အလုပ်သမား သတင်း

ဒီဇင်ဘာ ၁၃ရက်၊အရုဏ်ဦး တောင်ကိုရီးယားရောက်မြန်မာလုပ်သားတစ်ဦးဟာ ဒီဇင်ဘာ ၁၂ရက်ညက ကိုယ့်ကိုကိုယ် အဆုံးစီရင်သွားခဲ့တယ်လို့ အဲဒီနိုင်ငံက မြန်မာလူမှုအဖွဲ့တွေဆီက သိရပါတယ်။ ​သေဆုံးသူဟာ အသက်(အသက်၂၀)အရွယ် ကိုညီညီဇော်ဆိုသူဖြစ်ပြီး ကိုရီးယားနိုင်ငံ ချွန်နမ် ပြည်နယ်၊ အာဆန်မြို့ရှိစက်ရုံမှာ အလုပ်လုပ်ကိုင်နေသူဖြစ်တယ်လို့ဆိုပါတယ်။ ကိုညီညီဇော်ဟာ ည ၉နာရီအချိန်အထိ အချိန်ပို ဆင်းပြီးနောက် မိမိအခန်းကို မပြန်လာလို့ အခန်းအတူနေ မြန်မာသူငယ်ချင်းက လိုက်လံစုံစမ်း ရှာဖွေရာ သူအလုပ်လုပ်ကိုင်နေတဲ့ နေရာမှာ မိမိကိုယ်ကို အဆုံးစီရင်ထားတာကို တွေ့ရှိခဲ့ရတာလို့ ကိုရီးယားရောက်မြန်မာလုပ်သားအရေးကူညီပေးနေတဲ့ ကိုဇော်မိုးအောင်က သူ့ရဲ့ဖေ့ဘွက်လူမူကွန်ရက်မှာ ရေးသားထားပါတယ်။ “မြန်မာလုပ်သားများက စက်ရုံတာဝန်ရှိသူများထံ ဖုန်းဆက်အကြောင်းကြားပြီးနောက် စက်ရုံကို ရောက်လာပါတယ်။ ရဲစခန်းကို ဖုန်းဆက် တိုင်ကြားလိုက်ရာ ရဲဝန်ထမ်းများ ရောက်လာပြီး အလောင်းကို စစ်ဆေးပြီး အအေးခန်းကို ပို့လိုက်ပါတယ်”လို့ ကိုဇော်မိုးအောင်က ရေးထားပါတယ်။ တာဝန်ခံရဲဝန်ထမ်းက

ဒီဇင်ဘာ ၁၁ရက်၊ အရုဏ်ဦး ပြည်ပရောက်မြန်မာလုပ်သားတွေရဲ့မိသားစုဆီလွှဲပို့ငွေနဲ့ပတ်သက်လို့ အေဂျင်စီ ၄၀၀ကျော်ကို စစ်ဆေးသွားမယ်လို့ စစ်ကောင်စီအလုပ်သမားဝန်ကြီးဌာနဆီက သိရပါတယ်။ ပြည်ပအလုပ်အကိုင်အေဂျင်စီ ၄၂၉ က မေလကနေ သြဂုတ်လအထိ အလုပ်သမား ၅၆၈၆၀ဦးစေလွှတ်ခဲ့ပြီး အဲဒီအလုပ်သမားတွေရဲ့မိသားစုဆီလွှဲပို့မူအခြေအနေ၊အထောက်အထားတွေကို စီစစ်မှာဖြစ်တယ်လို့ ဆိုပါတယ်။ ဒီဇင်ဘာ ၁၆ရက်ကစပြီး တစ်ရက်ကို အေဂျင်စီ၅၀ ခုစီစစ်ဆေးသွားမှာဖြစ်ကာ ရက်အလိုက်စစ်ဆေးခံရမယ့် အေဂျင်စီတွေရဲ့အမည်စာရင်းကိုလည်း ကြေညာထားပါတယ်။ “အလုပ်သမားပို့ထားတဲ့အေဂျင်စီတွေပဲသွားပြီးစီစစ်ခံရမှာ။အဲဒီအတွက် ကိုယ့်ဖက်ကပြင်ဆင်စရာရှိတာပြင်ဆင်ထားရတာပေါ့။အခုကလေးလစာတပေါင်းတည်စာရင်းတင်ရမှာမို့လို့အလုပ်တော့ပိုရူပ်တယ်”လို့ ပြည်ပအလုပ်အကိုင်အေဂျင်စီလုပ်ငန်းရှင်တစ်ဦးက ပြောပါတယ်။ ပြည်ပကိုအလုပ်သမားစေလွှတ်ခွင့်ရထားတဲ့အေဂျင်စီ ၆၀၀ကျော်ရှိတဲ့အနက်က အလုပ်သမားပို့ထားတဲ့အေဂျင်စီ ၄၀၀ကျော်ကစစ်ဆေးခံရမှာလည်းဖြစ်ပါတယ်။ ပြည်ပအလုပ်အကိုင်အေဂျင်စီတွေအနေနဲ့ လက်ရှိမှာလည်း လအလိုက် အလုပ်သမားရဲ့လွှဲပို့ငွေအထောက်အထားကို ပေးပို့တင်ပြနေရတာဖြစ်ပါတယ်။ အဲဒီလို တင်ပြဖို့ပျက်ကွက်ရင် ဒဏ်ကြေးပေးဆောင်ရတဲ့အပြင် အလုပ်ခေါ်စာအသစ်တင်ခွင့်ဆိုင်းငံ့အရေးယူခံရတာမျိုးရှိနေပါတယ်။ #migranttimes #myanmarworker #migrants #Myanmar #BreakingNews #news

