Thailand

ထိုင်းနိုင်ငံ ချင်းမိုင်မြို့ရှိ စားသောက်ဆိုင်တစ်ခုတွင် အလုပ်လုပ်ခွင့် ပါမစ် စည်းကမ်းဖောက်ဖျက်သည့် မြန်မာလုပ်သား ၂ ဦးကို ဖမ်းဆီးခဲ့ကြောင်း ချင်းမိုင် လူဝင်မှုကြီးကြပ်ရေးဌာနက ယနေ့ မေလ ၁၆ ရက်နေ့တွင်ထုတ်ပြန်သည်။ လူဝင်မှုကြီးကြပ်ရေး စုံစမ်းရေးအဖွဲ့သည် မေလ ၁၅ ရက်နေ့တွင် ချင်းမိုင်မြို့၊ဖားဟမ်းရပ်ကွက်ရှိ လုပ်ငန်းများတွင် တရားမဝင် နိုင်ငံခြားသားများ ခိုးဝင်အလုပ်လုပ်နေကြောင်း သတင်းရရှိပြီးနောက် စစ်ဆေးခဲ့သည်။ စစ်ဆေးမှုအတွင်း မြန်မာနိုင်ငံသား၂ ဦးကို ဖမ်းဆီးရမိခဲ့ပြီး အလုပ်လုပ်ရန် ခွင့်ပြုချက် ရရှိထားသော်လည်း အလုပ်ရှင်အမည်၊ အလုပ်လုပ်သည့်နေရာနှင့် အလုပ်အမျိုးအစားကို အလုပ်စဝင်သည့်နေ့မှစ၍ ၁၅ ရက်အတွင်း မှတ်ပုံတင်အရာရှိထံ အကြောင်းမကြားခြင်း စွဲချက်ဖြင့် ဖမ်းဆီးခဲ့ကြောင်း ထုတ်ပြန်သည်။ မြန်မာနိုင်ငံသား၂ ဦးသည် ထိုင်းအလုပ်ရှင်ထံတွင် ဥပဒေနှင့်အညီ အလုပ်လုပ်ခွင့် ပါမစ် ရှိကြောင်း ဝန်ခံထွက်ဆိုခဲ့သော်လည်း ယခုဆိုင်တွင်

ထိုင်းနိုင်ငံ၊ ရနောင်းမြို့နယ်၊ ပါ့ခလောင်းကျေးရွာအနီးရှိ ဆိပ်ခံတံတားတစ်ခုတွင် ခရု ၅ တန်ကျော် သယ်ဆောင်လာသည့် တရားမဝင်ဝင်ရောက်သည့် မြန်မာလှေတစ်စီးကို ဖမ်းမိကြောင်း ထိုင်းသတင်းပေ့စ်တစ်ခုတွင် မေလ ၁၅ ရက်နေ့က ဖော်ပြသည်။ ရနောင်းပြည်နယ် ငါးလုပ်ငန်းရုံးနှင့် ရနောင်းငါးလုပ်ငန်းစစ်ဆေးရေးဂိတ်တို့ ပူးပေါင်း၍ တရားမဝင် ရေသယံဇာတ တင်သွင်းမှုများကို နှိမ်နင်းစဉ်ဖမ်းမိခဲ့ခြင်းဖြစ်ကြောင်း သိရသည်။ ဌင်းလှေတွင် မြန်မာနိုင်ငံအလံ တပ်ဆင်ထားကာ လှေပေါ်တွင် မြန်မာနိုင်ငံသား ရေလုပ်သားများ ပါဝင်ပြီး တရားဝင်တင်သွင်းခွင့် စာရွက်စာတမ်းများ တောင်းခံခဲ့ရာ တင်ပြနိုင်ခြင်း မရှိကြောင်း ရနောင်းပြည်နယ် ငါးလုပ်ငန်းရုံးမှသိရသည်။ စစ်ဆေးချက်အရ လှေပေါ်တွင် ခရု (surf clam) အိတ်ပေါင်း ၁၄၆ အိတ်၊ တစ်အိတ်လျှင် အလေးချိန် ကီလိုဂရမ် ၄၀ စီ၊ စုစုပေါင်းအလေးချိန် ၅,၈၄၀ ကီလိုဂရမ်

