ရေး ရုံးမှာ အမှုဖွင့် တိုင်ကြားခဲ့တာပါ။စက်တင်ဘာ ၂၆ ရက်နေ့မှာ အလုပ်သမား ၆ ဦးရဲ့ လစာငွေ ဘတ် ၅ သောင်းကျော်ကို သူတို့သူဌေးကနေ အလုပ်သမားကာကွယ်စောင့်ရှောက်ရေး ရုံး မှာ ပေးအပ်ခဲ့လို့ အမှု ပိတ်သိမ်းခဲ့တယ်”

စက်တင်ဘာ ၂၆ ၊ Migrant Times ။ ထိုင်းနိုင်ငံမှာ CI စာအုပ်ကိုင်ဆောင်ထားတဲ့ မြန်မာနိုင်ငံသားတွေကို PJ ပတ်ပို့စ်စာအုပ်ပြောင်းရာမှာမနေ့ကစပြီး Passport For Thailand Only ဆိုတဲ့ တံဆိပ်တုံးတွေပါဝင်နေတာတွေ့တယ်လို့ဗီဇာလုပ်ငန်းဆောင်ရွက်ပေးသူအချို့ကပြောပါတယ်။ Passport For Thailand Only စာတမ်းပါနေတာကြောင့် PJ ပတ်ပို့စ်ကိုင်ဆောင်သူတွေဟာ အခြားနိုင်ငံထွက်ခွာခွင့်မရတော့ဘဲ ထိုင်းနိုင်ငံမှာပဲ နေထိုင်ရတော့မှာပါ။ ထိုင်းနိုင်ငံ ၊ စမွတ်စခွန်ခရိုင် မဟာချိုင်ဒေသမှာ မနေ့ကစပြီး CI စာအုပ်ကနေ PJ စာအုပ်ပြောင်းလဲတဲ့ မြန်မာတွေကို Passport For Thailand Only ဆိုပြီး စတင်ကာတုံးထုပေးခဲ့တာလို့ ဧကရာဇ် VISA service တာဝန်ရှိသူက Migrant Times ကိုပြောပါတယ်။ “ မဟာချိုင်မှာ CI စာအုပ်ကနေ

စက်တင်ဘာ ၂၅ ၊ Migrant Times ။ ထိုင်းနိုင်ငံ တာ့ခ်ခရိုင် မဲဆောက်မြို့ရှိ စက်ရုံတစ်ခုတွင် တရားမဝင်အလုပ်လုပ်ကိုင်နေသော မြန်မာနိုင်ငံသား ၈ ဦးအား ဖမ်းဆီးထိန်းသိမ်းခဲ့ကြောင်း တာ့ခ်ခရိုင် လူဝင်မှုကြီးကြပ်ရေးဌာနက ထုတ်ပြန်သည်။ ယမန်နေ့ စက်တင်ဘာလ ၂၄ ရက် နံနက် ၁၀ နာရီခွဲ အချိန်တွင် တာ့ခ်ခရိုင် လူဝင်မှုကြီးကြပ်ရေးနှင့်ပူးပေါင်းစစ်ဆေးရေးအဖွဲ့က မဲဆောက်မြို့နယ် ဖရထပ်ဖာဒဲင်ကျေးရွာရှိ ကလေးကစားစရာထုတ်လုပ်သည့် စက်ရုံတစ်ရုံအတွင်း ဝင်ရောက်စစ်ဆေးခဲ့ပြီး ဖမ်းဆီးခဲ့ခြင်းဖြစ်ကြောင်း သိရသည်။ စစ်ဆေးမှုတွင် အလုပ်လုပ်ခွင့်ပါမစ်မရှိဘဲ တရားမဝင်အလုပ်လုပ်ကိုင်နေသော မြန်မာနိုင်ငံသားလုပ်ငန်းရှင် ၁ ဦးနှင့် မြန်မာအလုပ်သမား ၇ ဦး စုစုပေါင်း ၈ ဦးအား တွေ့ရှိခဲ့ပြီး လူဝင်မှုကြီးကြပ်ရေးဥပဒေများ ချိုးဖောက်မှုဖြင့် ဖမ်းဆီးအရေးယူခဲ့ကြောင်းထုတ်ပြန်သည်။ ဖမ်းဆီးခံရသူများကို မဲဆောက်ရဲစခန်းသို့ လွှဲပြောင်းပေးအပ်ပြီး ဥပဒေအရ

