တိုင်ဖွန်းမုန်တိုင်း ကဂျီကီ ကြောင့် ထိုင်းနိုင်ငံအနှံ့ မိုးသည်းထန်မည်
ဩဂုတ် ၂၅ မှ ၂၇ ရက်အတွင်း အရှေ့မြောက်ပိုင်းနှင့် မြောက်ပိုင်းပြည်နယ်များသတိပြုရန်ထုတ်ပြန် ဩဂုတ် ၂၅ – Migrant Times တောင်တရုတ်ပင်လယ်မြောက်ပိုင်း၌ရှိနေသည့် တိုင်ဖွန်းမုန်တိုင်း ကဂျီကီ(Kajiki)ကြောင့် ထိုင်းနိုင်ငံအနှံ့ မိုးသည်းထန်မည်ဖြစ်ကြောင်း ထိုင်းမိုးလေဝသဌာန (TMD) ကယနေ့ (ဩဂုတ်-၂၅) ထုတ်ပြန်သည်။ တိုင်ဖွန်းမုန်တိုင်း Kajiki သည် လက်ရှိတွင် တောင်တရုတ်ပင်လယ်မြောက်ပိုင်း၌ ရှိနေပြီး ဩဂုတ် ၂၅ ရက်နေ့တွင် ဗီယက်နမ်မြောက်ပိုင်းသို့ ကုန်းတွင်းဝင်ရောက်မည်ဟု ခန့်မှန်းထားသည်။ ဩဂုတ် ၂၆ ရက် နံနက်ပိုင်းတွင် လာအိုနိုင်ငံသို့ ရွေ့လျားလာချိန်၌ အပူပိုင်းမုန်တိုင်းအဖြစ်သို့ အားပျော့သွားပြီးနောက် မုန်တိုင်းငယ်သို့ပြောင်းလဲသွားမည်ဖြစ်သည်။ ထို့နောက် မုန်တိုင်းသည် ပိုမိုအားပျော့ကာ အားကောင်းသော လေဖိအားနည်းရပ်ဝန်းအဖြစ်သို့ ပြောင်းလဲသွားပြီး ဩဂုတ် ၂၆ ရက် ညနေပိုင်းတွင် နန်ပြည်နယ်မှတစ်ဆင့်