ဒီဇင်ဘာ ၁၀ရက်၊ မောင်နေ့သစ်၊ Migrant Times လာမယ့် ၂၀၂၅ ခုနှစ်၊ ဖေဖော်ဝါရီလမှာ သက်တမ်းကုန်ဆုံးတော့မယ့် ပတ်စပိုစ့်စာအုပ် တွေ သက်တမ်းတိုးဖို့အတွက် ကုန်ကျငွေ ပိုပေးရရင် တိုင်ကြားနိုင်ကြောင်း သိရပါတယ်။ သက်တမ်းတိုးရင် ကုန်ကျမယ့် ငွေပမာဏကို ထိုင်းအစိုးရက ထုတ်ပြန်ထားပြီး ငွေပိုပေးရရင် တိုင်ကြားနိုင်တယ်လို့ မဟာချိုင်ရှိ AAC မဟာမိတ်ရုံးအဖွဲ့က အသိပေးထားပါတယ်။ ပွဲစားတွေဆီ ငွေကြေးအဆမတန်ပေးရရင် ထိရောက်စွာအရေးယူနိုင်ဖို့ AAC ရုံးအဖွဲ့နဲ့ ထိုင်းအစိုးရတာဝန်ရှိသူတွေ သဘောတူညီထားကြောင်း သိရပါတယ်။ Work Permit ၂ နှစ်စာအတွက် ၁၈၀၀ ဘတ်၊ နေထိုင်ခွင့် ဗီဇာအတွက် ၁၀၀၀ ဘတ်၊ ဖောင်တင်ဝန်ဆောင်ခ ၁၀၀ ဘတ် သက်မှတ်ထားပြီး ပကန်အာမခံကတ်ရှိသူတွေအနေနဲ့ ဘတ် ၉၀၀ ကုန်ကျမှာဖြစ်ပြီး စုစုပေါင်း

