အလုပ်သမား သတင်း

အောက်တိုဘာ ၇ ၊ Migrant Times ။ ထိုင်းနိုင်ငံ ၊ ဘန်ကောက်မြို့တွင် ယနေ့ နံနက်ပိုင်း ကျင်းပခဲ့သည့် အလုပ်သမားအတွက် သင့်တော်သောအလုပ်နေ့ (Decent Work Day) အထိမ်းအမှတ် စီတန်းလှည့်လည် ချီတက်ပွဲတွင် မြန်မာအလုပ်သမား များပါဝင်ဆင်နွှဲခဲ့သည်။ ချီတက်ပွဲတွင် ထိုင်းအလုပ်သမားသမဂ္ဂများ အဖွဲ့နှင့် ပူးပေါင်းပြီး မြန်မာအလုပ်သမား ၂၅ ဦး ပါဝင်ခဲ့ကြောင်း အလုပ်သမားအခွင့်အရေးဖောင်ဒေးရှင်း (LRF) ၏ Organizer ကိုအောင်ကျော်က Migrant Times ကိုပြောသည်။ “နိုင်ငံတကာနဲ့ ရင်ပေါင်တန်းနိုင်အောင် ထိုင်းနိုင်ငံမှာရှိတဲ့ မြန်မာရွှေ့ပြောင်းအလုပ်သမားတွေနဲ့ ထိုင်းလူမျိုးတွေ အားလုံးက ဒီလိုအခွင့်အရေးတွေ လိုအပ်ပါတယ်ဆိုတဲ့အကြောင်း မီးမောင်းထိုးပြတာပါ”ဟု ၎င်းကပြောသည်။ ယနေ့ကျင်းပခဲ့သည့် ချီတက်ပွဲသည် ၁၇ ကြိမ်မြောက်ဖြစ်ပြီး အလုပ်သမားနေ့၊ အမျိုးသမီးနှင့်ကလေးငယ်များနေ့ ၊

အောက်တိုဘာ ၇ ၊ Migrant Times။ ထိုင်းနိုင်ငံရှိ စက်ရုံအလုပ်ရုံများတွင် အလုပ်လုပ်ကိုင်နေကြသော မြန်မာနိုင်ငံသား အလုပ်သမား ၄ ဦးသည် လုပ်ငန်းခွင့် ထိခိုက်မှုကြောင့် ခြေလက်အင်္ဂါ အချို့ဆုံးရှုံးခဲ့ကြောင်း ၎င်းတို့အား အကူအညီပေးနေသည့် WAG အလုပ်သမားမဟာမိတ်အဖွဲ့ခေါင်း‌ဆောင် ကိုမုန်တိုင်းက Migrant Times ကိုပြောသည်။ ချွန်ပူလီခရိုင် ၊လယောင်မြို့ရှိ ကားတာယာစက်ရုံတစ်ခုတွင် အလုပ်လုပ်နေသော ကိုအောင်ကိုဝင်းသည်ဧပြီလ ၇ ရက်တွင် အလုပ်ရုံ၌ တာယာကြိတ်သည့်စက်နှင့် အင်္ကျီစငြိမိရာမှ ဘယ်ဘက်လက်စက်ထဲသို့ကြိတ်မိကာ ဆေးရုံတွင် လက်ကောက်ဝတ်အထိ ဖြတ်ပစ်ခဲ့ရသည်။ ဆေးရုံဆင်းပြီးနောက် အလုပ်နားနေသည့်အချိန်တွင် စက်ရုံဘက်မှထောက်ပံ့ကြေး ပေးခြင်း မရှိခြင်းကြောင့် နစ်နာ‌‌ကြေးရရှိရန် WAG အလုပ်သမားမဟာမိတ်အဖွဲ့ကဆောင်ရွက်ပေးနေသည်။ အလားတူ ဆုန်ခလာခရိုင်၊စဒေါင်မြို့၊ဖန်လားကျေးရွာရှိ ဆောက်လုပ်ရေးလုပ်ငန်းတွင် အလုပ်လုပ်နေသော မြန်မာအလုပ်သမား ကိုကျော်မိုးလှိုင်သည် မတ်လ ၉ ရက်နေ့တွင်