ထိုင်းနိုင်ငံ ၊ စမွတ်စခွန်ခရိုင်ရှိ မြန်မာကလေးငယ်အများစု တက်ရောက် သင်ကြားနေသည့် ရွှေ့ပြောင်းကျောင်း(ရွှေ့ပြောင်းကလေးငယ်များ သင်ယူရေးစင်တာ)များကို မေလ ၁၇ ရက်နေ့မှ စတင်၍ စစ်ဆေးမည် ဖြစ်ကြောင်း စမွတ်စခွန်ခရိုင်လူထုဆက်ဆံရေးရုံးမှ တရားဝင်ထုတ်ပြန်သည်။ စမွတ်စခွန်ခရိုင်ရှိ ရွှေ့ပြောင်းကျောင်းများသည် ဥပဒေအရ ခွင့်ပြုထားခြင်းမရှိပါက အသုံးပြုထားသည့်အဆောက်အဦးကို ချက်ချင်းပိတ်သိမ်းမည်ဟု ထုတ်ပြန်ချက်ကဆိုသည်။ သင်ကြားရေးစင်တာရှိ ဝန်ထမ်းများသည် ရာဇဝတ်မှုတစ်ခု ကျုးလွန်ထားကြောင်းတွေ့ရှိပါက ဥပဒေအရ အရေးယူမည်ဖြစ်ပြီး ဗီဇာကို ရုတ်သိမ်းကာ အမည်ပျက်စာရင်းသွင်းခြင်း ခံရမည်ဟုလည်းဆိုသည်။ ရွှေ့ပြောင်းကျောင်းများတွင် ကလေးငယ်များအား ကျောင်းတက်ခိုင်းထားပါက ဥပဒေအရ မှန်ကန်သော ပညာရေးစနစ်အသုံးပြုသည့် ကျောင်းများတွင် ဝင်ရောက်ပြောင်းရွှေ့ရန် စမွတ်စခွန်ခရိုင်လူထုဆက်ဆံရေးရုံးမှ ထုတ်ပြန်သည်။ စမွတ်ဆာခွန် ခရိုင် အစည်းအဝေးခန်းမ၌ ပြီးခဲ့သည့် မေလ ၁၃ ရက်နေ့ နံနက်ပိုင်းတွင် စမွတ်ဆာခွန်ပြည်နယ်ရှိ ရွှေ့ပြောင်းကလေးများ သင်ကြားရေးစင်တာများဆိုင်ရာ ပြဿနာဖြေရှင်းရေး

ထိုင်းနိုင်ငံ ဘန်ကောက်မြို့၏ အနောက်ဘက်ဒေသ ကန်ချနဘူရီခရိုင်တွင် အလုံပိတ်ပစ်ကပ်ကားပေါ်၌ တရားမဝင်ဝင်ရောက်လာသည့် မြန်မာ ၂၆ ဦးကိုဖမ်းမိခဲ့ကြောင်း ကန်ကျနဘူရီခရိုင်အုပ်ချုပ်ရေးအဖွဲ့မှထုတ်ပြန်သည်။ ယမန်နေ့ မတ်လ ၁၄ ရက်နေ့တွင် တရားမဝင်ဝင်ရောက်သူများရှိကြောင်း ဒေသခံများသတင်းပေးချက်အရ ကန်ချနဘူရီခရိုင်၊ ထောင်ဖာဖွန်မြို့နယ် ထားနွန်ကျေးရွာ လမ်းလေးဆုံတွင် Isuzu D-Max ခဲရောင် အလုံပိတ် ပစ်ကပ်ကားတစ်စီးကို ဆူရစီ တပ်မ ၉ တပ်ရင်းက တားဆီးစစ်ဆေးခဲ့သည်။ ကားပေါ်တွင် အသက် ၄၇ နှစ်အရွယ် ယာဉ်မောင်းနှင့်ခရီးသည်တစ်ဦး၊ ကားနောက်တွင် အထောက်အထားမဲ့ လိုက်ပါလာသည့် မြန်မာရွှေ့ပြောင်း အလုပ်သမား ၂၆ ဦးကို ဖမ်းဆီးရမိကြောင်း ဆူရစီ တပ်မ ၉ တပ်ရင်း ဗိုလ်ချုပ် အသဒွါဝု ပယာရချွန်းက ပြောသည်။ ဖမ်းဆီးခံရသူများသည် ရန်ကုန်တိုင်းမှ ထွက်ခွာလာသူများ ဖြစ်ပြီး