ဒီဇင်ဘာ၉ရက် ၊အရုဏ်ဦး ပြည်ပရောက်လုပ်သားရဲ့မိသားစုဆီလွှဲပို့ငွေအထောက်အထားပေးပို့ခြင်းမရှိတဲ့အေဂျင်စီ ၁၀၀ ကျော်ကို ဒီနေ့(ဒီဇင်ဘာ၉ရက်)မှာ မပို့နိုင်ရင်အရေးယူမယ်လို့ စစ်ကောင်စီရဲ့အလုပ်သမားညွန်ကြားရေးဦးစီးဌာနက သတိပေးထားပါတယ်။ နိုဝင်ဘာအတွက်လွှဲပို့ငွေအထောက်အထားကို ပေးပို့ခြင်းမရှိသေးတဲ့အေဂျင်စီ ၁၁၈ခုရှိပြီး ဒီနေ့နောက်ဆုံးထားပေးပို့ဖို့သတိပေးထားတာဖြစ်ပါတယ်။ အဲဒီပြည်ပအလုပ်အကိုင်အေဂျင်စီတွေအနေနဲ့ အထောက်အထားပေးပို့ဖို့ပျက်ကွက်ရင် ဒါဏ်ကြေးပေးဆောင်ရမယ့်အပြင် အလုပ်ခေါ်စာအသစ်တင်ခွင့်ကိုပါဆိုင်းငံ့အရေးယူမှာဖြစ်ပြီး အရင်လကစာရင်းကိုပါပျက်ကွက်ရင် ဒဏ်ကြေးနှစ်ဆပေးဆောင်ရမယ်လို့ ဖော်ပြထားပါတယ်။ “စာရင်းပေးပို့ဖို့ပျက်ကွက်တာကအေဂျင်စီအဟောင်းတွေရော၊အသစ်တွေရောပါတယ်။အလုပ်သမားနဲ့အဆက်သွယ်ပြတ်တဲ့သူတွေအခက်တွေ့နေကြတာ”လို့ ပြည်ပအလုပ်အကိုင်အေဂျင်စီလုပ်ငန်းရှင်တစ်ဦးကပြောပါတယ်။ အေဂျင်စီတွေအနေနဲ့ စေလွှတ်အလုပ်သမားက မိသားစုဆီငွေလွှဲပို့တာမရှိရင်လည်း မရှိတဲ့အကြောင်း တင်ပြရမယ်လို့လည်း အလုပ်သမားညွန်ကြားရေးဦးစီးဌာနက ဆိုပါတယ်။ ပြည်ပရောက်အလုပ်သမားရဲ့မိသားစုဆီလွှဲပို့ငွေအထောက်အထားကို လဆန်း၅ရက်မတိုင်ခင် အေဂျင်စီတွေက သက်ဆိုင်ရာဌာနဆီပေးပို့နေကြရတာဖြစ်ပါတယ်။ ဒါ့အပြင် ဧပြီလကနေ သြဂုတ်လအထိ စေလွှတ်ခဲ့တဲ့အလုပ်သမားတွေရဲ့လွှဲပို့ငွေအထောက်အထားကိုလည်း တပေါင်းတည်းပေးပို့ရဖို့ရှိနေပါတယ်။ စစ်ကောင်စီက ပြည်ပရောက်အလုပ်သမားတွေကို လစာရဲ့ ၂၅ရာခိုင်နှုန်း မိသားစုဆီတရားဝင်လွှဲပို့ဖို့ ညွန်ကြားထားတာပါ။ လက်ရှိမှာ ပြည်ပအလုပ်အကိုင်အေဂျင်စီ ၆၀၀ ကျော်က လစဥ် အလုပ်သမား ၁၀၀၀၀ နီးပါးကိုပြည်ပ​ပို့ဆောင်ပေးနေတာဖြစ်ပါတယ်။ #migranttimes #myanmarworker #migrants

ဒီဇင်ဘာ ၈ ရက်၊ Migrant Times ထိုင်းနိုင်ငံ၊ ကော့တောင်ကျွန်းမှာ မြန်မာ‌‌ရွှေ့ပြောင်းလုပ်သားတွေအတွက် အသိပညာပေးဟောပြောပွဲ ကျင်းပခဲ့ပါတယ်။ Koh Tao Myanmar Community (KTMC) က ဒီနေ့ မနက် ၉ နာရီ ၃၀ မိနစ်ကနေ နေ့လယ် ၁ နာရီအထိ တစ်ပိုင်း ၊ ညနေပိုင်း ၇ နာရီကနေ ၉ နာရီ ၃၀မိနစ် အထိ တစ်ပိုင်း နှစ်ပိုင်းခွဲပြီး ကျင်းပခဲ့တယ်လို့သိရပါတယ်။ မနက်ပိုင်းမှာ ပြည်နယ်အတွင်း သက်ဆိုင်ရာ အာဏာပိုင်တွေ၊ ရဲအရာရှိတွေနဲ့ တာဝန်ရှိသူတွေက ယာဉ်စည်းကမ်း၊ လမ်းစည်းကမ်း အသိပညာပေးခြင်း၊ ကယ်ဆယ်ရေး အသိပညာပေးခြင်း၊ ကော့တောင်ကျွန်း သူကြီးက အသိပညာ အားပေးစကား ပြောကြားခြင်းတို့ ပြုလုပ်ခဲ့တယ်လို့ သိရပါတယ်။