စက်တင်ဘာ ၂၅ ၊ Migrant Times ။ ထိုင်းနိုင်ငံ၊ စမွတ်စခွန်ခရိုင်တွင် မရင်စန်း (MRS. YIN SAN) အမည်ရှိ မြန်မာအမျိုးသမီးကို တရားမဝင် မြန်မာအလုပ်သမားများအား သယ်ယူပို့ဆောင်သည့် ခေါင်းဆောင်အဖြစ် ရဲတပ်ဖွဲ့က စက်တင်ဘာလ ၂၃ ရက်နေ့ ညနေတွင် ဖမ်းမိခဲ့သည်ဟု ထိုင်းသတင်းကဖော်ပြသည်။ မရင်စန်းသည် ချွန်းဖွန်းခရိုင်တရားရုံးက ၂၀၂၅ ခုနှစ်၊ ဩဂုတ်လ ၇ ရက်နေ့ ရက်စွဲဖြင့် ဖမ်းဝရမ်းထုတ်ထားသူဖြစ်ပြီး တိမ်းရှောင်နေသူဖြစ်ကြောင်း၊ ၎င်းသည် စမွတ်စခွန်ခရိုင်၊ Krathum Baen ရှိ လူဝန်မှုကြီးကြပ်ရေးဝန်ဆောင်မှုစင်တာသို့ ရုံးကိစ္စဖြင့် လာရောက်စဉ် ဖမ်းဆီးခဲ့ခြင်းဖြစ်ကြောင်း ရဲတပ်ဖွဲ့ကဆိုသည်။ ပြီးခဲ့သည့် ဧပြီလအတွင်းတွင် ချွန်းဖွန်း အဝေးပြေးလမ်းမရဲများက တရားမဝင် အလုပ်သမားများကိုဖမ်းမိခဲ့သည်။ ထိုအချိန်က ဖမ်းမိသူယာဉ်မောင်းသည် မဟာချိုင်ရှိ တရားမဝင်

စက်တင်ဘာ ၂၅ ၊ Migrant Times ။ ထိုင်းနိုင်ငံ၊ ကန်ချနဘူရီပြည်နယ် ၊ စံခလဘူရီမြို့နယ်ရှိ အခန်းတစ်ခုကို ရဲတပ်ဖွဲ့က ဝင်ရောက်စီးနင်းခဲ့ပြီး ဘတ်ငွေ ၂ သန်းနီးပါးတန်ဖိုးရှိ တရားမဝင်စီးကရက်များတွေ့ရှိကာ မြန်မာအမျိုးသားတစ်ဦးကို ဖမ်းဆီးခဲ့ကြောင်း ထိုင်းသတင်းက ဖော်ပြသည်။ ပြီးခဲ့သည့် စက်တင်ဘာလ ၂၃ ရက်နေ့၊ ညနေတွင် သတင်းပေးချက်အရဟုဆိုကာ ရဲတပ်ဖွဲ့က ငှားရမ်းထားသောအခန်းတစ်ခန်းကိုရှာဖွေခဲ့ကြောင်း သိရသည်။ အခန်းတွင်းတွင် ပုံးများ၊ အိတ်များဖြင့် ထည့်ထားသည့် စီးကရက်များကိုတွေ့ရပြီး ထိုင်းအမှတ်တံဆိပ် Krong Thip (ပျော့ဖတ်) စီးကရက် ၂၄၈ ထုပ်နှင့် မြန်မာအမှတ်တံဆိပ် ဖက်ကြမ်းစီးကရက် ၆၀၀ ထုပ်ကို သိမ်းဆည်းရမိခဲ့ကြောင်း ရဲတပ်ဖွဲ့ကပြောသည်။ အခန်းငှားရမ်းထားသူ မြန်မာလူမျိုးသည် ထိုင်းနိုင်ငံတွင် ၁ဝ နှစ်ခံကတ်ဟုခေါ်ဆိုသည့် နံပါတ် ၀