အောက်တိုဘာ ၇ ၊ Migrant Times ။ ထိုင်းနိုင်ငံ ဘန်ကောက်မြို့ ဘိုရွန်မာရာချာချွန်နာနီလမ်းပေါ်တွင် ယနေ့ နံနက် ၅ နာရီခန့်၌ ဆယ်ဘီးကားတစ်စီးကို ပစ်ကပ်ကားကဝင်တိုက်မိခဲ့ပြီး ပစ်ကပ်ကားနောက်ဖက်မှ လွင့်စင်ကျခဲ့သည့် အသက် ၄၀ အရွယ်ရှိ မြန်မာအမျိုးသားတစ်ဦးသေဆုံးခဲ့သည်။ လမ်းမပေါ်သို့ လွင့်စင်ကျခဲ့သည့် မြန်မာအမျိုးသားအား နောက်မှလိုက်လာသည့် ယာဉ်တစ်စီးက ထပ်မံတိုက်မိခဲ့ခြင်းဖြစ်ကြောင်း ထိုင်းသတင်းကဖော်ပြသည်။ ပစ်ကပ်ကားမောင်းသူနှင့် ရှေ့ခန်းမှ စီးနင်းသူတို့မှာ ဒဏ်ရာများရရှိခဲ့ပြီး ဆေးရုံသို့ပို့ဆောင်ထားရကာ သေဆုံးသူ၏ ရုပ်အလောင်းကို ဆီရီရတ်ခ်ျဆေးရုံ (Siriraj Hospital) မှုခင်းဆေးပညာဌာန သို့ ပို့ဆောင်ထားကြောင်းသိရသည်။ ပြီးခဲ့သည့် စက်တင်ဘာ ၂၂ နံနက် ၅ နာရီခွဲခန့်ကလည်း ထိုင်းနိုင်ငံ ၊ ပထုံဌာနီပြည်နယ် ၊ဆန်တီဆွတ်လမ်းဆုံအနီး ပထုံဌာနီ-ရန်ဆစ်လမ်းမတွင် မြန်မာအလုပ်သမားများလိုက်ပါလာသည့် ကားတိမ်းမှောက်ပြီး ၂

အောက်တိုဘာ ၆ ၊ Migrant Times ။ ထိုင်းနိုင်ငံတွင်းရှိ တရားမဝင် ရွှေ့ပြောင်းအလုပ်သမားအုပ်စုဖြစ်သည့် မြန်မာ၊ကမ္ဘောဒီးယား၊ လာအို နှင့် ဗီယက်နမ် နိုင်ငံသားမျာအား လာမည့် အောက်တိုဘာလ ၁၅ ရက်မှစတင်ကာ အွန်လိုင်းစနစ်ဖြင့် မှတ်ပုံတင်ရန်ဖွင့်လှစ်ပေးမည်ဖြစ်ကြောင်း အလုပ်သမားဝန်ကြီးဌာန ဝန်ကြီး Ms. Trinuch Thienthong ကယနေ့ ဘန်ကောက်တွင် ပြုလုပ်သည့်သတင်းစာရှင်းလင်းပွဲတွင် ပြောကြားသည်။ အလုပ်သမားဝန်ကြီးဌာန ဝန်ကြီး သီရိနုချ် ထိယန်ထောင်းက ပြီးခဲ့သည့် ဩဂုတ်လ ၁၉ ရက်နေ့ အစိုးရအဖွဲ့ အစည်းအဝေး ဆုံးဖြတ်ချက်အရ အလုပ်သမားပြတ်လပ်မှု ပြဿနာ ဖြေရှင်းရေး အစီအမံများအား အကောင်အထည်ဖော်ခြင်းဖြစ်ကြောင်းပြောကြားသည်။ ထိုင်းနိုင်ငံရှိ အလုပ်ရှင်များနှင့်အတူ အလုပ်လုပ်ကိုင်နေသော ကမ္ဘောဒီးယား၊ လာအို၊ မြန်မာ၊ နှင့် ဗီယက်နမ်နိုင်ငံသား (၄) မျိုးအား

အောက်တိုဘာ ၆ ၊ Migrant Times ။ ထိုင်းနိုင်ငံတွင်းရှိ နိုင်ငံခြားသားလုပ်သားများ(ရွှေ့ပြောင်းအလုပ်သမားများ)အား အွန်လိုင်းမှ မှတ်ပုံတင်နိုင်သော “e-Work Permit” စနစ်ကိုအောက်တိုဘာလ ၁၃ ရက်နေ့မှစ၍ တစ်နိုင်ငံလုံး အတိုင်းအတာဖြင့် ၂၄ နာရီ ဝန်ဆောင်မှုပေးမည်ဖြစ်ကြောင်း အလုပ်သမားဝန်ကြီးဌာန ဝန်ကြီး Ms. Trinuch Thienthong ကယနေ့ပြောကြားသည်။ အလုပ်သမားဝန်ကြီးဌာန သည် “e-Work Permit” အီလက်ထရောနစ်စနစ်မှတစ်ဆင့် နိုင်ငံခြားသားလုပ်သားများအတွက် လျှောက်လွှာတင်သွင်းခြင်း၊ စစ်ဆေးခြင်း၊ အတည်ပြုပေးခြင်းမှသည် အလုပ်လုပ်ခွင့်လက်မှတ် ရယူသည်အထိ အွန်လိုင်းမှတစ်ဆင့် ၂၄ နာရီပြည့်စုံစွာ ဝန်ဆောင်မှုပေးမည်ဖြစ်ကြောင်းထုတ်ပြန်သည်။ ၎င်းဝန်ဆောင်မှုစနစ်ကို အောက်တိုဘာလ ၁၃ ရက် တွင် eworkpermit.doe.go.th ဝက်ဘ်ဆိုက်မှတစ်ဆင့် တစ်နိုင်ငံလုံးတွင် စတင်ဖွင့်လှစ်မည်ဖြစ်ပြီး အလုပ်အကိုင်ရှာဖွေရေးဦးစီးဌာန သည် တစ်နိုင်ငံလုံးရှိ အလုပ်လုပ်ခွင့်လက်မှတ် ဝန်ဆောင်မှုစင်တာ

