သတင်း

ထိုင်းနိုင်ငံ၊ချင်းမိုင်မြို့တွင် မြန်မာဆိုင်ရှင်တစ်ဦးနှင့် မြန်မာအလုပ်သမားငါးဦးကို အလုပ်ပါမစ်မရှိသည့်အတွက်ဖမ်းဆီးလိုက် ကြောင်းချင်းမိုင်လူ၀င်မူကြီးကြပ်ရေးဌာန ကထုတ်ပြန်သည်။ ၂၀၂၅ ခုနှစ် မေလ ၂ ရက်နေ့တွင်ရဲတပ်ဖွဲ့နှင့်ချင်းမိုင် လူဝင်မှုကြီးကြပ်ရေး စုံစမ်းစစ်ဆေးရေးအဖွဲ့သည် ချင်းမိုင်မြို့နယ်၊ချင်းဖူရပ်ကွက်ရှိအဆောက်အအုံများကို နိုင်ငံခြားသားများ တရားမဝင် အလုပ်လုပ်နေသည်ဟူသော သတင်းများ လက်ခံရရှိခြင်းကြောင့်စစ်ဆေးခဲ့ ကြောင်း ထုတ်ပြန်ချက်ကဆိုသည်။ စစ်ဆေးမှုရလဒ်အနေဖြင့် မြန်မာနိုင်ငံသား အလုပ်ရှင်တစ်ဦးနှင့်မြန်မာအလုပ်သမား၅ ဦးအားနိုင်ငံခြားသားများ အလုပ်လုပ်ခွင့်ပါမစ်မရှိဘဲ အလုပ်လုပ်ကိုင်ခြင်းဖြင့်ဖမ်းဆီးခဲ့ ကြောင်းသိရသည်။ နိုင်ငံခြားသားအလုပ်သမားများ စီမံခန့်ခွဲရေးဆိုင်ရာ ၂၀၁၇ နှင့် ၂၀၁၈ ခုနှစ် ဒုတိယပြင်ဆင်ချက် အပိုဒ် ၈ နှင့် ၉ တို့အား ချိုးဖောက်ရာရောက်သည်ဟုလည်းဆိုသည်။ သံသယရှိသူ မြန်မာနိုင်ငံသား ၂ ဦးမှ ၅ဦးခန့်သည် ဆိုင်တစ်ခုတွင် စားပွဲထိုးများနှင့် မီးဖိုခန်းလက်ထောက်များအဖြစ် တစ်နှစ်ခန့် အလုပ်လုပ်ကိုင်ခဲ့ကြောင်း ဝန်ခံခဲ့ကြသည်ဟု ထုတ်ပြန်ချက်တွင်ရေးသားသည်။ ပထမသံသယရှိသူမှာ ၎င်းတို့၏အလုပ်ရှင်ဖြစ်ပြီး

ထိုင်းနိုင်ငံ၊ချင်းမိုင်မြို့တွင် အလုပ်လုပ်ကိုင်ခွင့်ပါမစ်မရှိဘဲ လုပ်ကိုင်နေသည့် မြန်မာတစ်ဦးကို စုံစမ်းစစ်ဆေးရေးအဖွဲ့ ကဖမ်းဆီးလိုက်သည်။ မေလ ၁ ရက်နေ့၊ နံနက်တွင် ချင်းမိုင်ခရိုင် မြို့နယ်ခွဲများ၌ စုံစမ်းစစ်ဆေးရေးအဖွဲ့သည် နိုင်ငံခြားသားများ အလုပ်လုပ်ကိုင်နေကြောင်း သတင်းရရှိချက်အရ စီးပွားရေးလုပ်ငန်းများနှင့်ဆိုင်များ ကို စစ်ဆေးခဲ့သည်။ စစ်ဆေးမှုအတွင်း မြန်မာနိုင်ငံသား အမျိုးသား ၁ ဦးအား အလုပ်လုပ်ကိုင်ခွင့်ပါမစ်မရှိဘဲ လုပ်ကိုင်နေကြောင်းတွေ့ရှိပြီး ဖမ်းဆီးခဲ့ကြောင်း ချင်းမိုင်လူဝန်မှုကြီးကြပ်ရေးဌာနကထုတ်ပြန်သည်။ ၂ဝ၁၇ ခုနှစ် နိုင်ငံခြားသားများ အလုပ်အကိုင် စီမံခန့်ခွဲမှုဆိုင်ရာ အရေးပေါ်အမိန့်နှင့် ၂ဝ၁၈ ခုနှစ် ပြင်ဆင်ချက် (အမှတ် ၂) အပိုဒ် ၁၃ အရ ပြစ်မှုမြောက်သဖြင့် ဖမ်းဆီးခဲ့ကြောင်းထုတ်ပြန်ချက်ကဖော်ပြသည်။ ထိုအမျိုးသားသည် ၂ဝ၂၅ ခုနှစ် ဧပြီလအစောပိုင်းမှစ၍ စားသောက်ဆိုင်တွင် ပန်းကန်ဆေးဝန်ထမ်းအဖြစ် အလုပ်လုပ်ကိုင်ခဲ့ကြောင်း၊ ဥပဒေနှင့်အညီ အလုပ်လုပ်ကိုင်ခွင့်ပါမစ်ကို လျှောက်ထားခြင်းမရှိကြောင်း ဝန်ခံထွက်ဆိုခဲ့သည်ဟုသိရသည်။

ထိုင်းနိုင်ငံ ၊ ကန်ချနဘူရီပြည်နယ်ရှိ အဝေးပြေးလမ်းမတွင် ပစ်ကပ်ကားတစ်စီးကို ထိုင်းအမြန်လမ်းရဲတပ်ဖွဲ့က လိုက်လံဖမ်းစီးစဉ် ကွေး (Kwai Yai) မြစ်အတွင်းထိုးကျပြီး တရားမဝင်ဝင်ရောက်လာသည့် မြန်မာ ၁၉ ဦး ကိုဖမ်းမိခဲ့သည်။ ယမန်နေ့ ဧပြီလ ၂၅ ရက်နေ့တွင် ထိုင်းရဲများသည် တရားမဝင် ဝင်ရောက်လာသူများ တင်ဆောင်လာသည့် ပစ်ကပ်ကားတစ်စီးကို မုန်းခရိုင်၊ လပ်ယားမြို့နယ်ခွဲ၊ ဘန်လပ်ယာလမ်းဆုံမှစ၍ ကွေးမြစ်ကိုဖြတ်ပြီး နောင်ဘွားတံတားအထိ စိတ်လှုပ်ရှားဖွယ် လိုက်လံဖမ်းဆီးခဲ့သည်ဟု ထိုင်းသတင်းကဖော်ပြသည်။ ပစ်ကပ်ကား ယာဉ်မောင်းသည် မြစ်ကမ်းပါးတွင် ရေဆေးနေသည့် ကားတစ်စီးကို ဝင်တိုက်မိကာ သူ၏ကားလည်း မြစ်ထဲသို့ ထိုးကျခဲ့ကြောင်း သိရသည်။ ယာဉ်မောင်းသည် ကားပေါ်မှခုန်ချ၍ မြစ်ကိုကူးကာ ထွက်ပြေးလွတ်မြောက်ခဲ့ကြောင်း၊ ပစ်ကပ်ကား ပေါ်ရှိ အမျိုးသား၊ အမျိုးသမီးနှင့် ကလေးများအပါအဝင် မြန်မာနိုင်ငံသား ၁၉ ဦးအား