စက်တင်ဘာ ၂၄ ၊ Migrant Times။ ထိုင်းနိုင်ငံ၊ အယုဒ္ဓယမြို့ရှိ ဆောက်လုပ်ရေးလုပ်ငန်းတွင် အလုပ်လုပ်နေသော MoU စနစ်ဖြင့်လာရောက်သည့် မြန်မာ အလုပ်သမားတစ်ဦးသည် လုပ်အားခ ၈ လစာမရ သည့်အတွက်ကူညီမှုပေးနေကြောင်း WAG အဖွဲ့ကထုတ်ပြန်သည်။ “အခုလက်ရှိတော့ အခြေအနေကတော့ ဘာမှမထူးသေးဘူး။ တိုင်းကြားထားတုန်းပဲရှိသေးတယ်” ဟု WAG အဖွဲ့ခေါင်းဆောင် ကိုမုန်တိုင်းက Migrant Times ကိုပြောသည်။ မြန်မာ အလုပ်သမား၏လုပ်အားခကို အလုပ်ရှင်မှ ၂၀၂၄ ခုနစ်၊ ဒီဇင်ဘာ ၁၅ ရက်နေ့မှ ၂၀၂၅ခုနစ်၊ သြဂုတ် ၁၆ ရက်နေ့ထိ မရှင်းပေးခြင်းဖြစ်ကြောင်း ၊ စက်တင်ဘာလ ၂၃ ရက်တွင် နယ်မြေခံဆာဝါဒီကန်ရုံးသို့ အလုပ်သမားနှင့်အတူသွားရောက်တိုင်ကြားပေးခဲ့ပြီး ၈ လစာ စုစုပေါင်းဘတ်ငွေ ၄ သောင်းခန့်ရရန် ရှိကြောင်း

စက်တင်ဘာ ၂၃ ၊ Migrant Times ။ ထိုင်းနိုင်ငံ၊ ပတ္တရားမြို့ရှိ Soi VC လမ်းထဲတွင် စက်တင်ဘာလ ၂၁ ရက်၊ နံနက် ၃နာရီ ၄၀ မိနစ်၌ မြန်မာအလုပ်သမား ၄ ဦးထက်မနည်းက အသက်၂၉ နှစ်အရွယ်ရှိ မြန်မာနိုင်ငံသား ၁ ဦးအား ဝိုင်းထိုးကြိတ်ခဲ့ကြောင်း ထိုင်းသတင်းကဖော်ပြသည်။ လူမှုကွန်ရက်တွင် ပျံနှံနေသော ဓာတ်ပုံများအရ အဆိုပါဖြစ်ရပ်သည် လမ်းအဆုံးရှိ မြန်မာစားသောက်ဆိုင်အပြင်ဘက်တွင် ဖြစ်ပွားခဲ့ခြင်းဖြစ်ကြောင်း သိရသည်။ လမ်းတစ်ဖက်ရှိ ဟိုတယ်ဝန်ထမ်းတစ်ဦး၏ ပြောပြချက်အရ မြန်မာအလုပ်သမား လေးဦးထက်မနည်းပါဝင်သည့်အဖွဲ့သည် မြန်မာ တစ်ဦးကို မြေပြင်ပေါ်တွင် လှဲကျပြီး လှုပ်ရှားမှုမရှိတော့သည့်အထိ လက်သီးဖြင့်ထိုးကာ ခြေထောက်များဖြင့် ကန်ကျောက်ခဲ့ကြောင်း သိရသည်။ တိုက်ခိုက်သူများသည် ထွက်ပြေးသွားခဲ့ကြပြီး၊ ထိခိုက်ဒဏ်ရာရရှိသူကို ၎င်း၏သူငယ်ချင်းများက သယ်ဆောင်သွားခဲ့ကြကြောင်း