အောက်တိုဘာ ၆ ၊ Migrant Times ။ မြန်မာနယ်စပ် မြ၀တီမြို့နယ်ဘက်ခြမ်း ကာစီနိုတစ်ခုမှ ထိုင်းနိုင်ငံသား ၁၆ ဦး (အမျိုးသား ၁ဝ ဦးနှင့် အမျိုးသမီး ၆ ဦး)အား ထိုင်းအထူးတပ်ဖွဲ့များက အောင်မြင်စွာ ကယ်တင်နိုင်ခဲ့ကြောင်း ထိုင်းသတင်းတွင်ဖော်ပြသည်။ တပ်ခ် (Tak) ခရိုင်ရှိ တော်ဝင်ထိုင်းစစ်တပ် အထူးတပ်ဖွဲ့နှင့် လုံခြုံရေးအရာရှိများသည် ယမန်နေ့အောက်တိုဘာလ ၅ ရက်နေ့၊ ညနေ ၆ နာရီခွဲတွင် ကယ်တင်ခဲ့ကြောင်းဖော်ပြသည်။ ထိုင်းနိုင်ငံသား ၁၆ ဦးသည် ယခုနှစ် စက်တင်ဘာလအတွင်း ထိုင်းနယ်စပ်တစ်လျှောက်ရှိ တရုတ်လူမျိုးများ လည်ပတ်သော စီးပွားရေးဇုန်များရှိ ကာစီနိုများတွင် အလုပ်အကိုင်ရမည်ဟု ဆိုရှယ်မီဒီယာကြော်ငြာများဖြင့် သွေးဆောင်ခြင်းခံရပြီးနောက် မြန်မာနိုင်ငံသို့ တရားမဝင် ဖြတ်ကျော်ဝင်ရောက်သွားကြသူများဖြစ်သည်။ ၎င်းတို့ ရောက်ရှိလာသောအခါတွင် လုပ်ငန်းခွင်အခြေအနေများသည် ကြော်ငြာထားသည်နှင့်

အောက်တိုဘာ ၃ ၊ Migrant Times ။ ထိုင်းနိုင်ငံ ချင်းမိုင်မြို့တွင် ခွင့်ပြုချက်မရှိပဲ အလုပ်လုပ်ကိုင်နေသော မြန်မာနိုင်ငံသား (၂) ဦးဖမ်းဆီးခဲ့ကြောင်း ချင်းမိုင်လူဝင်မှုကြီးကြပ်ရေးဌာန မှထုတ်ပြန်သည်။ တိုင်ကြားချက်အရ ယမန်နေ့ အောက်တိုဘာလ ၂ ရက်နေ့တွင် ချင်းမိုင်မြို့ ဟိုင်ယာရပ်ကွက် ဆိုင်တစ်ခုကို သွားရောက်စစ်ဆေးခဲ့ပြီး မြန်မာနိုင်ငံသားနှစ်ဦးအား “ခွင့်မပြုထားသည့် အခြားအလုပ် လုပ်ကိုင်နေခြင်း၊အလုပ်ရှင် အသစ်ပြောင်း အကြောင်းကြားရန် ပျက်ကွက်ခြင်းဖြင့် ဖမ်းဆီးခဲ့ကြောင်း ချင်းမိုင်လူဝင်မှုကြီးကြပ်ရေးရဲတပ်ဖွဲ့ ဒုရဲမှူးကြီးတစ်ဦး ကပြောသည်။ ရွှေ့ပြောင်းအလုပ်သမားများသည် အလုပ်ဟောင်းမှ အလုပ်သစ်သို့ ပြောင်းသည့်အခါတိုင်း (၁၅) ရက်အတွင်း တရား၀င်အကြောင်းကြား မှတ်ပုံတင်ရန် လိုအပ်ကြောင်း ချင်းမိုင်လူဝင်မှုကြီးကြပ်ရေးရဲတပ်ဖွဲ့ကဆိုသည်။ မြန်မာအလုပ်သမား (၂) ဦးသည် ယခင်အလုပ်မှထွက်ကာ လက်ရှိအလုပ်တွင် တစ်ရက်လုပ်ခ ဘတ် ၃၅ဝ ဖြင့် တစ်လခန့်