ဒီဇင်ဘာ ၇ရက်၊အရုဏ်ဦး တောင်ကိုရီးယားရောက်မြန်မာလုပ်သားတွေအနေနဲ့ မိသားစုဆီတရားဝင်ငွေလွှဲပို့ဖို့ အစိုးရပြည်ပအလုပ်အကိုင်အေဂျင်စီ(POES)ကအသိပေးထားပါတယ်။ အလုပ်သမားတွေအနေနဲ့ လစာရဲ့၂၅ရာခိုင်နူန်းကို တစ်လချင်းဖြစ်စေ၊ သုံးလကိုတစ်ကြိမ်ဖြစ်စေမိသားစုဆီတရားဝင်ငွေလွှဲပို့ဖို့အသိပေးထားတာဖြစ်ပါတယ်။ အဲဒီလိုငွေလွှဲပို့ထားတဲ့အထောက်အထား၊စာရွက်စာတမ်းတွေကိုလည်း အမည်၊ နိုင်ငံကူးလက်မှတ်အမှတ်၊ မြန်မာနိုင်ငံကနေစတင်ထွက်ခွာတဲ့နေ့တို့နဲ့အတူ ဌာနရဲ့ Viberဆီပေးပို့ဖို့ကိုလည်း ဖော်ပြထားပါတယ်။ “ကိုယ့်သဘောနဲ့ကိုယ်လွှဲချင်မှ လွှဲမှာပေါ့။အိမ်ကမိသားစုတောင်အဲဒီလောက်ထိမပူဆာဘူး။သူတို့က ငွေလွှဲဖို့ကိုပဲ ဖိအားပေးနေတော့တာ”လို့ တောင်ကိုရီးယားရောက်မြန်မာလုပ်သားတစ်ဦးက ပြောပါတယ်။ တောင်ကိုရီးယားနိုင်ငံကို POEAက အလုပ်သမားတရားဝင်လွှတ်နေတာဖြစ်ပြီး လစဥ်အလုပ်သမားထောင်နဲ့ချီထွက်ခွာနေတာ ဖြစ်ပါတယ်။ လက်ရှိတောင်ကိုရီးယားမှာ မြန်မာလုပ်သား ၇၀,၀၀၀ နီးပါးရောက်ရှိလုပ်ကိုင်နေပြီး သက်တမ်းပြည့်လုပ်သားတချို့အနေနဲ့ နေရပ်မပြန်ဘဲ အထူးဗီဇာ G1-99လျှောက်ကာ ဆက်လက်နေထိုင်လုပ်ကိုင်နေကြတယ်လို့ အဲဒီရောက်မြန်မာလုပ်သားတွေဆီက သိရပါတယ်။ #migranttimes #myanmarworker #migrants #Myanmar #BreakingNews #news

အပတ်စဥ် စနေနေ့တိုင်းမှာ ရွှေ့ပြောင်းမြန်မာလုပ်သားတွေအတွက် ဗဟုသုတရစေမဲ့ Quiz တွေတင်ဆက်ပေးသွားမှာဖြစ်ပါတယ်။ အခုမေးခွန်းလေးကို Comment မှာဖြေခဲ့ပေးကြပါ ၊ မနက်ဖြန် 4နာရီမှာ အဖြေမှန်ကိုတင်ပေးသွားမှာဖြစ်ပါတယ်။ သိချင်တာမေးချင်တာများရှိရင်လဲ Comment မေးခဲ့လို့ရပါတယ်။ #migranttimes #myanmarworker #migrants #Myanmar #knowledge #knowledgeispower #QuizTime #QuizTime #sharing