ထိုင်းနိုင်ငံ၊ ချင်းရိုင်မြို့လယ်ရှိ အနှိပ်ခန်းတွင် လိင်ပိုင်းဆိုင်ရာ ဝန်ဆောင်မှုပေးသည့် ထိုင်း-မြန်မာအမျိုးသမီးများနှင့် အထောက်အထားမဲ့သူများအား ဖမ်းမိခဲ့ကြောင်း ချင်းရိုင်ပြည်နယ်အုပ်ချုပ်ရေးမှူးအဖွဲ့က ထုတ်ပြန်သည်။ ဌင်းအမျိုးသမီးများအား တစ်ကြိမ်လျှင် ဘတ် ၁ဝဝဝ မှ ၃ဝဝဝ ဖြင့် လျှို့ဝှက် လိင်ပိုင်းဆိုင်ရာ ဝန်ဆောင်မှုပေးခြင်းဖြင့် ဖမ်းဆီးခဲ့ကြောင်း သိရသည်။ ပြီးခဲ့သည့် ညသန်းခေါင် (မေလ ၁၂-၁၃ ရက်) တွင် ချင်းရိုင်ပြည်နယ်အုပ်ချုပ်ရေးမှူးအဖွဲ့က ချင်းရိုင်မြို့၊ ချက်ရော့လမ်းမပေါ်ရှိ နာမည်ကြီးဘုရားကျောင်းအနီးရှိ အနှိပ်ခန်းတစ်ခု၌ အသက် ၁၈ နှစ်အောက် ကလေးသူငယ်များ၊ နိုင်ငံခြားသားများအား အနှိပ်သမားများအဖြစ် ခေါ်ယူခန့်ထားပြီး အခကြေးငွေဖြင့် လျှို့ဝှက် လိင်ပိုင်းဆိုင်ရာ ဝန်ဆောင်မှုပေး နေကြောင်း တိုင်ကြားမှုများနှင့် သတင်းပေးပို့မှုများ ရရှိပြီးနောက် ဝင်ရောက်စစ်ဆေးစဉ် ဖမ်းဆီးခဲ့ခြင်းဖြစ်ကြောင်း သိရသည်။ ထို သုံးထပ်အဆောက်အအုံ ပထမထပ်ကို ဖောက်သည်များ

ထိုင်းနိုင်ငံ၊ ကန်ချနာဘူရီခရိုင်၊ စန်းခလာဘူရီတွင် မြန်မာနိုင်ငံမှ ထိုင်းနိုင်ငံသို့ တရားမဝင် ဝင်ရောက်လာသည့် မြန်မာ ၂၂ ဦးကို ဖမ်းမိခဲ့သည်။ မေလ ၁၁ ရက်နေ့တွင် နယ်စပ်ဒေသမှ တရားမဝင်ဖြတ်ကျော်မှုများရှိကြောင်း သတင်းများရရှိပြီးနောက် Surasee Task Force နှင့် နယ်စပ်လုံခြုံရေးအဖွဲ့က ဖမ်းဆီးနိုင်ခဲ့ခြင်းဖြစ်ကြောင်း ဘန်ကောက်ပို့စ်သတင်းကရေးသားသည်။ အဆိုပါ တရားမဝင် ဝင်ရောက်လာသူများအား ထိုင်း-မြန်မာနယ်စပ်တစ်လျှောက် ဝမ်ဂါမြို့နယ်ခွဲ၊ ဘန်ဒေါင်းစက်အနီးတွင် တွေ့ရှိခဲ့ပြီး ၎င်းတို့အားလုံး တရားဝင်မှတ်ပုံတင်စာရွက်စာတမ်းများ မပါရှိကြောင်းသိရသည်။ လုံခြုံရေးအဖွဲ့ကစစ်ဆေးမှုများအရ မြန်မာ ၂၂ ဦးသည် စစ်ဆေးရေးဂိတ်များကို ရှောင်ရှားရန်အတွက် မြန်မာနိုင်ငံ၊ ဘုရားသုံးဆူမှ မော်တော်ဆိုင်ကယ်များဖြင့် တောလမ်းကြောင်းများအတိုင်း ခရီးနှင်ခဲ့ကြောင်း သိရသည်။ ၎င်းတို့သည် ထိုင်းနိုင်ငံအတွင်းသို့ ဆက်လက်သယ်ယူပို့ဆောင်ပေးမည့် လှေကို စောင့်ဆိုင်းနေကြောင်း၊ ကန်ချနာဘူရီနှင့် စမွတ်ဆာခွန်တို့တွင် အလုပ်လုပ်ရန် သွားရောက်ကြမည့်သူများဖြစ်ကြောင်း