အောက်တိုဘာ ၃ ၊ Migrant Times ။ ထိုင်းနိုင်ငံတောင်ပိုင်း စူရတ်ဌာနီခရိုင်မှာ ခရီးသွားတွေ အလည်အပတ်သွားကြတဲ့ ကော့တောင်ကျွန်း(Koh Tao) ရှိပါတယ်။ ကော့တောင်ကျွန်းကို လိပ်ကျွန်းလို့လည်း ခေါ်ကြပါတယ်။ ဒီကျွန်းပေါ်က အလုပ်အကိုင်အမျိုးမျိုးမှာ ဝင်ရောက်လုပ်ကိုင်နေတဲ့ မြန်မာပြည်သား နှစ်သောင်းဝန်းကျင်ရှိနေပါတယ်။ ကျွန်းပေါ်မှာ မြန်မာ ပြည်သားတွေ စုပေါင်းဖွဲ့စည်းထားတဲ့ ကော့တောင် မြန်မာကွန်မြူနတီ (Koh Tao Myanmar Community – KTMC) အဖွဲ့တစ်ခုလည်းရှိပါတယ်။ KTMC အဖွဲ့ဟာ ၂ဝ၂၃ ခုနှစ်က စတင်ဖွဲ့စည်းပြီး လူမှုအကျိုးပြုလုပ်ငန်းတွေကို လူအင်အား ‌ငွေအင်အားတွေနဲ့ အားသွန်ခွန်စိုက် တစ်ဖက်တစ်လှမ်းက ဝင်ရောက်ကူညီနေတဲ့ အဖွဲ့အစည်းတစ်ခုပါ။ KTMC အဖွဲ့ ဖွဲ့စည်းပြီး တစ်လအကြာမှာပဲ ကျွန်းသန့်ရှင်းရေးလုပ်ငန်းတွေကို စနစ်တကျ ဆောင်ရွက်ခဲ့တယ်လို့ အဖွဲ့ဝင် ကိုသိန်းသန်းကပြောပါတယ်။

အောက်တိုဘာ ၂ ၊ Migrant Times ။ ထိုင်းနိုင်ငံ၊ ချွန်ပူလီခရိုင်၊ဘန်ဘိုမြို့ရှိ ကားရေဆေးသည့်စက်ရုံတွင် အလုပ်လုပ်နေသည့်မြန်မာအလုပ်သမား ၁ ဦးသည် စက်တင်ဘာလ ၂၉ ရက် ၊ နေ့လယ် ၁၁ နာရီခန့်တွင် လုပ်ငန်းခွင်အတွင်း အန္တရာယ်ဖြစ်ကာ ဆေးရုံအရောက်၌ အသက်ဆုံးရှုံးခဲ့ကြောင်း WAG အလုပ်သမားမဟာမိတ်အဖွဲ့ကထုတ်ပြန်သည်။ သေဆုံးခဲ့သည့် မြန်မာအလုပ်သမား ကိုစည်သူအောင်သည် PJ ပတ်ပို့စ်ကိုင်ဆောင်ထားသူဖြစ်သည်။ ၎င်းသည် လုပ်ငန်ခွင်အတွင်း ရေးဆေးမည့်ကားတစ်စီးအားပြသရာ ဝင်တိုက်ခံရပြီး ကားခေါင်းနှင့် အုတ်နံရံကြားညှပ်ကာ မေ့‌မျောသွားခဲ့ခြင်းဖြစ်သည်။ ရေးဆေးမည့်ကားအား တက်ရောက်မောင်းနှင်ခဲ့သူသည် မြန်မာအလုပ်သမားတစ်ဦးဖြစ်ကြောင်း သိရသည်။ ကိုစည်သူအောင်အား ယင်းနေ့တွင်လုပ်ငန်းခွင်မှ ချွန်ပူလီဆေးရုံသို့ပို့ဆောင်ပြီး ဆေးကုသမှုခံယူနေစဉ်နေ့လယ်၂ နာရီခွဲ အချိန်၌ သေဆုံးခဲ့ကြောင်း WAG အဖွဲ့မှ သိရသည်။ ကိုစည်သူအောင်၏ ရုပ်အလောင်းကိုဆေးရုံတွင်ထားရှိပြီး အလုပ်ရှင်သူဌေးမှ သင်္ဂြိုလ်ပေး၍