ထိုင်းတွင် နှစ်ရက်အတွင်း ဆိုင်ကယ်တိုက်မှုကြောင့် မြန်မာ ၄ ဦးသေဆုံး မေ ၁၂ ၊ Migrant Times ။ ထိုင်းနိုင်ငံအနောက်ပိုင်းရှိ ကန်ချနာဘူရီတွင် ယာဉ်ကြောပြောင်းပြန် မောင်းနှင်လာသည့် မော်တော်ဆိုင်ကယ်နှင့် ပစ်ကပ်ကားတို့ တိုက်မိရာ မြန်မာအမျိုးသမီးနှစ်ဦး သေဆုံးခဲ့ပြီး နောက်တစ်ဦးသည် ပြင်းထန်စွာ ဒဏ်ရာရရှိခဲ့ကြောင်း ထိုင်းသတင်းအရသိရသည်။ ယမန်နေ့ မေလ ၁၁ ရက်နေ့ ညနေ ၄ နာရီခွဲခန့်တွင် ကန်ချနာဘူရီ၊ မကာခရိုင်၊ မောင်စီမောင်မြို့နယ်ခွဲရှိ ထိုင်းအစားအသောက် ကြက်သားစက်ရုံ အနီးတွင် မြန်မာအမျိုးသမီးသုံးဦးလိုက်ပါလာသည့် မော်တော်ဆိုင်ကယ်နှင့် ပစ်ကပ်ကားတို့တိုက်မိခဲ့ခြင်းဖြစ်သည်။ ယာဉ်ကြောပြောင်းပြန် မောင်းနှင်လာသည့် မော်တော်ဆိုင်ကယ်နှင့် ပစ်ကပ်ကားတို့ တိုက်မိခဲ့ပြီးအသက် ၂၀ မှ ၃၀ ကြားရှိ မြန်မာအမျိုးသမီးနှစ်ဦး၏ ရုပ်အလောင်းများကို လမ်းဘေးတွင် တွေ့ရှိခဲ့ကာလက်ဖျံနှင့် ခြေထောက်များ

ထိုင်းနိုင်ငံ ၊ စာမွတ်ဆာခွန်ခရိုင် ကထုဘန်နယ်မြေရှိ အိမ်အလုပ်ရုံတစ်ခုတွင် မြန်မာအမျိုးသမီးကို ထိုင်းအမျိုးသားတစ်ဦးက အနိုင်ကျင့် ထိုးကြိတ်ခဲ့သည့်အတွက် ကူညီဆောင်ရွက်ပေးခဲ့ကြောင်း MHAC မဟာမိတ်အဖွဲ့ ၊ မြန်မာအလုပ်သမားကူညီစောင့်ရှောက်ရေးကော်မတီမှသိရသည်။ ဌင်းအလုပ်ရုံတွင် အလုပ်အတူတူလုပ်ကိုင်နေသော မြန်မာအမျိုးသမီး နှင့် ထိုင်းအမျိုးသမီးတို့သည် မေလ ၁ဝ ရက်နေ့ မနက်ပိုင်း၌ အလုပ်ထဲတွင်စကားများခဲ့ကြသည်။ ထို့နောက်ထိုင်းအမျိုးသမီးမှ ထမင်းစားနားချိန် နေ့လည် ၁၂ : ၅၀ အချိန်တွင် ပြင်ပမှ ထိုင်းအမျိုးသား၄ ဦးဆောင်ကို ခေါ်ဆောင်လာပြီး ထိုအထဲမှ ထိုင်းအမျိုးသားတစ်ဦးက မြန်မာအမျိုးသမီး၏ မျက်နှာနှင့်လည်ပင်းများကို ထိုးကြိတ်ခဲ့ကြောင်း သိရသည်။ ထိုသို့အထိုးခံရစဉ် အလုပ်ရုံ အစောင့်ဂိတ်တာဝန်ကျသူက မြင်တွေ့ခဲ့သော်လည်း ဝင်ရောက်ဖြန်ဖြေပေးခြင်းမရှိဘဲ ကြည့်နေခဲ့ကြောင်း အထိုးခံခဲ့ရသည့် မြန်မာအလုပ်သမားအမျိုးသမီးက ပြောသည်။ “ကိုယ်နဲ့လည်း ရန်ငြိုးရန်စလဲမရှိ ဘယ်ကမှန်းလဲမသိပဲ လာလုပ်သွားတော့ တော်တော်လေးစိတ်မကောင်းဖြစ်မိတယ်”ဟု